Бруно Фернандеш: Чест е што повторно играме со Роналдо на Светското првенство
Португалскиот репрезентативец Бруно Фернандеш изјави дека е голема чест повторно да игра заедно со Кристијано Роналдо на Светското првенство, истакнувајќи дека многу од сегашните репрезентативци пораснале следејќи ги неговите настапи.Во пресрет на натпреварот против Демократска Република Конго, Фернандеш нагласи дека Роналдо и понатаму е максимално мотивиран кога настапува за националниот тим.„Кристијано дебитираше на Светско првенство уште во 2006 година. Сите пораснавме гледајќи го како игра и за нас е голема чест што денес сме негови соиграчи во репрезентацијата. Сигурен сум дека и тој чувствува одредена возбуда, бидејќи настапува за својата земја на најголемата сцена“, изјави Фернандеш.Тој додаде дека целиот тим е подготвен да му помогне на Роналдо и на Португалија да стигнат што е можно подалеку на турнирот.„Тој е возбуден како и пред секое претходно Светско првенство. Сите сме тука за да го поддржиме и него и репрезентацијата“, порача португалскиот играч од средниот ред.Португалија во добро расположение го очекува стартот на Мундијалот, откако во подготвителните натпревари ги совлада Нигерија и Чиле со идентични 2:1. За Кристијано Роналдо, пак, претстојниот натпревар ќе биде 226-ти настап во дресот на португалската репрезентација.
Спорт | пред 4 часа