АМС

АМСМ: Граничните премини затворени за тешки товарни возила, сообраќајот се одвива по влажни коловози

Поради организирани протести на превозници, од вчера напладне е затворен сообраќајот за излез од државата за тешки товарни возила на повеќе гранични премини.Надлежните информираат дека во моментов забраната се однесува исклучиво на тешките товарни возила, додека сообраќајот за останатите категории возила на сите гранични премини се одвива без прекини.Состојбата на државните патишта е стабилна и сообраќајот се одвива непречено по влажни коловози. Слаб снег паѓа на Попова Шапка и на превојот Ѓавато, но не се задржува на коловозот. Интензитетот на сообраќај надвор од градските средини е умерен, а од македонска страна на граничните премини нема подолги задржувања за влез и излез од државата.Од АМСМ потсетуваат дека од 15 ноември е во сила законската обврска за задолжително поседување зимска опрема во возилата, која ќе трае до 15 март 2026 година, како и апел за внимателно и прилагодено управување со возилата, особено на патиштата каде постои зголемен ризик од одрони. Исто така, патниот правец Охрид – Ресен преку националниот парк Галичица останува затворен за сообраќај за сите видови возила до 31 март 2026 година.

Македонија | пред 1 седмица

(Видео) Каевски дојде за да му судат: со лонгета, успеа да стигне на судење за спортските ваучери

Ексдиректорот на Агенцијата за млади и спорт обвинет за направена штета врз државниот буџет од пет милиони евра, се појави на судење. Тој минатиот пат отсуствуваше поради операција на ногата и судењето се одложи, а сега, со лонгета дојде во судот.Покрај Каевски на обвинителна клупа ќе седнат и директорот на АМС, Наумче Мојсовски и претседателот на Македонски олимписки комитет, Даниел Димевски.Обвинителката Лидија Раичевиќ ги обвини дека направиле штета од над пет милиони евра е сторена во случајот со ваучерите на Агенцијата за млади и спорт.Случајот се отвори откако Државната комисија за спречување на корупцијата поднесе иницијатива до надлежниот обвинител дека постои сомнеж во доделувањето на спортските ваучери од страна на раководни лица од АМС. Веднаш потоа јавниот обвинител поднесе обвинителен предлог против 12 луѓе за кривични дела „злоупотреба на службена положба“ и за „несовесно работење“.Судењето го води судијката Џенета Бегтовиќ, а застапник на обвинението е обвинителката Лидија Раичевиќ.

Македонија | пред 1 година

Каевски оперирал тетива, па не дојде на судење: Обвинителката решена да одговара со другите за штета од 5 милиони евра

Откако на првото рочиште не се појави првообвинетиот Дарко Каевски судењето за спортските ваучери на Агенцијата за млади и спорт се одлага за 9 јули. Авокатот на Каевски, Петре Шилегов кажа дека неговиот клиент е на домашно лекување откако му бил извршен оперативен зафат на тетивата. Покрај Каевски на обвинителна клупа ќе седнат и директорот на АМС, Наумче Мојсовски и претседателот на Македонски олимписки комитет, Даниел Димевски.Обвинителката Лидија Раичевиќ ги обвини дека направиле штета од над пет милиони евра е сторена во случајот со ваучерите на Агенцијата за млади и спорт.„Случајот по многу нешта е специфичен, особено поради бројот на обвинетите, поради природата на кривичното дело, поради настаните кои се случувале и особено поради штетата која што е настапена, многу висока, изнесува над 5 милиони евра, рече таа.Случајот се отвори откако Државната комисија за спречување на корупцијата поднесе иницијатива до надлежниот обвинител дека постои сомнеж во доделувањето на спортските ваучери од страна на раководни лица од АМС. Веднаш потоа јавниот обвинител поднесе обвинителен предлог против 12 луѓе за кривични дела „злоупотреба на службена положба“ и за „несовесно работење“.Судењето го води судијката Џенета Бегтовиќ, а застапник на обвинението е обвинителката Лидија Раичевиќ.

Македонија | пред 1 година