Турција очекува Трамп да присуствува на самитот на НАТО во Анкара
Турција очекува американскиот претседател Доналд Трамп да присуствува на самитот на НАТО што ќе се одржи во Анкара на 7 и 8 јули, изјави турскиот министер за надворешни работи Хакан Фидан.Во интервју за Блумберг ТВ, Фидан посочи дека Трамп во неколку неодамнешни телефонски разговори со турскиот претседател Реџеп Таип Ердоган навестил дека планира да учествува на состанокот на Алијансата.Според Фидан, САД и натаму остануваат посветени на НАТО и во моментов нема индикации дека Вашингтон размислува за напуштање на Алијансата, и покрај претходните изјави во таа насока.Тој оцени дека европските сојузници веќе започнале со зголемување на издвојувањата за одбраната под притисок на САД, а токму напредокот во оваа област ќе биде една од главните теми на претстојниот самит во Анкара.Шефот на турската дипломатија истакна и дека Турција ги поддржува разговорите меѓу САД и Иран, предупредувајќи дека продолжувањето на регионалните тензии, вклучително и израелските напади во Либан, може да ги загрози напорите за стабилизирање на примирјето во регионот.
Свет | пред 12 часа