Ласовска: СДС остави колапс во земјоделството и финансиска дупка, ВМРО-ДПМНЕ обезбеди исплати и сигурност на земјоделците
На денешната собраниска седница се обрати пратеничката од редовите на ВМРО-ДПМНЕ, Благица Ласовска која упати критики кон опозицијата, оценувајќи дека во периодот на претходното раководење со ресорот земјоделство биле оставени сериозни проблеми, особено во делот на исплатите кон вработените и функционирањето на институциите.Ласовска во своето обраќање посочи дека, како што рече, во времето на СДС не биле евидентирани значајни заплени, освен „заплена на путер“, што, според неа, станало симбол за нивното работење.„Јас во ваше време за никаква заплена не слушнав освен за заплена на путер. Тоа толку беше и тоа стана некако синоним на вашето работење, односно на работењето на оној којшто ја образложуваше интерпелацијата. Не знам колку тони беа путер, но путер е путер. А искрено да ви кажам образложението на интерпелацијата ми наликуваше на огледалото на Доријан Греј. Колабираниот систем на земјоделието е сликата на неработењето на Социјалдемократскиот сојуз и претходниот министер и за сега вие да заборавите што било, што сте направиле додека сте биле и сте имале можност и капацитети да се занимавате во таа област и да ги раководите секторите чесно, совесно и квалитетно“, рече Ласовска.Пратеничката истакна дека биле оставени неисплатени плати за над 450 вработени во водостопанство и „Македонски шуми“, при што актуелната власт морала да интервенира за да се исплатат заостанатите обврски.Ласовска наведе дека во претходниот период имало протести на земјоделци поради проблеми со наводнување, и дека состојбата сега е стабилизирана и системите функционираат нормално.„Ајде да ви ја кажеме која е вистината, како работевте. Неисплатени плати на вработени. До толку беше кападахиско вашето однесување што знаејќи дека ќе паднете од власт во буџетот дури и немавте предвидено плати за над 450 вработени во водостопанство и во Македонски шуми. Мораше да дојдеме ние на власт да ги исплатиме сите плати за четири месеци. Тоа мора да го спомнеме на овие вработени. А протежирање на партиски фирми. Вие бевте носителка во тројката. Јас сум подолг период таму и добро знам кои фирми беа протежирани, особено во овчеполскиот крај. Пустош во водоснабдувањето и наводнувањето на земјоделските посеви од април месец па до некаде до јуни масовни протести за наводнување. Сега нема таков проблем. Наводнувањето си тече нормално, задоволни се земјоделците“, вели Ласовска.
Македонија | пред 3 часа