Со убедлива поддршка од 174 држави, Македонија обезбеди место во ЕКОСОК
Македонија испиша нова страница во својата дипломатска историја, откако за првпат беше избрана за членка на Економскиот и социјалниот совет на Обединетите нации (ЕКОСОК), добивајќи поддршка од дури 174 земји членки.Со овој избор, државата ќе биде дел од едно од најзначајните тела на ОН во периодот од 2027 до 2029 година, учествувајќи во креирањето и координацијата на глобалните политики поврзани со економскиот развој, социјалната правда, одржливоста и човековите права.Одлуката беше донесена на гласањето во седиштето на Обединетите нации во Њујорк, а изборот е оценет како важен успех за македонската дипломатија и дополнително зацврстување на меѓународната позиција на државата.ЕКОСОК е едно од шесте главни тела на Обединетите нации и има централна улога во координирањето на економските, социјалните, развојните и хуманитарните активности во рамките на организацијата.Членството ќе ѝ овозможи на Македонија активно да учествува во глобалните дебати и процеси поврзани со одржливиот развој, економската соработка, здравството, образованието, родовата еднаквост и други прашања од меѓународно значење.Овој успех доаѓа по претходните избори на земјата во други значајни меѓународни тела, меѓу кои и Советот за човекови права на ОН за периодот 2025–2027 година, како и Извршниот совет на Организацијата за забрана на хемиското оружје.
Македонија | пред 2 часа