ДАРИО ИВАНОВСКИ

Дарио Ивановски со нов македонски рекорд на престижната трка во Мадрид

Македонскиот атлетичар Дарио Ивановски ја заврши 2025 година со извонреден успех, поставувајќи нов национален рекорд на 10 километри на пат. Ивановски настапи на реномираната трка „Сан Силвестре Валекана“ во Мадрид, Шпанија, која традиционално се одржува во последниот ден од годината, неколку часа пред влезот во новата 2026 година.Македонскиот репрезентативец ја истрча трката за 29 минути, резултат што му донесе 17. место во исклучително силна меѓународна конкуренција, но и нов државен рекорд на оваа делница. Настапот во Мадрид уште еднаш ја потврди неговата одлична форма и континуираниот напредок на меѓународната сцена.Овој успех доаѓа по уште една забележителна година за Ивановски, во која тој триумфираше и на Скопскиот маратон, зацврстувајќи ја својата позиција како водечки атлетичар во македонскиот спорт.

Македонија | пред 3 седмици

На 69. место е Дарио Ивановски на Олимписките игри, Тола од Етиопија е нов рекордер

Македонскиот атлетичар Дарио Ивановски заврши на 69. место на маратонската трка на Олимписките игри во Париз 2024. Во пеколно тешка трка победи Тамират Тола од Етиопија и тоа со олимписки рекорд.Тамират Тола од Етиопија со нов олимписки рекорд го освои маратонот и се закити со златниот медал. Тој заврши со време 2:06:26, и го подобри олимпискиот рекорд за шест секунди. Второпласиран со сребро беше Башир Абди од Белгија со време од 2:06:46, додека Бенсон Кипруот од Кенија го освои бронзениот медал со време од 2:07.00Вкупно 80 натпреварувачи го стартуваа маратонот, а времето на нашиот Ивановски е 2 часа, 28 минути и 15 секунди.

Спорт | пред 1 година