бајрам

Денеска се прославува Рамазан Бајрам

Верниците од исламската вероисповед денеска го слават празникот Рамазан Бајрам. Верниците го слават празникот по завршување на постите кои траеја цел месец кога не се јаде и не се пие ништо од изгрејсонце до зајдисонце, а на крајот на дневниот пост се подготвува ифтарска вечера. Месецот Рамазан е деветтиот месец во исламскиот календар и се смета за месец на почетокот на објавата на светата книга за муслиманите – Куранот.Денешното празнување почнува со утринска молитва во џамија, а потоа верниците одат на гробишта за да ги посетат гробовите на нивните предци и блиски. Празникот прво им се честита на најстарите, а потоа и на останатите. Рамазан Бајрам се слави три дена.На овој ден муслиманите им помагаат на сиромашните, на децата без родители и на осамените, а помагањето е должност на секој муслиман за Рамазан Бајрам.Честитка за празникот прв упати поглаварот на Исламската верска заедница (ИВЗ), Шаќир Фетаи кој порача да престанат сите оружени конфликти во светот, да владее мир насекаде, бидејќи како што наведе, само во мир човештвото може да оди напред кон нови случувања, за доброто на сите луѓе, без′ разлика на раса, пол, веросиповед или етничка припадност.Од утрово, политичарите и функционерите упатија рамазански честитки до верниците кои го слават празникот. Рамазан Бајрам е државен празник во Македонија.

Македонија | пред 8 месеци

ВМРО-ДПМНЕ го честита големиот празник Рамазан Бајрам на сите верници од исламска вероисповед

„Со искрени желби за мир, среќа и благосостојба, ВМРО-ДПМНЕ го честита Рамазан Бајрам на сите верници што го слават! Овој празник нека биде потсетник на хуманоста, солидарноста и меѓусебното разбирање“, вели ВМРО-ДПМНЕ и додава:Овие денови се потсетник дека вистинската сила на едно општество се мери преку меѓусебната почит, разбирање и грижата за другите, вредности кои се втемелени во нашето општество и кои нè обединуваат без разлика на вера, етничка или друга припадност.Во период кога заеднички се радуваме, но и во мигови на длабока колективна болка, како што беше неодамнешната трагедија во Кочани, уште еднаш стана јасно дека солидарноста, подадената рака и чувството за заедништво се вкоренети во духот на нашиот народ. Токму таа сплотеност и меѓусебна грижа се темелите врз кои ја градиме посветената, праведна и одговорна држава што сите ја заслужуваме.Нека вредностите на разбирањето и почитувањето, кои се основа на Рамазан Бајрам, бидат водилка и во градењето на праведно, просперитетно и квалитетно општество за сите граѓани.Честит Рамазан Бајрам!

Македонија | пред 8 месеци

Нема фотографија

Како се честита Курбан Бајрам

Курбан Бајрам е еден од најважните исламски празници, кој се слави по светиот месец Рамазан. Овој празник започнува на 16 јуни 2024 година и трае следните три дена.Курбан Бајрам ширум светот се слави меѓу муслиманските заедници. Муслиманите го пречекуваат Бајрам во своите домови, а во зори одат во џамии на утринска молитва, го чекаат изгрејсонцето и го молат Бајрам. Следува честитка. Потоа одат на гробиштата, а потоа се враќаат во своите домови, каде што се подготвуваат за жртвување на Курбан според правилата на шеријатот.Бајрам шериф мубарек олсун: Ова е традиционален начин на поздравување кој се користи во турскиот јазик. Тоа значи „Бајрам да ви донесе благослов“.Одговорот што потоа следи е: „Алах рази олсун (Алах да биде задоволен од тебе)“.Се разбира, можете едноставно да го честитате празникот - Среќен Курбан Бајрам.При честитањето најчесто се даваат подароци, особено на сиромашните, за да се сподели радоста на празникот.Главниот симбол на Курбан Бајрам е жртвување на животно, обично овца, коза или говеда. Оваа жртва ја симболизира послушноста кон волјата на Алах.Курбан Бајрам исто така ја нагласува важноста од споделување и солидарност со оние на кои им е потребна. Дел од месото од жртвуваното животно традиционално се дели на сиромашните, роднините и пријателите. Негува чувство на заедница и грижа за другите во заедницата.Курбан Бајрам доаѓа по светиот месец Рамазан, за време на кој муслиманите постат од утро до зајдисонце. Тоа е време на молитва, интроспекција и духовна обнова, а Курбан Бајрам е можност да се прослави по еден месец на одрекување и духовна дисциплина.За време на Курбан Бајрам, муслиманите извршуваат посебни молитви и ритуали во џамиите, заедно со нивните семејства.

