ИМПЕРИЈА

Панделевски нема вина во „Империја“, обвинението повлечено: Ова не е победа, туку задоцнета правда

По одлуката на Обвинителство за гонење организиран криминал и корупција да го повлече обвинението против Панделевски во предметот „Империја“, тој во јавно обраќање порача дека исходот ја потврдува неговата позиција дека „против него немало релевантни докази за сторено кривично дело, но и дека последиците од повеќегодишната постапка остануваат“.Панделевски наведува дека од самиот почеток укажувал оти обвинението е правно и фактички неосновано, оптоварено со сериозни процесни пропусти и без докази што би ја поткрепиле тезата за измама или перење пари. Потсетува дека против него биле водени две обвиненија, од кои првото, за наводна злоупотреба на положбата и оштетување на акционерите на „Бетон – Штип“, било повлечено уште на судење, откако се утврдило дека не постои ниту еден оштетен акционер, и покрај тврдењата за околу 150 оштетени лица.Според неговото обраќање, постапката потоа била продолжена со обвинение за наводна измама и перење пари во однос на Кираца Трајковска, преземено од нов обвинител. По изјавата на Трајковска дека никогаш немала контакт со него, како и по изјавите на 14 акционери од „Фершпед“ дека немале каков било однос со него, Панделевски оценува дека станало јасно оти не постои ниту фактичка ниту правна основа за продолжување на обвинителниот акт.„Со повлекувањето на обвинението, обвинителството практично потврди дека: 1. Не постои доказ дека сум презел дејствија со намера за прибавување противправна имотна корист, 2. Не постои доказ дека сум довел кого било во заблуда, 3. Ниту пак дека сум имал влијание врз одлуките на акционерите или управувањето со нивниот имот. Овој исход за мене не претставува победа, туку задоцнета институционална потврда дека правото и фактите, и покрај сè, мора да надвладеат“, вели Панделевски.Истовремено, Панделевски нагласува дека повеќегодишната постапка оставила сериозни последици врз неговиот личен и деловен интегритет, како и врз компаниите со кои е поврзан, кои функционирале под постојан притисок, правна неизвесност и нарушена деловна репутација. Во наредниот период најавува детална анализа на правните, економските и репутациските последици, по што ќе донесе одлука за понатамошните чекори, вклучително и за начините на исправување на нанесената штета и идниот деловен ангажман.„Очекувам овој случај да послужи како сериозно предупредување за значењето на почитувањето на основните принципи на правична постапка, законитост и професионална одговорност во работењето на институциите, особено во предмети со висок јавен и економски импакт. Како бизнисмен со повеќедецениско искуство и без ниту една дамка во своето професионално портфолио, укажувам дека обвинителството секогаш мора да води сметка за интегритетот на лицата, бидејќи штетата од вакви постапки не се нанесува само врз неправедно обвинетиот, туку и врз целото општество“, додава Панделевски.Во овој случај, ексшефот на УБК, Сашо Мијалков и Јордан Орце Камчев признаа вина, а спогодувајќи се со Обвинителството враќаа пари на државата и добија минимални затворски казни.

Македонија | пред 1 седмица

Повлечено обвинението против Цветан Панделески во „Империја“

Обвинителството за гонење организиран криминал и корупција во декември 2025 година го повлекло обвинението против бизнисменот Цветан Панделески во предметот „Империја“, дознава БИРН. Информацијата за медиумот ја потврдил Кривичниот суд во Скопје.Обвинението го повлекол обвинителот Фатон Азизи, кој во доказната постапка оценил дека нема докази дека Панделески перел пари и измамил 150 акционери на „Бетон Штип“, меѓу кои и Кираца Трајковска, која беше поголем акционер.Како што наведува БИРН, за повлекувањето на обвинението било разговарано на колегиум пред јавните обвинители на 10 декември, а согласност дал и поранешниот државен обвинител Љупчо Коцевски. По два дена, на 12 декември обвинението било повлечено.Трошоците за судењето на Панделески ќе се платат од државниот буџет.Со овој епилог, единствен обвинет во овој случај останува брокерот Јованче Тасковски.Во предметот „Империја“ на поранешното Специјално јавно обвинитлество (СЈО) се гонеа 19 луѓе, кои завршија главно со спогодби и со повлечени обвиненија, а не со судења.

