цеца

(Видео) Македонскиот пејач кој ја придружуваше Цеца: Не приметив што држи во рацете, сакав да ја смирам ситуацијата

Македонскиот пејач Мики Секуловски, поранешен натпреварувач во шоуто „Ѕвездите на Гранд“, кој настапи на сцената заедно со Цеца Ражнатовиќ на нејзиниот концерт во Велес, се огласи по инцидентот со бугарското знаме што ја вознемири јавноста.Во видео-обраќање на социјалните мрежи, Секуловски ја објасни ситуацијата од своја перспектива, истакнувајќи дека во прв момент не сфатил дека Цеца држи бугарско знаме, мислејќи дека станува збор за постер или транспарент.„Во првиот момент не забележав дека е знаме, мислев дека држи нешто со нејзина фотографија или натпис. Дури кога публиката почна да реагира и да свирка, сфатив дека станува збор за бугарско знаме. Веднаш реагирав, се приближив, го земав знамето и го тргнав,“ рече Секуловски.Тој додаде дека Цеца изгледала збунето и не сфаќала што точно се случува, а реакцијата на публиката веќе била бурна.„Штетата, за жал, беше направена. Можеби требаше побрзо да реагирам, но навистина не приметив што држи во рацете,“ изјави пејачот, додавајќи дека целта му била да ја смири ситуацијата, а не да создава дополнителна тензија.„Жал ми е што се случи ова – никој не очекуваше дека на концерт во мојот град, во Македонија, ќе се појави бугарско знаме. Публиката имаше право да биде револтирана,“ изјави Секуловски, додавајќи дека по настапот разговарал со Цеца.„Ми рече дека не била свесна за чувствителноста на односите меѓу Македонија и Бугарија. Навистина ѝ е жал. Концертот требаше да биде прекрасен, и беше – сè додека не се случи ова. Се надевам дека ќе се запомни по музиката, не по инцидентот,“ заврши Секуловски.По реакциите, Цеца Ражнатовиќ за медиумите изјави дека немала намера да предизвика провокација:„Не е ништо необично што секогаш со радост го прифаќам секое знаме од мојата публика, затоа што тоа е мој народ, мои луѓе. Нас не поврзува љубовта кон песната, без разлика од каде кој доаѓа. Жал ми е ако тој гест повредил некого – тоа навистина не ми беше намерата, особено не да ги навредам домаќините,“ изјави пејачката.Таа додаде дека реакциите се случиле во салата, а не на социјалните мрежи, и дека нивниот однос со публиката останал непроменет:„Нема да се занимаваме со коментари на интернет. Сите што бевме таму, знаеме што навистина се случи. Ништо и никој не може да застане помеѓу мене и мојата публика.“

Магазин | пред 1 месец

Се буните сите, а пола Македонија е со бугарски пасош – Станишиќ во одбрана на Цеца по инцидентот

Победникот на музичкото шоу „Ѕвездите на Гранд“, Никола Станишиќ, се огласи по инцидентот на концертот на Цеца Ражнатовиќ во Велес, кога пејачката за време на настапот подигна бугарско знаме, предизвикувајќи бурни реакции во јавноста.„Се разбудив со мисла за оние кои повеќе не се со нас, на Задушница во нивно име да ги спомнеме... ама денот сакал поинаку,“ напиша Станишиќ во објава на социјалните мрежи.Тој откри дека, според него, жената која му помогнала претходниот ден во Велес – фанклуберка на Цеца – била изманипулирана и дека не верува дека пејачката го направила гестот намерно.„Жената која ми помогна да го отсонувам сонот вчера во Велес била изманипулирана и тоа од свој верен фан, девојка која доаѓа на сите нејзини концерти. Како и зошто, тоа е друго прашање,“ напиша Станишиќ.Тој апелираше јавноста да не ги меша уметниците со политиката, нагласувајќи дека музиката треба да обединува, а не да разделува.„Задачата на музиката е сите да нè сплотува — Македонци, Срби, Бугари, Грци… сите сме луѓе на светов! Не дозволувајте политиката да влијае на здравиот разум! И едно знам — Цеца не би го направила тоа намерно, тоа е сигурно,“ напиша тој.Во својата објава, Станишиќ потсети дека и самата пејачка претходно ја пеела песната „Бисер Балкански“ заедно со него, држејќи македонско знаме на сцената.„Луѓе, доста е! Престанете да ги користите уметниците во политички цели! Тие се тука да ви го разубават животот!“Својата реакција ја заврши остро, упатувајќи критика за како што вели, лицемерието во јавноста:„Се буните сите, а пола Македонија е со бугарски пасош. Срамота!“