Свет | пред 1 година

Габриел Бајрам ќе остане уште 30 дена во затворот во Шутка, судот се сомнева дека ако го пушти ќе избега

Габриел Бајрам, син на покојниот пратеник Амди Бајрам, доби нови 30 дена притвор. Тој останува во затворот „Скопје“ во Шутка, каде беше однесен пред една недела, дознава „Скопје1.мк“. Тој е осомничен дека сторил насилство, а Обвинителството во Скопје смета дека може да избега и да биде недостапен за правосудните органи.Кривичниот суд смета дека ова е исправно и дека постојат основни сомневања кои го потврдуваат ставот на Обвинителството. Ова значи дека Бајрам ќе остане во притвор до септември.Големо влијание на судската одлука за продолжување на притворот е тоа што Габриел Бајрам е осудуван. Тој и порано бил пријавуван за слични дела, но ги повторувал истите.Габриел Бајрам е осомничен за насилство кое го сторил пред два дена на семејна веселба во ресторан на улица Словенечка. Насилниот советник барал тањири за да кршат гостите додека се веселат, но вработениот не му дозволил по што Бајрам фрлал шишиња и чаши кпн него. Во насилството му се придружил и синот Валентин кој исто така е осомничен.„ Двајцата осомничени, на 28 јули, во угостителски објект на булеварот „Словенија“ во Скопје, додека биле на семејна роденденска прослава, извршиле грубо насилство врз едно лице. Оштетениот одбил на еден од присутните гости на прославата да му даде чинии за кршење. Во тој момент, осомничениот се упатил кон шанкот и со рака замавнал кон шишињата и чашите, фрлајќи ги кон лицето на оштетениот. Оштетениот успеал да се заштити со рацете, по што осомничениот започнал да го удира со боксови во пределот на главата. Кон ударите се придружил и неговиот син, а за цело време двајцата осомничени упатувале пцовки и закани кон нападнатото лице. Оштетениот се здобил со телесни повреди по главата и телото, додека насилството предизвикало чувство на несигурност, загрозување и страв кај други присутни сведоци на настанот“, соопштија од Обвинителството.

Македонија | пред 3 години

Договорите за струја во ГТЦ двојно помали, откако Бајрам престана да „копа“ биткоини

Последниот договор на АД ГТЦ со ЕСМ продажба ДОЕЛ склучен лани на 16 ноември за годишна набавка на електрична енергија е за 6.359 мегаватчаса. Лани истиот договор бил за 12.779 мегаватчаса. Наеднаш истите дуќанџии, истата компанија има потреба за двојно помалку струја. Лани во ноември од магацините на ГТЦ беа изнесени бројни ригови инсталирани за потребите на Елвис Бајрам за „копање“ на биткоини, пишува МКД.мкСпоред последниот годишен договор за снабдување со електрична енергијата, АД ГТЦ за 40 милиони денари, без ДДВ, купува струја по цена од 6.291 денар по мегаватчас. Тоа значи дека проценката на АД ГТЦ за периодот од 1 декември 2021 до 30 ноември годинава е дека се потребни 6.359 мегаватчаса.Потписниците на овој договор и во ноември 2020 година се договориле за снабдување со електрична енергија од 1 декември 2020 до 30 ноември 2021 година исто така за 40 милиони денари (без ДДВ) ама по цена од 3.130 денари за мегаватчас или 12.779 мегаватчаса.Целиот текст можете да го прочитате тука

Македонија | пред 3 години

Ковачевски, Мицкоски, Мијалков, Боки 13 имаат исти желби и честитки: Здравје, спокој, харомнија, радост...