Македонија | пред 1 седмица

Панделевски: Обвинителката Лиле Стефанова со упад во судскиот процес се обидува да го продолжи процесот за третото непостоечко кривично дело

„Иако, „Јавното обвинителството“ пред шест месеци ги повлече двете дела против Цветан Панделевски во случајот „Империја“, обвинителката Лиле Стефанова со упад во судскиот процес се обидува да го продолжи процесот за третото непостоечко кривично дело измама кон Кираца Трајковска“ вели Цветан Панделевски, обвинет во Империја и додава:Сакаме да укажаме на македонската јавноста за неетичкото и непрофесионалното делување на обвинителката Стефанова која кон судот и кон Панделевски како неправедно осомничен се однесува според нејзините лични интимни желби и закажува рочишта, се повлекува од истите, дополнува обвинителни акти, спојува различни предмети се со едниствена цел да му се наштети на Панделевски без никави материјални докази.Од првиот момент на обвинението против Панделевски, сите аргументи кои одбраната ги изнесе во јавност во текот на рочиштата беа потврдени. Така што сакаме и денеска да потсетиме на сите судски процесни свесни грешки на Лиле Стефанова.1. Лиле Стефанова и ЈО според начелното правно мислење на Врховен суд од 30.01.2019 не се овластени тужители за преземање на јавно обвинителски работи во предистражни и истражни дејствија. Ова е потврдено и со решението на Врховен суд за укинување на мерката притвор против Панделевски од 04.03.2019 во кое е јасно кажано дека СЈО не е овластен тужител.2. Максималниот рок за истражна постапка за сложени дела од организран криминал може да се води 21 месец во кој рок ЈО е должно во согласно член 303 и 301 од ЗКП да ја запре истражната постапка доколку не поднесе обвинение. Стефанова обвинението го поднесува дури после 48 месеци или цели 4 години.3. По завршување на истражната постапка и истекот на роковите, Јавниот обвинител е должен во рок од 15 дена да поднесе обвинение или за кривични дела од организран криминал тој рок е 30 дена. Во случајот, Стефанова тоа го прави цели 8 месеци по запирање на истрага. Оваа повреда е веќе утврдена и со постоечка пракса на Врхoвниот суд со која се смета дека е веќе запрена постапката доколку не е испочитуван дадениот рок од 30 дена (одлука на Врховен суд, РСМ КВП 223/2006, од 14.02.2007).4. На рочиштето во јуни оваа година, Стефанова со најава дека ќе врши допрецизирање на обвинението всушност манипулативно во записникот се обидува да направи сосема нов обвинителен акт додавајќи нови дејствија на штета на Панделевски со вметнување на 14 лица акционери на Фершпед кои воопшто не се опфатени со обвинителниот акт кој веќе е на сила и по кој веќе постапува судот.Стефанова свесно знаејќи дека не постои кривично дело Измама на Кираца Трајковска од страна на Цветан Панделевски, прави обид да вметне како потеницијално оштетени нови 14 лица поранешни акционери на Фершпед. Мотивите на обвинителката Стефанова, која наместо обвинител настапува како личен адвокат на Кираца Трајковска се дотолку нејасни имајќи во предвид дека овие 14 лица веќе воделе обвинителен предмет против Кираца Трајковска во кој токму нејзе ја товарат како обвинета.Како и зошто за обвинителката Стефанова, Кираца наместо обвинета станува измамена веројатно одговор треба да даде некоја идна истрага!Лиле Стефанова и покрај тоа што ги менува обвинителствата и тоа од СЈО, па ОЈО Радовиш, во ОЈО ГОК, па сега во ЈО РСМ; постојано и во континуитет прави притисок врз Цветан Панделевски за време на целото траење на постапката со закани кон семејството и кон него тој лично да признае вина со цел да му се наштети со измислено кривично делo, притисок кој може да се толкува и како неуспешен „обид за рекет“ кон него.