Магазин | пред 1 месец

(Видео) Цеца по скандалот со знамето: Нема да се занимаваме со реакциите на социјалните мрежи

По инцидентот што се случи на концертот во спортската сала „Гемиџии“ во Велес, кога пејачката Цеца Ражнатовиќ подигна бугарско знаме, таа се огласи со изјава за „Бекстејџ“, објаснувајќи дека нејзиниот гест бил погрешно сфатен и дека немала намера да навреди никого.„Не е ништо необично што секогаш со радост го прифаќам секое знаме од мојата публика, затоа што тоа е мојата публика, мојот народ, моите луѓе. Нас нè поврзува љубовта кон песната, без разлика од каде кој доаѓа. Жал ми е ако тој гест некого повредил, тоа навистина не ми била намерата, а особено не да ги навредам или повредам домаќините. Верувам дека тоа го знаете“, изјави пејачката.Ражнатовиќ се заблагодари и на велешката публика за, како што рече, „прекрасната вечер, убавата енергија, љубовта и спомените што заедно ги создадовме“.Во однос на реакциите што се појавија на социјалните мрежи, таа додаде дека не сака дополнително да ги коментира: „Реакциите се случија во салата, меѓу мене и мојата публика. Ние знаеме како поминавме, што беше убаво, а што помалку убаво на концертот што траеше два часа. Тоа е она што е најважно.“„Нема да се занимаваме со реакциите на социјалните мрежи, затоа што сите ние што таа вечер бевме заедно во Велес знаеме што навистина се случи. Ништо и никој не може да застане помеѓу мене и мојата публика,“ порача Цеца.

Настани | пред 1 месец

(Видео) Цеца со исвиркување избркана од сцената во Велес, откако подигна бугарско знаме наместо македонско

Концертот на српската пејачка Цеца Ражнатовиќ, одржан вечерва во спортската сала „Гемиџии“ во Велес, заврши со инцидент кој предизвика бурни реакции во публиката и на социјалните мрежи.Според видеата што кружат онлајн, за време на настапот Цеца во еден момент подигнала бугарско знаме, потег кој веднаш ја подели публиката. Дел од присутните ја исвиркале и реагирале бурно, додека други го напуштиле концертот во знак на протест.Настанот, кој беше најавен како музички спектакл, неочекувано доби политичка димензија и отвори нова лавина од коментари и полемики на социјалните мрежи, каде што дел од јавноста го осуди гестот како провокација, додека други го оправдаа како дел од сценскиот настап.Организаторите засега не се огласиле за инцидентот, а видеата од моментот на подигањето на знамето за кратко време станаа вирусни.

Македонија | пред 1 месец

Ново засолниште за Цеца: Пејачката гради куќа на Авала

Естрадната ѕвезда Цеца Ражнатовиќ купила плац на Авала, каде што планира да изгради куќа.Како што пренесуваат српските медиуми, новите соседи на пејачката ќе ѝ бидат брачниот пар и естрадни колеги Миле Китиќ и Марта Савиќ, кои неодамна се вселија во својата вила, вредна околу 300.000 евра.„Цеца купи плац спроти нашата куќа, а тука близу е и Миле Китиќ. Се радуваме што ќе ни биде комшивка. Мислам дека познатите купуваат имоти во овој дел од Авала затоа што е мирно, а веројатно им недостига тој мир и сакаат малку да се тргнат од градската гужва,“ изјавил за „Блиц“ еден постар брачен пар кој со години живее во овој дел.Градежните работи засега не се започнати, а не е познато дали Цеца ќе се пресели таму или пак имотот ќе го користи за одредени потреби.

