АНГЕЛКОВСКА

За Мицкоски тепање жена е „мал престап“ – срамна заштита на насилството врз жените и на Тошковски , вели Ангелковска

СДСМ побара оставка од министерот за внатрешни работи Панче Тошковски, оценувајќи дека премиерот Христијан Мицкоски со својата изјава за случајот со бодигардот обвинет за семејно насилство испратил опасна порака за релативизирање на насилството врз жените.На прес-конференција, Розалија Ангелковска од Форумот на жени на СДСМ изјави дека е недозволиво брутално претепување на жена да се нарекува „мал престап“, оценувајќи дека со тоа директно се минимизира сериозноста на семејното насилство.„За Мицкоски, тепањето жена е ‘мал престап’. Наместо јасна осуда, тој практично застана во заштита на насилникот и на министерот Панче Тошковски“, рече Ангелковска.Од СДСМ обвинија дека власта создава систем во кој блиските луѓе до функционерите се заштитени и привилегирани, дури и кога се осомничени за тешки кривични дела.Во обраќањето беа посочени и повеќе случаи на семејно и врсничко насилство, како и трагични настани за кои, според опозициската партија, институциите не реагирале навреме.СДСМ оцени дека безбедносниот систем е во целосен распад и побара Тошковски веднаш да поднесе оставка. „Македонија стана држава во која насилството се нормализира, а одговорност нема“, порача Ангелковска.

Македонија | пред 2 часа

Ангеловска: СДСМ бара одговорност за скандалот со злоупотреба на деца во Куманово од ЗНАМ и Димитриевски

СДСМ јавно бара одговорност за сериозниот скандал во Основно училиште во Куманово со злоупотреба на деца за политички цели од страна на ЗНАМ и Максим Димитриевски, вели Розалија Ангеловска член на Комисија за образование на СДСМ.„Скандалот се случи во основното училиште „Кочо Рацин“, под надлежност на Општината, каде што работи сопругата на Димитриевски, како и претседателката на Советот, Ивана Георгиевска од ЗНАМ.Наместо вистинска хуманост каква што била најавена, јавноста виде нешто сосема спротивно – дечиња злоупотребени и ставени во функција на политичка пропаганда, принудени да пеат песна од изборната кампања на Димитриевски.Станува збор за класична злоупотреба на деца за политички цели, спротивно на законите и претставува грубо кршење на правата на децата.Обидите да се оправда скандалот од страна на ЗНАМ се срамни, видеото од настанот се кажува. Со оглед на „квалитетот“ на песната, во ЗНАМ може да мислат дека треба да се воведе како задолжителна во основните училишта, во рамки на часовите по музичко образование.  Но здружението ЗНАМ не е културно-уметничко, а Максим не е познат изведувач на Виенската филхармонија.Очигледно е дека за Димитриевски и ЗНАМ нема граници – од сомнителни тендери, преку политичка пропаганда, па сè до злоупотреба на најмладите.СДСМ бара итна и неодложна реакција од сите надлежни институции:Државниот просветен инспекторат, Министерството за образование и наука да покрене постапка за утврдување одговорност од директорката, наставниците, организаторите, градоначаланикот Димитриевски.Комисијата за заштита на правата на детето да реагира и да ги заштити правата на ученицитеБараме целосно расчистување на случајот и соодветни санкции за сите инволвирани, без исклучок.Децата не смеат да бидат инструмент за политичка кампања“, вели таа.

Македонија | пред 1 месец