беќаровски

Што да направите ако ве касне змија: Беќаровски со важни совети

Во летниот период, кога се зголемуваат активностите во природа, постои и зголемен ризик од средби со змии. Токсикологот проф. д-р Нико Беќаровски објави корисни упатства за тоа како правилно да се постапи во случај на каснување од змија, потенцирајќи што треба, а што никако не смее да се направи.Што треба да направите:Останете смирени – паниката може да го забрза ширењето на отровот.Забележете го времето кога сте биле каснати – ова е важно за понатамошен третман.Отстранете ги чевлите, накитот и други предмети околу местото на каснување, бидејќи може да се појави оток.Имобилизирајте го делот од телото каде што се случило каснувањето – држете го на или под нивото на срцето.Веднаш побарајте медицинска помош – одете во најблиската болница и, доколку е можно, обидете се да ја опишете змијата која ве каснала.Што не смеете да правите:Не паничете – тоа ја забрзува циркулацијата и може да го влоши состојбата.Не ја засекувајте раната – тоа не помага и може да ја влоши повредата.Не обидувајте се да исмукувате отров од местото на каснување.Не ставајте мраз на раната – тоа може да предизвика дополнителни оштетувања.Не подврзувајте ја раката или ногата над местото на каснување – тоа може да го влоши протокот на крв.Не пијте алкохол или кафе – тие го забрзуваат срцевиот ритам и циркулацијата, што може да го зголеми ширењето на отровот.Со овие препораки, д-р Беќаровски апелира на внимателност и информираност, бидејќи навремената и правилна реакција може да спаси живот.

Коментари | пред 4 месеци

Нема фотографија

Вработените на Токсикологија во одбрана на Беќаровски: „Тој е врвен професионалец, зад обвинувањата стојат лица што не се вработени на клиниката“

Со реакција во отворено писмо до јавноста се огласија вработените во Токсикологија, кои велат дека се што е напишано против докторот Беќаровски не е вистина.Вработените се уверени дека наводите од изјавата не се вистинити, а за познатиот докотор имаат да кажат сѐ најубаво.„Најостро реагираме и ги демантираме информациите изјавени во неколку медиуми од министерството за здравство и сме должни на јавноста да ѝ појасниме дека какви било навреди или притисоци на Албанци кои претходно беа ангажирани со договор на дело, од страна на проф. др. Нико Беќаровски не се упатени“, пишува меѓу другото во реакцијата од вработените.Претходно, и доктор Беќаровски најави тужба до инволвираните лица и во целост ги отфрли тврдењата дека ги навредувал Албанците на национална основа.На сето ова претходи што пред речиси еден месец на прес-конференција доктори од Клиниката за токсикологија објавија дека економската директорка Бесија Илјази не дозволува вработување на двајца дипломирани биолози и еден болничар. Наместо тоа, таа инсистира да се вработат осумнаесетмина, на кои им истекле договорите за дело, а меѓу нив има лица што немаат соодветно образование. Вработените тврдат дека Илјази, спротивно на решението на ДСЗИ, кое изречно забранува присуство на невработени лица на Клиниката, ги поттикнува да доаѓаат на работа сите оние на кои им е истечен договорот.Нико Беќаровски тогаш рече дека едното од овие лица со истечени договори, кој работел како болничар, вршел притисок врз лаборант – барал урина во која имало наркотици да биде сменета со урина која е чиста, ама лаборантот не прифатил.За образованието на Илјази лекарите не знаат ништо, ниту за познавањето јазици, со оглед на тоа што македонскиот не го зборува, а Беќаровски тогаш рече дека се обидел да комуницира со неа на англиски јазик. Заклучокот беше дека со неа немаат комуникација.

Македонија | пред 1 година

Лажењето на очајни пациенти е невиден злочин и мораме да им застанеме на патот, Беќаровски инволвиран во измама

Доктор Нико Беќаровски денеска со свој пост на Фејсбук споделува за злоупотреба во која самиот е инволвиран.Имено, тој преку неговиот профил демантира дека бил интервјуиран и дека има лек за болеста од која умираат најмногу луѓе кај нас, но и во регионот.Беќаровски бил наведен како доктор кардиохирург кој тврди дека се крие лекот за болести поврзани со кардиоваскуларниот систем.Поради ова тој на Фејсбук напиша:- Почитувани мои пријатели од Србија,Ако постои адвокат кој би покренал судски спор против Вашиот портал kurir.rs, со задоволство би сведочел.Лажењето на очајни пациенти е невиден злочин и мораме некако да им застанеме на патот - стои во неговиот пост, на кој исто така го има закачено и линкот на кој се гледа наводно интервју кој тој го дал за медиумите во соседството.

