(Фото) Осветувани новите возила во МВР: едни поддржуваат, други негодуваат - но не е прв верски обред во институции...
Фотографии на кои се гледа свештеник како врши верски обред и осветување на службени возила во кругот на Министерството за внатрешни работи се проширија на социјалните мрежи и предизвикаа бурни реакции во јавноста.На фотографиите се забележуваат полициски автомобили паркирани во дворот на МВР, околу кои се изведува религиозен обред, како и присуство на полициски службеници. Дел од јавноста го оправдува ваквиот потег, посочувајќи дека во православната традиција постои молитва за осветување на возила и дека станува збор за симболичен чин со цел заштита и безбедност.Сепак, друг дел од граѓаните и јавните личности остро реагираат, оценувајќи дека ваквата пракса е спротивна на принципите на секуларната држава. Тие укажуваат дека полицијата е државна институција која мора да биде еднаква и неутрална кон сите граѓани, без разлика на нивната верска или етничка припадност.Новинарот Фуркан Салиу од „ПорталХ“ јавно реагираше, оценувајќи дека не станува збор за традиција, туку за сериозно прашање на уставност. Според него, изведувањето верски обред врз службени возила во рамки на државна безбедносна институција испраќа порака дека една вера добива институционален простор, што е спротивно на уставното начело за секуларност.„Полицијата во Македонија е мултиетничка, мултирелигиска и мора да им служи на сите еднакво. Таа не припаѓа на ниту една вера. Кога една вера добива официјален простор во полицијата, пораката до другите е јасна: оваа институција има доминантна вера. Ова не е симболика. Ова е институционализација на религијата и кршење на Уставот, кој ја дефинира државата како секуларна. Од МВР засега нема официјално соопштение во врска со настанот. Дебатата, меѓутоа, повторно го отвори прашањето за границата меѓу верските обичаи и функционирањето на секуларните државни институции, како и за потребата од јасни правила и одговорност во јавниот простор“, напиша Салиу.Од МВР засега нема официјално соопштение во врска со настанот.Пред една година, Африм Гаши изврши верски обред во Собранието, што наиде на реакции.
Македонија | пред 5 дена