Бруно Фернандеш: Чест е што повторно играме со Роналдо на Светското првенство

Португалскиот репрезентативец Бруно Фернандеш изјави дека е голема чест повторно да игра заедно со Кристијано Роналдо на Светското првенство, истакнувајќи дека многу од сегашните репрезентативци пораснале следејќи ги неговите настапи.

— реклама —

Во пресрет на натпреварот против Демократска Република Конго, Фернандеш нагласи дека Роналдо и понатаму е максимално мотивиран кога настапува за националниот тим.

— реклама —

„Кристијано дебитираше на Светско првенство уште во 2006 година. Сите пораснавме гледајќи го како игра и за нас е голема чест што денес сме негови соиграчи во репрезентацијата. Сигурен сум дека и тој чувствува одредена возбуда, бидејќи настапува за својата земја на најголемата сцена“, изјави Фернандеш.

Тој додаде дека целиот тим е подготвен да му помогне на Роналдо и на Португалија да стигнат што е можно подалеку на турнирот.

— реклама —

„Тој е возбуден како и пред секое претходно Светско првенство. Сите сме тука за да го поддржиме и него и репрезентацијата“, порача португалскиот играч од средниот ред.

Португалија во добро расположение го очекува стартот на Мундијалот, откако во подготвителните натпревари ги совлада Нигерија и Чиле со идентични 2:1. За Кристијано Роналдо, пак, претстојниот натпревар ќе биде 226-ти настап во дресот на португалската репрезентација.