Коментари | пред 2 години

Беќаровски до Арсовска и Муцунски: Уште колку месеци ќе голтаме прашина, паркираните булдожери и валјак и во следните шест месеци ќе стојат како декор

Доктор Нико Беќаровски повторно реагира на социјалните мрежи во врска со раскопаниот дел од улицата „Васко Каранѓелевски“ во општина Аеродром.„Почитувани мои ФБ пријатели од медиумите, ќе Ве замолам ЈАВНО да ги прашате градоначалникот на Општина Аеродром, г-динот Тимчо Муцунски и градоначалничката на Скопје г-ѓа Данела Арсовска:• Уште колку месеци ќе треба секојдневно да ја голтаме прашината и да ги кршиме автомобилите по раскопаниот дел од улицата "Васко Каранѓелевски" на потегот од базенот "Бисер" до поликлиниката "Јане Сандански"???• Дали паркираните два булдожери и еден валјак и во следните шест месеци, како и во изминативе, ќе стојат како декор???Однапред Ви благодарам во името на илјадниците граѓани на Аеродром кои секојдневно барем два пати поминуваат низ оваа улица и одат со извалкани чевли или извалкани и амортизирани автомобили до своите работни места, иако живеат само на 3.5 км од центарот на 'метрополата'“,вели Беќаровски.

Коментари | пред 2 години

Уште непочнати се разидоа: Доктор Лазаров го напушти синдикатот на Беќаровски

Откако веќе неколку денови докторот Нико Беќаровски работи макотрпно на формирањето на новиот синдикат на здравствени работници и како член на неговиот иницијативен одбор го најави и докторот Ненад Лазаров, денес пукна договорот помеѓу нив.Лазаров се налути заради тоа што синдикатот зад чие формирање стои Беќаровски, се спојува со Сскц Самостоен Синдикат.Погледнете ја преписката помеѓу нив.

Коментари | пред 2 години

Хакиран профилот на доктор Беќаровски: Гледам неколку мои објави се избришани, ама пак ќе ги реобјавам

Проф. д-р Нико Беќаровски денеска објави дека профилот му бил блокиран и хакиран, а дел од објавите му биле избришани.-Во периодот од 23.30 до денес во 10.00 профилот ми беше блокиран и хакиран.Гледам неколку мои објави #deleted, ама пак ќе ги реобјавам.Се надевам дека во тој период немало "мои" објави , ако имало јас не сум авторот.Изгледа ФБ со право го преименуваа во МЕТА.Меѓу ХИПОКРИТ и ХИПОКРАТ разликата е само една буква.Убав викенд на сите, убаво одморете се, јас денес и утре морам да дежурам. (бидејќи нема кој, или според некои кои одамна престанале да дежураат и заборавиле колку се крвави дежурствата, "да правам пари")Од понеделник продолжуваме уште потурбулентно, пишува тој во најновата објава.

Коментари | пред 2 години

Беќаровски и Лазаров формираат независен докторски синдикат

Неодамна, доктор Нико Беќаровски, објави дека дошло време да се формира Независен лекарски синдикат.Сега и официјално, тој почна да го формира Иницијативниот одбор за неговото формирање, а докторот Ненад Лазаров, ќе биде дел од ИО.„Денес имаме посебна чест и задоволство да Ви го претставиме еден од најдокажаните борци за правата на младите лекари и специјализанти, единствениот Др спец. гинеколог Ненад Лазаров, кој е дел од Иницијативниот Одбор на Н.Д.С.Со неговото присуство и активен ангажман уверени сме дека младите лекари и специјализанти ќе ја најдат својата иднина во нашата држава“, напиша Беќаровски на Фејсбук.

Коментари | пред 2 години

Беќаровски до Муцунски: Уште колку месеци ќе треба да ги "кршиме и валкаме" колите по неасфалтираната раскрсница кај базенот во Аеродром ???

Доктор Нико Беќаровски со посебен пост на Фејсбук му се обрати на градоначалникот на општина Аеродром, Тимчо Муцунски, укажувајќи му дека раскопаните улици низ општината се голем терет за граѓаните.Тој нагласува дека раскрсницата кај Воената академија во општината е хорор за граѓаните, особено за оние кои живеат таму и мораат секојдневно да поминуваат по неа.- Почитуван г-дине Тимчо Муцунски,Уште колку месеци ќе треба да ги "кршиме и валкаме" колите по НЕАСФАЛТИРАНАТА раскрсница кај базенот во Општина Аеродром ???Кој ќе ни ја плати оштетата за уништените амортизери и раштелуваните предници на автомобилите ???Избран сте од граѓаните на Општината за да бидете татко на Аеродром. Ставете ја во мирување Вашата партиска функција и посветете се на решавањето на проблемите на Вашите сограѓани - напиша Беќаровски.