Магазин | пред 2 месеци

(Видео) Цеца во Крива Паланка собра трипати повеќе публика од било кој нејзин настап годинава

Балканската музичка ѕвезда Светлана Ражнатовиќ – Цеца, во изминатите месеци настапувала во шест држави, но ниту еден настап не го надминал бројот на публика во Крива Паланка. Таму, според проценките, нејзините песни ги слушале рекордни 50.000 посетители – за трипати повеќе од кој било друг нејзин концерт ова лето.Статистиките направени според медиумсите извештаи покажуваат дека втор град по бројност на посети е Ниш каде имала 15.000 посетители, а потоа следува Бања Лука во Босна и Херцеговина (БиХ) со 13.167 посетители. На трето место е Будва во Црна гора со 10.000 посети, а потоа следува Брчко (БиХ) со 7.000 публика, па Дизелдорф во Германија со 6.000 посетители.Статистиките направени според медиумските извештаи покажуваат дека втор по посетеност бил настапот во Ниш со 15.000 посетители, а потоа следувала Бања Лука со 13.167 луѓе. На трето место е Будва со 10.000 посетители, па Брчко со 7.000 и Дизелдорф со 6.000 посетители. Концертите во Врање, Нова Гора и Требиње собрале по 5.000 посетители, додека најмал настап имала во Смедерево.Рекордниот концерт во Македонија се случи во период кога на социјалните мрежи се водеше жестока полемика помеѓу македонскиот пејач Спасен Силјановски и градоначалникот на Кавадарци, Митко Јанчев околу настапите на српските ѕвезди во Македонија. Јанчев беше обвинуван дека на „Тиквешки гроздобер“ повикал повеќе турбофолк изведувачи од соседството наместо македонски пејачи, за што се правдаше дека само тие можат да привлечат многубројна публика. Силјановски реагираше со остри критики и доби широка поддршка од јавноста.

Магазин | пред 3 месеци

(Видео) Над 50.000 посетители на концертот на Цеца во Крива Паланка: настапот прекинат по реакција од публика

Градскиот стадион во Крива Паланка синоќа собрал повеќе од 50.000 посетители, кои присуствувале на концертот на балканската музичка ѕвезда Цеца Ражнатовиќ. Настапот беше дел од општинската манифестација, а интересот на јавноста далеку ги надмина очекувањата на организаторите, кои првично најавија околу 30.000 посетители.Покрај Цеца, на сцената настапија и Дејан Петровиќ со Биг Бенд, Мики Секуловски, Никола Станишиќ и Диџеј Галоски. Претходно најавениот Мирза Селимовиќ го откажа настапот поради здравствени причини.За време на концертот се случи и необичен момент кој привлече внимание. Девојка од првите редови ѝ покажа на пејачката порака со која побара потпис на својата рака за потоа да го претвори во тетоважа, па Цеца запре со пеење.„Немој да си ја упропастуваш кожата! Млада си и убава, подобро украси се со некој дечко. Момчиња, што е ова? Подоцна ќе разговараме кога ќе завршам со концертот, да те уверам во спротивното“, ѝ порача Цеца пред да продолжи со настапот. Видео од овој момент веќе кружи на социјалните мрежи и беше пренесено од повеќе српски медиуми.Утрово, градоначалникот на Крива Паланка, Сашко Митовски, јавно им се заблагодари на вработените во ЈП „Комуналец“, кои за неколку часа темелно го исчистија стадионот. „Локацијата изгледа како таму да немало повеќе од 50.000 посетители,“ напиша Митовски.Фестивалската програма продолжува и вечерва, кога главна музичка ѕвезда ќе биде Саша Ковачевиќ.

