ЦИПРАС

Ципрас му возврати на Рама: Не ја мешајте заштитата на малцинствата со национализам

Поранешниот грчки премиер Алексис Ципрас му возврати на албанскиот премиер Еди Рама, откако Рама го обвини за национализам поради неговите критики за третманот на грчкото малцинство во Албанија.Спорот избувна по повредувањето на припадник на грчкото етничко малцинство за време на протест во јужна Албанија. Ципрас побара албанските власти да ги заштитат правата на грчката заедница, по што Рама реагираше со остра порака на социјалните мрежи.Во објава на платформата Икс, Рама оцени дека Ципрас покажал „рефлекси од минатото“ и се обидува да собира политички поени преку избрзани заклучоци за соседите и нивните суверени институции.Ципрас, пак, одговори дека изјавите на Рама се дадени „во жарот на моментот“ и потсети на Преспанскиот договор како доказ за неговата посветеност на решавање чувствителни национални прашања преку дијалог.„Нашата работа, напори и борби за промоција на мирот и соработката во регионот, вклучително и историскиот Преспански договор, не оставаат простор некој јавно да ми држи лекции што значи национализам или што претставува левицата во 21 век“, порача Ципрас.Тој нагласи дека не треба да се меша патриотската должност за заштита на правата на националните малцинства со националистичките тенденции кои, според него, повторно земаат замав во светот.Инцидентот што ја предизвика расправијата се случил во областа Звернец во јужна Албанија, каде граѓани протестирале против плановите за изградба на голем туристички комплекс во еколошки чувствителна зона.Проектот се поврзува со Џаред Кушнер, зет на американскиот претседател Доналд Трамп.Рама ја обвинил приватната агенција за обезбедување за насилството врз демонстрантите и повредувањето на еден од учесниците, но истовремено силно го бранеше проектот вреден четири милијарди евра, оценувајќи дека ќе донесе туристи со висока платежна моќ и нови работни места за локалното население.

Свет | пред 1 седмица

Рама му возврати на Ципрас: Оставете ги „рефлексите од минатото“ и националистичката реторика

Албанскиот премиер Еди Рама остро реагираше на ставовите на новата грчка левичарска партија на Алексис Ципрас, обвинувајќи ја дека од изолиран инцидент направила политичко прашање и дека се потпира на „рефлекси од минатото“, пренесе Екатимерини.Во отворено обраќање на социјалните мрежи до својот „стар пријател“ Ципрас, Рама изрази зачуденост што новата партија брзо го поврзала инцидентот во Звернец со наводни прекршувања на правата на грчкото малцинство во Албанија и со европската интеграција на земјата.Повод за реакцијата беше соопштение на грчката партија ЕЛАС, која побара од Атина да реагира по повредувањето на грчки државјанин за време на протест против туристички проект во јужна Албанија. Проектот, според медиумските извештаи, се поврзува со инвестиции во кои е вклучен и зетот на американскиот претседател Доналд Трамп, Џаред Кушнер.Рама нагласи дека инцидентот не се случил за време на мирен протест за имотни права, туку во атмосфера на дезинформации и обиди за попречување на законски активности на меѓународни инвеститори кои работеле на приватно земјиште стекнато во согласност со албанските закони.Тој посочи дека властите веднаш реагирале, при што биле уапсени одговорните лица од приватното обезбедување, и била одземена лиценцата на компанијата и бил разрешен директорот на полицијата во Валона.„Не е ниту праведно ниту одговорно еден изолиран инцидент да се претставува како доказ за прекршување на малцинските права, имотните права или владеењето на правото“, порача Рама, додавајќи дека таквиот пристап не е во духот на европските вредности.Албанскиот премиер истакна дека грчкото национално малцинство во Албанија претставува „богатство“ за државата и дека ужива исти права и заштита како и сите други граѓани.Во пораката до Ципрас, Рама оцени дека на Европа ѝ се потребни помалку „рефлекси од минатото“, а повеќе доверба во фактите, институциите и добрососедските односи. Истовремено, му посака успех на поранешниот грчки премиер на претстојните избори, изразувајќи надеж дека неговото ново политичко движење нема да прибегнува кон националистичка реторика и брзи заклучоци за соседните држави.

Свет | пред 1 седмица

Ципрас со нова левичарска коалиција се враќа на грчката политичка сцена

Со пораки за „нов патриотизам“, социјална правда и обединување на левицата, Алексис Ципрас во Тисејо ја претстави основачката декларација на својот нов политички проект ЕЛАС.Поранешниот лидер на СИРИЗА со овој потег се обидува повторно да ја обедини распарчената левица и да се врати во центарот на политичката сцена во Грција, по повлекувањето од партијата по изборниот пораз во 2023 година и откажувањето од пратеничкиот мандат минатата година.Новиот проект ЕЛАС се претставува како поширок народен фронт, а не како уште една мала партија. Во својот говор, Ципрас порача дека промените ќе дојдат директно од општеството и дека коалицијата ќе ја продолжи традицијата на раниот ПАСОК и на првичната СИРИЗА.Во основата на декларацијата се спојуваат левичарската реторика, економскиот развој, борбата против олигархијата и концептот на „нов патриотизам“.Новата коалиција претстави седум клучни обврски пред грчките граѓани, меѓу кои достоинствен живот за сите, силна демократија, обнова на социјалната држава, дигитален суверенитет и отпорност на државата кон кризи и климатски последици.За време на обраќањето, Ципрас остро ги критикуваше Нова демократија и ПАСОК, обвинувајќи ги за зависност од банките и за институционално назадување преку корупција, прислушувања и железничката трагедија во Темпи.