„Нека биде благословен и честит празникот Рамазан Бајрам! На сите припадници на Исламската вероисповед во нашата земја, во мое, и во име на Владата на Северна Македонија, им упатувам најискрени честитки по повод големиот муслимански верски празник Рамазан Бајрам. Ви посакувам празничните денови на Рамазан Бајрам да ги поминете во радост и спокојството на домот, во добро здравје и духовна сила!“, честиташе премиерот Димитар Ковачевски.„Во мое лично име и во име на ВМРО-ДПМНЕ, на сите граѓани на Република Македонија од исламска вероисповед им го честитам празникот Рамазан Бајрам. Нека празничните мигови ви поминат во добро здравје и спокој, а вашите домови нека бидат исполнети со радост и хармонија. Верата, солидарноста и човекољубието нека продолжат да ве водат во овие тешки времиња на предизвици, затоа што само така можат да се надминат заедничките проблеми кои сите ние заедно ги делиме и ги живееме. Животот и традицијата на разбирање, соживот и взаемна почит покажале дека сплотени сме ги постигнувале најголемите успеси за нашата татковина Македонија. Благосостојбата на секој еден човек, за секое едно семејство, за целата наша држава е нашата цел. Мораме да се обединиме околу принципите кои значат подобра иднина за сите и тоа ќе бара голема посветеност и работа. Доволно долго Македонија е заложник на криминалот и корупцијата на елитите поради која Македонија ја имаме се помалку, а народот ни живее се посиромашно. Тоа мора да го промениме и тоа ќе го направиме заради иднината на сите наши идни поколенија. Честит Рамазан Бајрам!“, напиша Христијан Мицкоски, претседател на ВМРО-ДПМНЕ.„Честит Рамазан Бајрам ! На сите кои го прославуваат овој месец на пост им посакувам добро здравје, среќа и благосостојба во семејствата. Верувам дека денешниот празник, моите пријатели од исламска вероисповест го поминуваат во радост со своите најблиски и се надевам дека почитувањето, простувањето, разбирањето и сите други вредности кои ги подразбира Рамазан Бајрам ќе ви донесат поголеми успеси во животот на секое поле. За многу години празникот“, напиша Сашо Мијалков.„Верата значи љубов, добра мисла и добри дела, во тоа име на сите припадници на муслиманската вероисповест им го честитам празникот Рамазан Бајрам. Ви посакувам многу здравје, благосостојба, меѓусебно разбирање, соживот и успеси на секое поле. Секој празник нека биде мотив повеќе за сплотеност, правда и почит. За многу години празникот!“, напиша Бојан Јовановски-Боки 13.

Коментари | пред 3 години

Денеска е Рамазан Бајрам, како се слави?

За Рамазан се вели дека е Султанот на 11-те месеци. Верниците во текот на цел еден месец не јадеа и не пиеја ништо од изгрејсонце до зајдисонце. Се чуваа да не направат било каков грев, а сега со завршувањето на постите го слават Рамазан бајрам. Насекаде таму каде што живее Муслиманот низ целиот свет се слави Рамазан бајрам.Бајрамот првин се слави во домот. Мажите во раните утрински часови итаат на првиот бајрамски намаз, а жените кои исто така стануваат рано и ги подготвуваат мажите за во џамија ги будат децата, ги облекуваат во најубавата и нова облека и заедно ги чекаат машките членови од семејството да се вратат од џамија. Кога сето семејство ќе се собере дома, почнува меѓусебното честитање на бајрамот. Пред тоа мажите кои биле на бајрам намазот на излегување од џамија си честитаат бајрам едни на други и си посакуваат уште многу години заеднички и среќен живот.После честитањето во кругот на семејството се оди на честитање на постарите роднини и пријатели ако живеат во истиот град или село, а ако не, честитките се реализираат преку телефон или другите видови на комуникација, а денес веќе и преку раширената појава на социјалните мрежи на интернет.Децата добиваат подароци и пари како од повозрасните членови на семејството така и од гостите, роднините и пријателите кои доаѓаат или кај кои се оди на честитање.Бајрамскиот ручек е богат со разни видови јадења и секако со традиционалната баклава.Бајрамските празнични денови поминуваат во весела и срдечна атмосфера, со чувството на гордост и среќа поради припадноста на муслиманската вера. Бајрамот е исто така време на помирување на скараните на љубење рака на постарите и на делење подароци и пари на децата.Постарите на бајрам секогаш копнеат по младоста велејќи “ ех, каде се старите денови кога се славеше бајрам“. Најмногу се радуваат децата бидејќи добиваат голем број подароци, но и нова облека, нови кондури, понекогаш велосипеди и играчки. Децата исто така добиваат чоколади и бонбони кога и да заѕвонат на ѕвоното на кој било дом.RAMAZANБајрамот се слави со големи прослави во целиот муслимански свет. Почнувајќи од далечната Кина во регионите каде што живеат муслиманите Ујгури, па преку азиските земји, Индонезија, до земјите на Блискиот исток, Палестина, африканските земји и земјите на Балканот, дури и до Европа, насекаде каде што се распространети Муслиманите, било во заедници или поединечно.Бајрамот е исто така повод да се истакнува солидарност со Муслиманите кои трпат маки, кои што живеат во услови на војна и кои што се потчинети. Се испраќаат пораки полни со солидарност, изрази на морална помош и пораки за што поскоро поминување на мачните и тешките денови.Бајрамот е исто така повод за да се потсети на сиромашните, децата без родители и осамените. Малите садаки кои ќе се приложат на нивна адреса можат да предизвикаат голема среќа кај овие луѓе.Тоа е должност на секој Муслиман во Бајрам.

Македонија | пред 3 години