БАЛИ

(Видео) Поплави го потопија Бали: Огромни питони пливаат низ улиците

Поради обилните дождови што речиси три дена непрекинато паѓаат, големи делови од островот Бали се под вода. Патиштата се претворија во реки, а бројни станбени населби се поплавени.Жителите сведочат и на необична појава – огромни змии што пливаат низ улиците. Снимките на социјалните мрежи прикажуваат питони како се движат низ поплавени квартови, дворови и улички.Бали е живеалиште на неколку видови големи змии, меѓу кои и мрежестиот питон, една од најдолгите змии во светот и одличен пливач. За време на поплави, змиите ги напуштаат своите природни засолништа во потрага по храна или посуво место, па често завршуваат во населени подрачја.Островот се наоѓа во врвот на дождовната сезона, која трае од ноември до март, а годинава временските услови се особено тешки. Во некои места мотоцикли се делумно потопени, а главните сообраќајници се непроодни. Издадени се предупредувања за главните туристички центри, додека спасувачките тимови со чамци евакуираат жители од најзагрозените области.Властите апелираат граѓаните и туристите да избегнуваат движење низ поплавените улици. И покрај бројните пријави за змии, досега не е забележан ниту еден случај на каснување. Поплавите, освен што ја оштетуваат инфраструктурата и туризмот, предизвикуваат и раселување на диви животни кои инаку избегнуваат контакт со луѓето.

Свет | пред 2 седмици

(Видео) Хаос на Бали по ерупцијата на вулканот

Неколку меѓународни авиокомпании денеска ги откажаа летовите до и од индонезискиот остров Бали, по натамошните ерупции од вулкан што испрати облаци од пепел високи и до 10 километри и принуди илјадници луѓе да се евакуираат.Jetstar и Qantas соопштија дека ги прекинале летовите за Бали во средата од безбедносни причини поради вулканска пепел, додека веб-страницата за следење на авиони Flightradar24 покажа дека летовите на AirAsia и Virgin до островот се исто така откажани.Бали е главната туристичка дестинација на Индонезија и е популарна дестинација за посетители од целиот свет.Во првата ерупција на вулканот Левотоби Лаки-лаки на 3 ноември во источната провинција Нуса Тенгара, на околу 800 километри од Бали, загинаа најмалку девет лица. Оттогаш, вулканот продолжи да еруптира, вклучително и неколку пати во вторникот.Од 4 до 12 ноември на Бали се откажани 80 летови. Индонезија има близу 130 активни вулкани и се наоѓа на Пацифичкиот „Огнен прстен“, област со висока сеизмичка активност на врвот на различни тектонски плочи.

Свет | пред 1 година