авионски линии

Авио-хаос на повидок: Ербас привремено приземјува 6.000 авиони од серијата А320

Ербас донесе една од најдраматичните одлуки во својата 55-годишна историја, откако компанијата наложи привремено приземјување и итни проверки на околу 6.000 авиони од семејството А320. Мерката следува по откриениот софтверски проблем што може да влијае врз податоците од контролата на летот, а реакцијата доаѓа само неколку недели откако моделот А320 стана најиспорачуваниот авион во светот, надминувајќи го „Боинг 737“. Во моментот кога е издадена директивата, околу 3.000 авиони А320 се наоѓале во воздух.Поправката вклучува враќање на претходна верзија на софтверот и, според билтенот што го објави Ројтерс, потребни се околу два часа по авион. Неколку големи авиокомпании најавија можни доцнења и откажувања на летови за време на најпрометниот викенд за патувања во САД. Американ ерлајнс, најголемиот оператор на А320, соопшти дека 340 од неговите 480 авиони ќе мора да поминат низ итна интервенција. Слични мерки најавија и Луфтханза, ИндиГо и ИзиЏет, кои накратко ќе ги повлечат авионите од сообраќај.Во светот се користат околу 11.300 авиони од семејството А320, меѓу нив и 6.440 од основниот модел, кој лета од 1987 година. Четири од десетте најголеми оператори се американски компании – Американ, Делта, ЏетБлу и Јунајтед. Според извори од индустријата, кај околу две третини од погодените авиони приземјувањето ќе биде краткотрајно, додека се враќаат на стара софтверска конфигурација.Проблемот е откриен по инцидент со лет на „ЏетБлу“ од Канкун до Њу Џерси на 30 октомври, кога авионот нагло изгубил висина и неколку патници биле повредени. Летот принудно слетал во Тампа, а првичните анализи покажале дека соларни блесоци можат да ги нарушат податоците неопходни за контролата на летот. Настанот ја активираше истрагата на Федералната управа за воздухопловство (FAA) и ја забрза реакцијата на европската Агенција за безбедност на воздухопловството (EASA), која веќе издаде итна директива за поправка. Очекувањата се дека FAA ќе го следи истиот пример.Одлуката доаѓа во чувствителен момент за глобалниот авиосообраќај и би можела да предизвика сериозни нарушувања во наредните денови, додека авиокомпаниите се обидуваат да ги завршат сите потребни интервенции и повторно да го нормализираат летачкиот распоред.

Свет | пред 1 месец

Можност за воведување на нови авиолинии, тема на средбата меѓу вицепремиерот Николоски и шведскиот амбасадор Солстром

Заменик претседателот на Владата и министер за транспорт Александар Николоски денеска оствари работна средба со новоименуваниот амбасадорот на Шведска, Ола Солстром.На средбата, вицепремиерот Николоски го запозна амбасадорот со владината програма во делот на капиталните проекти и вклученоста на Македонија во регионалните инфраструктурни проекти со што сe дава придонес во развој и промоција на регионалната соработка.Се разговараше и за можностите и услови за инвестирање што ги нуди Македонија и јакнење на економската соработка.Исто така, вицепремиерот Николоски ја отвори и темата за поквалитетна поврзаност меѓу двете земји и можностите за зголемување на авиолиниите меѓу Македонија и Шведска.На средбата беа потврдени добрите билатерални односи меѓу Македонија и Шведска кои традиционалнo се пријателски. Двајцата соговорници ја нагласија потребата од интензивирање на соработката во дејностите од заеднички интерес за двете земји.

Македонија | пред 3 месеци

Шест нови авионски линии од следната година

Од Скопје директно ќе се лета кон Барселона, Дубаи, Лион и Штутгарт, а од охридскиот аеродром кон Истанбул и Милхаус. Ова се новите дестинации што ќе се воведат следната година, а избарни се согласно јавниот повик за финансиска подршка за нови дестинаци, истакна заменик претседателот на Владата и министер за транспорт, Александар Николоски на денешната прес конференција.На јавниот повик понуди доставија три авиопревозници, Флај Дубаи, Туршиш ерлајнс и Визер. Согласно јавниот повик финансиската подршка е во висина од 9 евра по патник во доаѓање за патници превезени до „Меѓународен аеродром Скопје“ и 12 евра по патник во доаѓање за патници превезени до аеродромот „Св. Апостол Павле“– Охрид.Повикот што го распишавме веќе ги дава првите резултати, истакна министерот Николоски и додаде:„Со гордост можам да кажам дека од 30 март 2025 година авио превозникот Флај Дубаи ја отвора линијата Скопје - Дубаи- Скопје. Исто така со гордост можам да најавам дека од 30 јуни 2025 година два пати неделно ќе се лета Скопје - Барсeлона - Скопје со што се отвора Шпанија како дестинација. Од 30 јуни, два пати неделно ќе се лета Скопје – Лион - Скопје со што се отвора јужна Франција прв пат како дестинација. Понатаму, од следната година три пати неделно ќе се лета Скопје - Штутгарт - Скопје со што се отвора западниот дел на Греманија. Во однос на охридскиот аеродром, два пати неделно ќе се лета Охрид - Базел Милхаус - Охрид и за мене најзначајната вест врзана за охридскиот аеродром е тоа дека Туркиш ерлајнс редовно ќе лета од 30 март 2025 година на дестинација Охрид - Истанбул – Охрид, со што охридскиот аеродром го отвораме како дестинација за најголемиот аеродром во Европа и аеродром со најголем број на конекции“, истакна министерот Николоски.Министерот најави дека веќе во процес на подготовка е втор повик кој треба да се објави во следните неколку недели бидејќи има силен интерес за воспоставување на нови дестинации.Во однос на финансиската подршка за авиокомпаниите, таа се воведува за период 2025-2027 година и изнесува 360 милиони денари или околу 5 милиони евра, а се очекува бројот на патници да се зголеми за 200 илјади на годишно ниво.

Македонија | пред 1 година