ДЕНВЕР

Авион усмрти пешак на пистата на аеродромот во Денвер: Изби пожар на моторот, патниците евакуирани

Авион на компанијата „Фронтиер ерлајнс“ удрил и усмртил пешак на пистата на аеродромот во Денвер, што предизвикало пожар на моторот и итна евакуација на патниците, пренесуваат светските медиуми.Инцидентот се случил во петок доцна навечер по локално време, кога авион тип „ербас А321“, со 224 патници и седум членови на екипажот, почнал да забрзува за полетување кон Лос Анџелес.Официјални лица потврдиле за ABC News дека лицето, кое од непознати причини се движело по пистата, загинало откако било вовлечено од еден од моторите на леталото.Пилотите веднаш го прекинале полетувањето, а патниците биле евакуирани преку тобогани за итни случаи поради чадот што ја исполнил кабината.„Кула, удривме некого... имаме пожар на моторот“, се слуша на аудио снимка од контролата на летот објавена од порталот ATC.com.Од компанијата „Фронтиер ерлајнс“ соопштиле дека се длабоко потресени од овој настан и дека соработуваат со аеродромските власти и истражителите.Во инцидентот полесно е повредено едно лице од авионот, додека пожарот на моторот го изгасила противпожарната служба на Денвер.Федералната управа за воздухопловство (FAA) и Националниот одбор за безбедност на сообраќајот (NTSB) започнале истрага за тоа како неовластено лице се нашло на пистата во моментот на полетување.

Свет | пред 1 седмица

Јокиќ „пукна“ на прашање за иднината: Не гледам однапред – „тоа не е начинот на кој функционирам“

Никола Јокиќ повторно беше во центарот на вниманието по новиот трипл-дабл во победата на Денвер над Јута (135:129), со кој тимот од Колорадо ја продолжи серијата и ја зацврсти позицијата во горниот дел од Западот.Српскиот ас мечот го заврши со 33 поени, 15 скока и 12 асистенции, додека Џамал Мареј додаде 31 поен, шест скока и 14 асистенции. Денвер така ја врза петтата победа по ред и, според клупските пресметки, направи „залиха“ во однос на директните ривали зад себе.По дуелот, на прес-конференцијата, Јокиќ прво зборуваше за соиграчите – посебно за враќањето на Арон Гордон, кого го опиша како важна „цел“ во нападот и играч што може да заврши акција, но и да ја пронајде вистинската опција кога одбраната ќе се стегне.Потоа следеше и момент кој ја одбележа средбата со новинарите: прашање за „џокер“ логото на маицата и дали стартувал сопствен бренд, на што Јокиќ кратко појасни дека станува збор за линија поврзана со договорот што веќе го има со кинеската компанија 361 Degrees и дека тој симбол го носи подолго време.Најголемата реакција дојде кога беше прашан да повлече паралела меѓу резултатските осцилации во февруари и актуелната победничка серија. Јокиќ отворено кажа дека не сака да „пресметува“ што ќе значи сегашната форма за плејофот и дека таквото гледање однапред не е негов стил.„Не сакам така да гледам во иднината, тоа не е начинот на кој функционирам“, порача Јокиќ, појаснувајќи дека сезоната знае да биде непредвидлива и дека ништо не гарантира како ќе изгледа следната фаза, без разлика на моменталниот замав.

Спорт | пред 1 месец

(Видео) Од авион излегуваше чад, патниците бегаат: Невидена драма во Денвер, авион принудно слета

Млазен мотор на Американ ерлајнс се запалил откако авионот принудно слетал во Денвер, принудувајќи ги патниците да се евакуираат користејќи тобогани, соопшти Федералната управа за авијација (ФАА).Авиокомпанијата потврди дека сите 172 патници и шесте членови на екипажот можеле безбедно да го напуштат авионот, иако шест патници потоа биле префрлени во локална болница за дополнителни проверки, пренесува Index.hr. На социјалните мрежи е објавена драматична снимка на која се гледаат патници како стојат на крилото на авионот пред евакуација, додека од моторот излегува густ чад.

Свет | пред 1 година