Магазин | пред 3 месеци

(Видео) Снимка од барањето на часовникот кој го зела кучката Цеца од затвореник во Штип

Снимка од моментот кога во КПУ Штип се префрла дрогата преку ѕидот, а затвореникот за кој Пандов рече дека е дел од подземјето ја бара, додека полицајците наводно му го барале скапиот часовник кој му го зела кучката Цеца со која играле на шеталиштето...На снимката се гледа токму тоа што директорот на Управата за извршување на санкции го презентираше на прес-конференцијата.

Македонија | пред 7 месеци

Цеца го откажа концертот поради невремето во Србија

Поради големото невреме што изминатите денови ја зафати Србија, Цеца беше принудена да го откаже долго најавуваниот концерт во Брчко.„За жал, немам многу добри вести. Вечерашниот концерт во Брчко ќе мора да се одложи поради предвиденото невреме, бидејќи не сакам никој од нас да биде загрозен“, рекла Цеца, а потоа додала дека со нетрпение ја чека следната средба, пренесува „Блиц“.Светлана Цеца Ражнатовиќ неодамна одржа концерт во Ниш, на платото на тврдината, каде собра околу 15.000 луѓе.

Магазин | пред 2 години

Колку заработија српките пејачи за дочекот на Новата година

Пејачките Светлана Цеца Ражнатовиќ заработи 100.000 евра за дочекот на Нова година. Пејачката е рекордер по заработката, со настапот на Златибор, пренесе српски „Информер“.На листата најплатени пејачи е и Лепа Брена, која заработи 80.000 евра, додека нејзините колеги Аца Лукас и Ацо Пејовиќ заработија по 70.000 евра. Цеца веќе со години е најплатена пејачка, бидејќи нејзините настапи се најпосетувани.Лепа Брена уште на почетокот на годината имаше договорено настап во еден познат ресторан во Белград. Извор близок до неа рече дека не сакала да настапува во странство. Лукас ја забавуваше публиката во хотел, а Пејовиќ ќе настапи на саем.Веднаш зад нив, по висината на хонорарот е Јелена Карлеуша, која заработи 60.000 евра за нејзиниот настап во познат хотел. Пејачот Џани заработи 40.000 евра, Дарко Лазиќ со неговата кума Андриана Цекиќ заработија 75.000 евра, а заедничка тезга имаа и Слоба Радановиќ и Катарина Грујиќ.Радановиќ заработи 35.000 евра, а неговата колешка 20.000 евра, рече познат менаџер во Србија и додаде дека Сека Алексиќ и Слаџа Алегро пееја на две места. Сека во хотел, а Слаџа клуб. Пред полноќ, само ги замениле местата и заработија по 25.000 евра. Дра Бубамара и Радмила Манојловиќ пееја за 20.000 евра.Најголемо изненадување е Теа Таировиќ, која за Нова година заработи 30.000 евра. Со неа во ист хотел пееја и Катерина Жиковиќ и Јован Перишиќ, кои добија по 15.000 евра.Дејан Матиќ заработи 20.000 евра, а Каја Остоиќ и Весна Змијанац по 15.000 евра. Аца Живковиќ пееше за 10.000 евра, а ист хонорар договорила и Милица Јокиќ. Марина Тадиќ годинава пееше на Копаоник за 10.000 евра.

Магазин | пред 2 години

Цеца: „Јас и Жељко чекавме бебе пред да се венчаме, но го изгубив“

Фолк-ѕвездата Цеца Ражнатовиќ во реалното шоу за нејзиниот живот „Цеца шоу“ откри дека била бремена, но го загубила бебето еден и пол месец пред венчавката со Жељко Ражнатовиќ Аркан. Во шоуто Цеца првпат кажа детали за кои до сега не зборувала во јавноста и призна дека чекала дете со Аркан пред Вељко и Анастасија.„Јас и Жељко чекавме бебе пред да се венчаме. Свадбата ја закажавме во февруари, а јас во меѓувреме останав бремена. Во меѓувреме, за жал, го изгубив нашето бебе“, вели Цеца во емисијата.И покрај загуба, Цеца и Аркан решиле да ги продолжат подготовките за венчавката:„Се договоривме да не го поместуваме датумот на венчавката, па свадбата ја направивме на 19 февруари 1995 година како што планиравме“, рекла таа.