Македонија | пред 1 година

„Вие Вилмич немате абер од право, не сте ја разбрале суштината на казнувањето“, остро кон шефицата за која државата не добива ништо од затворот за Камчев

Коментарот на Александар Диневски, кој е критичар на состојбите во Македонија, побуди интерес кај јавноста. Диневски се произнесе во врска со изјава дадена од обвинителката Вилма Русковска. Тој смета дека Вилма Русковска дала изјава за бизнисменот Јордан Камчев и како што вели: „остана жива“.Коментарот во целост:„'Што добива државата ако Камчев е во затвор?' - тропна Вилма и остана жива!Со судни маки се воздржувам да не употребам некој навредлив збор. Не заради неа. Нејзе совршено би и стоел, ко сошиено, поарно од новата фризура, туку заради мене.Епа вака многупочитувана Вилмич (фала Боки 13), Вие почитувана немате абер од право! Очигледно е дека не сте ја разбрале суштината на казнувањето во кривичното право што за еден јавен обвинител на таа позиција - шеф на ЈО за организиран криминал, е недопустливо!Казната во кривичната материја има двојна функција и цел: репресивно воспитна и превентивна.Првата значи казнување на сторителот со ограничување на неговите човекови права, пред се' правото на слобода со што во исто време се делува воспитно врз него во иднина да не стори исто или слично кривично дело!Втората функција (цел) се состои во превенцијата односно одвраќање на други потенцијални сторители да не вршат вакви или слични кривични дела. Се смета дека изречените казни кон откриените сторители ќе имаат влијание врз сите оние кои планирале или подготвувале сторување на кривично дело да се откажат од таквите намери и планови!Која од овие две функции се исполнува со последното пазарџиско/коруптивно решавање на кривичните предмети?!А Вилмич?Ниту една!!!Господа обвинители, сите вие што сте вклучени во овој срамен чин, ОСТАВКИ!Државата навистина ќе добие многу со тој ваш потег!П. С. На Камчев му посакувам се' најдобро!“

Македонија | пред 3 години

Камчев спореден со Лукиј Вератиј: Ќе ги удира луѓето по лице, а неговите робови веднаш на жртвата ќе и платат 5.25 милиони

Заменик народниот правобранител, Јован Андоновски спогодбата што ја направи обвинетиот бизнисмен со обвинителството и плати над 5 милиони евра и доби една година затвор, ја спореди со кривичното дело Inuria што постоело во римското кривично право. постоело дело наречено Inuria.-Iniuria првично била во ограничен опсег. Законот на XII плочи предвидувал прилично примитивни глоби за различни типови физички напад. За осакатен екстремитет била дозволена освета ако странките не можеле да се договорат. За помалку сериозни напади, функционирал тарифен систем: 300 аса за скршена коска на слободен човек; 150 аса за роб; 25 за најмалите напади. Паричните казни со тек на време станувале безвредни заради опаѓањето на вредноста на парите. Со промените во општествотот се јавила потреба и од реформирање на легислативата, пишува Андоновски.Оваа спогодба тој ја споредува со извесен Лукиј Веритај кој ги удирал луѓето од забава, а потоа неговите робови им плаќале на луѓето.-Кон средината на Републиката извесен Лукиј Вератиј ја нагласил несоодветноста на законот со една нова форма на забава. Имено, тој ги удирал луѓето по лице, а неговиот роб веднаш на жртвата и давал 25 аса надоместок.Вчера бевме сведоци на Inuria (Инурија беше делик во римското право за негодување или навредување, предизвикано од дрско дејствие преземено против друго лице) на македонските граѓани со објаснувањето на лицето В.Р. инаку одговорна за гонење за организиран криминал и корупција, со изјавата: „Што добива државата ако лицето О.К. е во затвор?“. Со други зборови, современиот Лукиј Вератиј во форма на забава, ќе ги удира луѓето по лице, а неговите робови веднаш на жртвата ќе и платат 25 аса надоместок или во случајов 5.25 милиони евра.Почитувани граѓани, од денес, секој од вас во буџетот на државата доби по околу 3 евра. Аирлија трошење на парите.Тешко на оние што немаат да платат…#8%доверба #судство, напиша Андоновски.

