БОЈАН МАРИЧИЌ

„Се исплашив дека ќе стават човек со интегритет“ – Најчевска за изборот на Маричиќ во ДИК

Професорката Мирјана Најчевска со иронија реагираше на изборот на Бојан Маричиќ за нов претседател на Државната изборна комисија.„Ми падна камен од срце. На момент се исплашив дека решиле да стават независен, човек со интегритет и морал на ова место. Која трагедија би било тоа. Ќе се пореметеше цел систем“, напиша Најчевска.Со оваа изјава, таа упати остра и саркастична критика кон начинот на кој се вршат изборите на клучни институционални позиции, алудирајќи дека поставувањето независна и интегритетна личност би било исклучок, а не правило во постојниот систем.

Коментари | пред 7 часа

Бојан Маричиќ избран за претседател на ДИК со двотретинско мнозинство

Со двотретинско мнозинство, Собранието денеска го избра новиот состав на Државна изборна комисија. Од вкупно 92 присутни пратеници, 83 гласаа „за“ поранешниот министер за правда, кој беше и вицепремиер за евроинтеграции, Бојан Маричиќ да стане нов претседател на ДИК.За потпретседател на Комисијата е избран Абдуш Демири, додека за членови на ДИК се избрани Александар Даштевски, Светлана Карапетрова, Борис Кондарко, Ангелче Ристов и Дитмире Шеху.За овие позиции беа пријавени вкупно 16 кандидати, меѓу кои најголем дел правници, но и кандидат со образование од областа на електротехниката, како и дефектолог.Од граѓански активизам до клучни државни функции, ваква е во кратки црти политичката траекторија на Маричиќ. Тој станува политички поекспониран во 2016 година, како претседател на невладината организација Меѓународен центар за европско образование и активен поддржувач на „Шарената револуција“, период во кој често учествуваше во јавни дебати за евроатлантскиот курс на државата.Во 2017 година е назначен за посебен советник за евроатлански интеграции на тогашниот премиер Зоран Заев, а подоцна активно учествува и во процесите поврзани со постигнувањето на Преспанскиот договор. По неговото изгласување во Собранието, Маричиќ беше именуван за главен технички преговарач со Европската Унија и шеф на техничкиот преговарачки тим во рамки на скрининг-процесот.Маричиќ е дипломиран правник на Правниот факултет „Јустинијан Први“ во Скопје, со дополнителни студии во Лондон и Амстердам. По враќањето во земјава, кратко време работел како асистент на Универзитетот „Св. Кирил и Методиј“, а има и професионално искуство на проекти за француското Министерство за внатрешни работи, како и во невладиниот сектор.Во јавноста беше актуелен и по сметките за гоштевање на државна сметка.

Македонија | пред 11 час