Коментари | пред 2 години

Ако и овој пат не нѐ послушате порано или покасно ќе Ви се случи АСНОМ, доктор Беќаровски со предлог до Мицкоски и Ковачевски

Докторот Нико Беќаровски, на својот Фејсбук профил објави предлог до лидерите на двете најголеми македонски политички партии во земјава.,„Почитувани партиски Претседатели на СДСМ г-дине Димитар Ковачевски и на ВМРО-ДПМНЕ, г-дине Христијан МицковскиЕве Ви еден НЕПАРТИСКИ компромисен предлог за да излезете двајцата како победници.1.Усвојте ги Уставните измени веднаш, кои ќе важат веднаш но со одреден временски рок.2. Ако до 31.12.2029 година Македонија стане полноправна членка на ЕУ измените автоматски стапуваат без временски рок.3. Ако до 31.12.2029 година Македонија не стане членка на ЕУ по автоматизам овие уставни промени, НО И ПРЕСПАНСКИОТ договор стануваат НИШТОЖНИ и Македонија си го враќа своето уставно име Република Македонија.4. До завршувањето на преговорите дејствувајте како коалиција, за да нема никакви опструкции.Со овие четири услови и ЕУ и Бугарија и Грција ќе бидат стимулирани навремено да ги завршиме преговорите, а "камшикарите" стимулирани пожестоко да не удираат по грбот.Ако и овој пат не нѐ послушате порано или покасно ќе Ви се случи АСНОМ (Апартиски Сојуз за Национална Обнова на Македонија), а Вие ќе завршите на заслуженото место.П.С. Знам дека предлогот ќе Ви се допадне и на многу членови на двете партии, ама од пусти страв да не Ви се налути лидерот ќе си проќутите“, се вели во соопштението.

Коментари | пред 2 години

Прво требаше да биде разрешен Организациониот директор, а дури потоа Јовев, вели Бежаровски

Доктор Нико Беќаровски, на социјалните мрежи го сподели својот став околу скандалот што деновиве ја тресе клиниката за кардиохирурхија.„Организационите директори на Клиниките беа "измислени" во септември 2007 година, од тогашниот Министер Имер Селмани и тогашниот Премиер Никола Груевски, за наводно да ги водат сите технички работи по Клиниките и со својот врзан потпис да спречат било какви финансиски малверзации на стручните директори, а во пракса се сведе на вдомување на репрезентативните партиски лепачи на плакати.Пропустите на УК Кардиохирургија, барем тие кои јавно ги слушнавме се исклучиво организациони и финансиски и повеќе од нормално е прво да биде разрешен Организациониот директор, а дури потоа Стручниот директор проф. д-р. Сашко Јовев.ЗАТОА УШТЕ ЕДЕН АПЕЛ, ВЕДНАШ ИНТЕГРИРАЈТЕ ГО КЛИНИЧКИ ЦЕНТАР во еден правен субјект, поставете два директори (стручен и финансиски) за цел КЦ по избор на Владата, а на сите 32 организациони единици (Клиники и Институти) дозволете им сами да одберат Стручни Раководители од редот на професорскиот кадар кој го имаат, а ЗА ПРИЕМОТ НА НОВ ПЕРСОНАЛ ДА ОДЛУЧУВА ИСКЛУЧИВО СТРУЧНИОТ КОЛЕГИУМ НА СЕКОЈА КЛИНИКА.Само така КЦ може да има стручно-научен прогрес, пациентите врвна здравствена заштита.СЕ ДРУГО Е ИМПРОВИЗАЦИЈА“, вели Беќаровски.

Коментари | пред 2 години

Беќаровски до новинарите: Упорно ја прогласувате средбата Ковачевски - Мицковски за лидерска, двајцата вкупно имаат поддршката од 25 отсто од граѓаните

Доктор Нико Беќаровски преку социјалните мрежи им се обрати на новинарите. Тој во својата објава вели дека средбата меѓу Ковачевски и Мицкоски новинарите ја нарекуваат лидерска, а тие двајца имаат поддршка на максимум 25 проценти од граѓаните, па со таков рејтинг тоа може да биде само средба на двајца претседатели на партии.„Почитувани македонски новинариЛИДЕР (Leader) е англиски збор кој значи водач, човек кој е на чело од колоната.За некој да биде водач треба да ја има довербата од луѓето кои ги води позади себе.ВИЕ, упорно ја прогласувате средбата меѓу Димитар Ковачевски и Христијан Мицковски за некаква си лидерска средба, иако според анкетите кои Вие ги објавувате, двајцата вкупно имаат поддршката од максимум 25 проценти од нашите граѓани.Со така "висок рејтинг" меѓу народот, таа средба може да биде само средба на двајцата претседатели на двете најголеми партии и ништо повеќе, или како што смета најголем дел од народот, средба на претседателите на двете партии кои ја уништија Македонија во овие 32 години“, напиша тој на Фејсбук.

