ЕД ШИРАН

(ВИДЕО) Ед Ширан има нов сингл посветен на Покемон

Мојата љубов кон Покемон почна со собирање картички за тргување во основно училиште, а спотот за новата песна е анимиран од креаторите на играта, изјави Ед Ширан, опседнат со покемони.Неговата нова песна е со наслов Celestial и ќе биде објавена на 29 септември, а спотот за неа е анимиран од креаторите на Pokemon, објави „Sky.news“.Споделувајќи си цртеж од себе со ликот на играта Пикачу, Ширан на социјалните мрежи напиша дека ја почнал својата фасцинација со Покемон на седумгодишна возраст собирајќи тематски картички.Потоа станал обожавател на анимираното ТВ-шоу, а на својот осми роденден добил рачна конзола Gameboy Color.„Опседнато е благо кажано“, вели британскиот пејач.„Сега имам 31 година, сè уште ја имам истата Gameboy Color и сè уште играм Pokemon Silver на долги летови“, продолжи тој.„Навистина, навистина го сакам тоа. Како дете ми даде шанса да избегам во свет на фантазии, кој се чинеше дека продолжува и продолжува, а во зрелиот живот носталгијата е таа што ме прави повторно да се чувствувам како дете“, вели пејачот.

Магазин | пред 3 години

Најголемиот хит на Ед Ширан му донесе отштета од милион евра

Познатиот британски пејач Ед Ширан доби над еден милион евра отштета, откако го доби судскиот спор за авторски права за неговиот хит „Shape of You“.Британскиот музичар Сами Чокри, го тужеше Ширан и неговите соработници, Џон Мекдејд од групата Snow Patrol и продуцентот Стивен Мекохон.Случајот е покренат поради прекршување на авторските права, наведувајќи дека Ширан „украл“ дел од неговата песна „Oh Why“, објавена во 2015 година.Ширан од почетокот негираше дека ја слушнал песната претходно, што беше заклучено на суд во април годинава. Иако по пресудата адвокатите на Чокри тврдеа дека Ширан и неговиот тим сами треба да си ги платат правните трошоци, во вчерашната пресуда судијата Ентони Закароли одлучи дека тоа сепак ќе го направат тужителите, наредувајќи привремена исплата на отштета од над еден милион евра.Се очекува натамошна дискусија на која ќе се проценат и финализираат сумите, јавуваат странските медиуми. Адвокатот на Ширан претходно изјави дека целиот случај нанел длабока траума кај пејачот и неговите соработници. И покрај тоа што речиси 10 отсто од плаќањата беа замрзнати поради судењето, песната „Shape of You“ на Ширан и неговите партнери им донесе околу 5 милиони фунти годишно, што е близу 6 милиони евра.

Магазин | пред 3 години