Свет | пред 2 седмици

Ципрас доби награда за мир за Договорот од Преспа

На поранешниот грчки премиер Алексис Ципрас му беше доделена наградата за мир за Договорот од Преспа од грчка организација. Ципрас посочи дека Договорот од Преспа „има особена важност“ и дека не смее да се дозволи „да се изгуби моментумот создаден за европската перспектива на регионот“.,,Како што неодамна кажавме со Зоран Заев, треба јасно да ставиме до знаење дека единствениот пат не само за европската иднина, туку и за иднината на самата Северна Македонија како земја е почитувањето на Договорот од нејзиниот нов политички и државен врв.", вели тој.,,Не треба да дозволиме национализмот уште повеќе да тлее во регионот. Треба да го вратиме моментумот на европската перспектива создадена со Договорот од Преспа, извлекувајќи го регионот од стагнацијата во која беше во 2018 година. Договорот што претставува модел за решавање на спорови за Западен Балкан, бидејќи докажа дека постои пат до заемно прифатливи решенија кои ги бранат националните интереси, а истовремено промовираат мир. И ако Европската Унија се покаже некредибилна во однос на своето ветување за Западен Балкан, за нејзиното соседство, тогаш нема да има никаков кредибилитет како меѓународна геополитичка сила.", изјави Ципрас.Ципрас рече дека му претставува голема чест што ја добива конкретната награда што го носи името „на младиот член на младинската организација, кој остана парализиран и слеп“ и кој беше погубен „под обвинение дека собираше потписи за мир“.Наградата за мир оваа година освен на Ципрас им беше доделена и на двајца претставници на движењето за обединет Кипар.

Свет | пред 1 година

Ципрас: ЕУ и меѓународната заедница јасно да ги кажат последиците од непочитувањето на Договорот од Преспа

Поранешниот грчки премиер и еден од потписниците на Преспанскиот договор, Алексис Ципрас бара од меѓународната заедница, а особено ЕУ, јасно да ги кажат последиците што непочитувањето на Договорот од Преспа ќе ги има врз регионот, а особено врз иднината на Македонија.Ципрас вчера претседаваше во Стразбур со Комитетот, а според информациите од Грција, фокусот бил ставен на важноста на Договорот од Преспа за мирот, стабилноста и европската перспектива на Западен Балкан, особено во време на големи предизвици во регионот.На состанокот учествувал и поранешниот грчки премиер Јоргос Папандреу, а посебна покана за учество добиле професорите Константинос Филис од Грција и Кристијан Фидановски од Северна Македонија.

Македонија | пред 1 година

Ципрас: Ако Заев не го променеше името на државата, Грција ќе беше под голем притисок

Поранешниот македонски премиер Зоран Заев и поранешниот грчки премиер Алексис Ципрас се сретнаа на конференцијата во Атина.,,Ако Зоран Заев не го променеше името на државата, Грција ќе беше под голем притисок да ја признае Македонија под уставното име" изјави Ципрас.„Не само што беше вистинското време туку ако не го потпишевме договорот работите можеа да ‘скиснат’, не само да созреат затоа што 6 години подоцна работите многу се променети. Се прашувам, ако денес дури и скандинавските земји сакаат да се приклучат во НАТО, каков ќе беше притисокот врз Грција? Без оглед кој е на власт ќе бевме под притисок да го прифатиме уставното име на нашата соседна земја“, изјави Ципрас пред Заев.

Македонија | пред 1 година

Заев и Ципрас го осудиле „националистичкиот популизам“ од двете страни

Поранешниот грчки премиер Алексис Ципрас телефонски разговарал со поранешниот премиер на Северна Македонија Зоран Заев за да разговараат за најновите политички случувања во Северна Македонија, пишува грчки „Катимерини“.Ципрас и Заев разговарале за политичкиот случувања кај нас, а освен важноста на Договорот од Преспа, според информациите на МИА од Атина, посочиле и „колку е лицемерен и опасен националистичкиот популизам што се разви и на двете страни“.„Тие ја истакнаа загриженоста за порастот на националистичкиот популизам, означувајќи го како лицемерен и опасен. Двајцата политичари се согласија да продолжат со иницијативи насочени кон одржување на мирот, зачувување на Преспанскиот договор и поттикнување поблиски односи помеѓу Грција и Северна Македонија“, изјави извор близок до Ципрас.Заев и Ципрас се договориле да преземат заеднички иницијативи за поддршка на Договорот од Преспа.

Македонија | пред 2 години