Коментари | пред 2 години

Ајде да го земеме американскиот модел за исплата и во нашето здравство, Беќаровски со реакција за зголемувањето на платите на функционерите

Д-р Нико Беќаровски,во јавноста важи за човек кој секогаш искрено и јавно ги пишува своите ставови за разни општествени теми.Овој пат,тој повторно реагираше за повисоката плата на функционерите,кои сега земаа повисока плата за 16 илјади денари.„Бруто платите на американските конгресмени и сенатори се 174.000$ годишно.Просечната бруто плата исплатена на докторите специјалисти во САД е 234.000 $ годишно за специјалистите по јавно здравје до 554.000 за пластичните хирурзи.Од денес нето платата на македонските парламентарци без патни трошоци, без пресметан стаж, без дневници за патување итн е само 110.000 денари. Ајде да го земеме американскиот модел за исплата и во македонското здравство“, напиша тој на својот профил на Фејсбук.

Коментари | пред 2 години

„Со новото покачување од 78% на сите функционерски плати, станува атрактивна и за луѓето кои навистина поштено би ја работеле“, вели Беќаровски

Познатиот доктор Нико Беќаровски, на својот Фејсбук профил го напиша својот став за најавеното покачување на платите во здравството и на државните функционери.Еве што напиша тој:„Со новото покачување од 78% на сите ФУНКЦИОНЕРСКИ ПЛАТИ, оваа "професија" дефинитивно станува атрактивна и за луѓето кои навистина ПОШТЕНО би ја работеле.Со новото епохално зголемување на платите на докторите од цели 1,7-2,2 % оваа професија дефинитивно останува атрактивна само за луѓето кои НЕЧЕСНО би ја работеле.#ФункционерИлиЏерманијаДетИсДквешчнНау.#Халоо_ПЕЏА_унд_КАРАНФИЛ“, вели Беќаровски.

Коментари | пред 2 години

„Амонијакот во Пирот труеше неколку часови, воздухот во Скопје труе со недели'“, вели д-р Беќаровски

Доктор Нико Беќаровски на социјалните мрежи објави фотографија од мерната станица во Ново Лисиче која покажува енормни бројки на загаденост. Тој вели дека токму тоа е причината зошто голем број граѓани кашлаат, ги гребе грлото и ги печат очите.„Ако не Ви е доволно јасно зошто сите во градов кашламе, нѐ гребе грлото, нѐ печат очите.....Амонијакот во Пирот труеше неколку часови, воздухот во Скопје труе со недели.Геноцидот на сопствениот народ е најмонструозен облик на геноцид“, вели Беќаровски.

Коментари | пред 2 години

Беќаровски до Захариева: Сакам да ме нарекувате Македонски доктор, а не доктор од РСМ

Доктор Нико Беќаровски на социјалните мрежи објави статус во кој бара бугарската политичарка Захариева да го нарекува Македонски доктор, а не доктор од РСМ.Екатерина Захариева ја "пее" "Ако одам во Битола"Почитувана и моја "омилена" бугарска политичарке, г-ѓа Екатерина Захариева, би Ве замолил како што и јас најкултурно Ве именувам како Бугарка, Бугарска политичарка, а Вашите роднини во мојата татковина, Бугарско малцинство во РС Македонија и Вие мене да ме именувате како Македонец, а не граѓанин на Северна Македонија, како Македонски доктор а не доктор од РСМ, а моите роднини во Пиринско, како Македонско малцинство или ако не признавате малцинство, барем како Македонци граѓани на Република Бугарија.Да се однесуваме, како што "обичате" да кажете "европеиски".Жолтите ѕвездички на синото знаме само така можат да зрачат пријателство и добрососедство.Јас како закоравен еврофил секогаш ќе Ве ословувам како Бугарка, без оглед на Вашиот пежуративен однос кон моето МАКЕДОНСКО национално чувство.И за крај секогаш сте добредојдена во Скопје и во мојот дом“, стои во објавата

Коментари | пред 3 години