Магазин | пред 3 години

(ВИДЕО) Цеца повторно ќе стане баба

Фолк пејачката Светлана Цеца Ражнатовиќ, ќе стане баба по вторпат. Син ѝ Вељко со сопругата Богдана го чекаат своето второ дете.Богдана која е во третиот месец од бременоста на „Инстаграм“ откри дека чекаат син. Вељко сподели и видео на кое со стрела погоди балон, наполнет со сина боја.„Со Божја помош за шест месеци доаѓа Крстан Ражнатовиќ. Им благодарам на Господ и на мојата најдобра жена“, рече Вељко.За потсетување, Вељко и Богдана веќе имаат еден син Жељко.

Магазин | пред 3 години

Цеца најави нов албум

Цеца Ражнатовиќ ќе снима нов албум кој треба да излезе наредната година на пролет, пренесе „24 седум“. Последниот „Автограм“ го издаде 2016 година.Извор откри дека планира и концерт сличен на оној од 2013 година, со кој се запиша на светската листа на најпосетени музички настани. Нејзиниот концерт се најде на деветтото место најпосетени концерти.Освен новите песни на кои работи и спектакуларниот концерт во најава, наскоро ќе снима свој документарец, „Цеца шоу“, а ќе ја има и во жирито во „Ѕвездите на Гранд“.Таа веќе подолго време работи на албумот, но проблем настана по трагичната загуба на Марина Туцаковиќ, па мораше да го одложи.

Магазин | пред 3 години

Цеца ќе има свое телевизиско шоу

Српската фолк пејачка Светлана Цеца Ражнатовиќ ќе има свое телевизиско шоу, по примерот на реалити ѕвездата Ким Кардашијан.Пејачката по 35 години кариера за прв пат ќе ги отвори вратите од нејзината куќа на улица Љутице Богдана 3 и ќе открие детали од приватниот живот за јавноста кои никогаш не ги знаела.„Цеца шоу“ е најавено како играно-документарна програма базирана на вистински приказни од животот на семејството Ражнатовиќ. Шоуто ќе има 40 епизоди од првата сезона, камерите ќе забележат бројни моменти од работата на новиот албум, преку подготовка за концерт на пејачката, до семејни разговори помеѓу Цеца и нејзината сестра Лидија во семејната куќа на Кипар, како и времето кое го поминува со внукот Жељко.Гледачите ќе имаат можност да ја погледнат првата епизода во октомври, на ТВ Блиц, а за неколку дена треба да излезе и првиот тизер.

Магазин | пред 3 години

Цеца нема да оди на закажаниот настап во Струмица, клубот со детали

Ноќен клуб од Стумица преку социјалните мрежи информираше дека српската пејачка Цеца вечерва нема да настапи. Како што се вели во објавата, пејачката поради позитивен тест на ковид го откажала настапот.Моменталната ситуација и зголемувањето на новозаразени од Ковид 19 за жал овој пат не ја одмина и мегапопуларната балканска звезда Цеца Ражнатовиќ, која требаше да настапи вечерва во Клуб Аватар.На наша и ваша несреќа поради потврда на позитивен Ковид тест, Цеца вечерва нема да биде во можност да го одржи долгоочекуваниот настап, а за забавата да продолжи вечерва ќе биде задолжена Бани.Сите оние кои веќе имаат набавено влезници во претпродажба , ќе можат да ги вратат влезниците вечерва на врата во Клуб Аватар

Магазин | пред 3 години