Коментари | пред 3 години

Русковска ја правда спогодбата: Поважно е да наплатиме пари отколку 5-10 години казна затвор

Вилма Русковска беше прашана од што ќе зависи дали Обвинителството ќе ја прифати спогодбата и со ексдиректорот на УБК, Сашо Мијалков. Таа не одговори конкретно кои се критериумите. Во емисијата „Топ тема“ вели дека најдобро за државата е да се наплатат средства во готово.„Ние нормално ќе бидеме во координација со јавниот обвинител Љубомир Јовески и ќе одлучиме дали да ја прифатиме или не. Јас сакам да ви појаснам дека е многу подобро за интересите на државата во готово да се уплатат па макар и помалку од овие 32 милиони евра. Знаеме сите колку е тешко да се донесе пресуда, да биде правосилна, па лицитација. Пример вчера разбрав дека за предмет од 2012 година, сега почнала постапката за продавање. Затоа сметам дека јас и колешката која постапува, во интерес на државата е да се уплатат средства во готово“, рече Русковска.Ако се прифати спогодба, како што е случајот со Орце Камчев кој исплати 5.2 милиони евра на државата и прифати да оди една година во затвор, тоа значи дека одлуката е конечна и не може да се преиначи.„Дали јавноста ќе биде позадоволна ако добијат 5 или 10 години казна затвор и државата да не може да ги наплати парите или да поминат со помали каазни а државата да ги наплати парите? Јас мислам дека поважно на државата ќе и биде да ги наплати парите, а да има помали казни“, додаде Русковска.

Македонија | пред 3 години

Реакции за „Империја“: „Се спогоди Камчев, наместо да го врати краденото од 5 миљарди, да плати само 5 милиони“

Спогодбата на бизнисменот Орце Камчев со обвинителката Лиле Стефанова за случајот „Империја“ наиде на реакции и критики во јавноста. На социјалната мрежа „Твитер“, чекорот да се прифати Камчев да плати 5.3 милиони евра на државата и да оди една година во затвор, не наиде на поддршка.Пренесуваме дел од првите реакции откако Обвинителството потврди дека има спогодба:https://twitter.com/nevremeto/status/1520089209633189888https://twitter.com/Bosonogata/status/1520070268735180800https://twitter.com/Go4bed/status/1520084515372294146https://twitter.com/BrlaBrla/status/1520088267013644288https://twitter.com/Na_Majstorot/status/1520087507962060800https://twitter.com/SendvicSoVegeta/status/1520074626470236160https://twitter.com/Bavcov/status/1520062556970307584https://twitter.com/VidanaDeSign/status/1520060883422089220https://twitter.com/snowgirly2/status/1520045379382910976https://twitter.com/AleksandarDine7/status/1520032273797730306Бизнисменот Орце Камчев се спогоди за случајот „Империја“. Обвинението ќе биде повлечено и за неговата сестра Кристина Камчева – Стојчевска, како и за мајка му Ратка Куноска – Камчева. „А1он“ од судски извори дознава дека Камчев во државниот буџет веќе исплатил 5,3 милиони евра. Со судската спогодба, тој се согласил да добие една година затвор, со што, случајот за него ќе биде целосно запрен.

Коментари | пред 3 години

Камчев триумфираше: плаќа пет милиони за да добие една година затвор за „Империја“

Бизнисменот Јордан Камчев со спогодба признал вина во случајот „Империја“ и добил казна затвор од една година, изјави шефицата на Обвинителството за организиран криминал и корупција Вилма Русковска во интервју за „Топ тема“ на телевизија Телма. Камчев исто така се согласил да уплати 5,1 милиони евра во државниот буџет.Русковска вели дека спогодбата е верификувана од судија на претходна постапка и тоа значи дека нема да се води постапка против Камчев.Истрагата „Империја“ беше отворена во 2018 година за кривичните дела Злосторничко здружување, Оштетување или повластување на доверители, Злоупотреба на службената положба и овластување, Измама и Перење пари и други приноси од казниво дело.

Македонија | пред 3 години