ЕДИНБУРГ

(Видео) Драма на улиците на Единбург: Маж со ножеви шета низ градот, избодени повеќе лица

Повеќе лица се избодени на улиците на Единбург, а полицијата трага по маж виден со два големи ножа, објави The Sun.Нападот се случил утрово во областа Калдер, а полицијата веднаш интервенирала. Снимки од местото на настанот покажуваат маж наоружан со два големи ножа како се движи по улицата додека полицијата пристигнува. Очевидци наведуваат дека неколку лица можеби се избодени, а брзата интервенција била во тек уште пред 9 часот.Џејмс Ремзи, жител на областа, изјавил дека напаѓачот влегол во неговата зграда:Ги разби локалните продавници, можеби избодел две лица, но тоа не е потврдено. Наоружаната полиција и кучињата се тука веќе околу два часа.“Напаѓачот бил забележан како се движи зад локален кафе-бар „Brunch“ помеѓу 8:00 и 8:30 часот. Персоналот бил во шок и привремено го затворил кафулето поради страв за сопствената безбедност.Очевидци опишуваат како мажот трчал по зелената површина зад зградите и се движел кон повисоки стамбени објекти. Едно лице рекло:Никогаш претходно не сум го видел. Беше страшно.Училишта во околината, вклучувајќи ја Wester Hailes High School, се ставени во блокада. Родителите добиле пораки со следната содржина:Училиштето е во блокада поради инцидент во заедницата ова утро. Децата се безбедни. Ќе ве известиме за 30 минути. Ви благодарам.Сè уште не се знае точниот број на повредени лица ниту нивната здравствена состојба. Жителите се советуваат да ја избегнуваат областа додека полицијата, вклучувајќи ги наоружаните единици, ја контролира ситуацијата.Јавноста се советува да ја избегнува областа Калдер во Единбург по извештаите за маж со остро оружје. Полицијата, вклучувајќи и наоружаните единици, е присутна на местото на настанот“, соопшти портпаролот на полицијата.

Свет | пред 3 седмици

(Видео) Украден „гигантски Орашар“ од бар во Единбург – снимките ја откриваат бизарната кражба

Голем новогодишен кип „Орашар“, висок речиси два и пол метра, е украден од влезот на коктел-бар во Единбург, а надзорните камери ја забележале необичната и несмасна кражба, пренесува Sky News. Настанот се случил пред четири дена, околу 22 часот, кога засега непознато лице на електричен велосипед го подигнало огромниот дрвен војник и го однело по улицата Џорџ Стрит кон плоштадот Сен Ендру.Паул Пакстон, раководител на барот Copper Blossom, кражбата ја опиша како „катастрофална“ и вистинска божиќна ноќна мора. Освен што барот останал без препознатливиот празничен украс, причинета е и материјална штета – еден стол вреден неколку стотици фунти е скршен за време на одземањето на кипот.На снимките се гледа како крадецот се мачи да го подигне и натовари големиот дрвен војник на велосипедот, при што Орашарот во еден момент паѓа на тротоарот. И покрај тоа, ниту еден од повеќе од десетината минувачи не реагирал. „Како никој не забележа? Само да влегле да ни јават, ќе можевме да спречиме“, коментира Пакстон, додавајќи дека иако не би сакал некој да се изложи на опасност, очекувал барем предупредување.Барот првин упатил јавна порака до крадецот дека може да го врати кипот без последици, но Пакстон вели дека не очекува Нолан да се појави назад. Во меѓувреме, до барот стигнале повеќе дојави дека големиот Орашар бил виден на различни локации низ Единбург.Пакстон потврди дека ќе разговара со полицијата за понатамошната истрага, со надеж дека необичниот, но скап украс ќе биде пронајден.

Свет | пред 3 месеци