Иванов

Иванов од Единбург : „Само со државничко и стратешко лидерство народите можат да изградат доверба“

Поранешниот претседател на Република Македонија (2009–2019), д-р Ѓорге Иванов, учествуваше на меѓународниот форум „Местото на Шкотска во Европа: Поттикнување на меѓународната соработка и разбирање“ (Scotland Forum 2025), кој се одржа од 1 до 4 септември во Единбург. Настанот се реализираше на Универзитетот Хериот-Ват, а дел од сесиите беа одржани и во шкотскиот парламент и замокот Единбург, градби кои симболизираат дијалог, демократија и заедништво.Во своето обраќање, д-р Иванов говореше за улогата на Македонија и регионот во современите глобални процеси, притоа споделувајќи искуства од својот претседателски мандат. Зборувајќи за потребата од визионерско лидерство и искрена соработка меѓу народите, тој нагласи дека токму таквото визионерско, државничко и стратешко лидерство надополнети со интезивна и континуирана меѓународна соработка претставуваат клучни предуслови за успешно справување со предизвиците и надминување на неизвесностите на денешницата.Претседателот Иванов се обрати и на специјална сесија во шкотскиот парламент, која ја отвори претседателката на парламентот Алисон Џонстон, а на која учествуваа бројни пратеници и јавни личности. Во оваа пригода, Иванов се наврати на своето искрено пријателство со поранешниот прв министер на Шкотска, Алекс Салмонд, зборувајќи за неговата љубов кон татковината и силната посветеност на просперитетот на својата земја и на благосостојбата на неговите сограѓани. Тој истакна дека Салмонд уживаше голема почит и имаше бројни следбеници не само во Шкотска, туку и надвор од неа, нешто што се потврди и при неговото последно обраќање во Охрид минатата година, кога голем број луѓе дојдоа за да го слушнат неговото излагање.За време на форумот, д-р Иванов оствари повеќе средби со истакнати учесници како поранешни премиери, министри, дипломати, пратеници, универзитетски професори од различни европски земји и јавни личности. Меѓу нив беа поранешните премиери на Ирска - Бертие Ахерн, на Шкотска - Хенри Меклиш, на Велс - Марк Дрејкфорд, поранешниот Државен секретар за Шкотска - Лорд Малком Офорд, поранешни министри за надворешни работи на Финска, Шведска, Естонија, поранешни министри од различни ресори од Шкотска, Велс, Естонија, Хрватска, Кипар, Финска, како и актуелни парламентарци од Обединетото Кралство, Шведска, Велс, Финска, Полска, Кипар, Литванија, Турција, Пакистан и др. Меѓу учесниците на форумот, со кои претседателот Иванов оствари средба, беше и легендарниот фронтмен и текстописец на Deep Purple, Иан Гилан, чија појава и денес буди восхит и почит кај љубителите на рок-музиката ширум светот. Средбата ја заокружи културната и духовната димензија на форумот, потсетувајќи дека уметноста и музиката се еднакво важни градители на мостови меѓу народите, како и политиката и дипломатијата.Со своето учество на Scotland Forum 2025, д-р Иванов уште еднаш ја потврди својата активна улога на меѓународната сцена, придонесувајќи за зајакнување на дијалогот, градење мостови на доверба и промовирање на разбирањето меѓу народите.

Македонија | пред 3 месеци

Македонија гори, а ни глас од Црвенковски и Иванов

Дали некој деновиве ги чу или виде поранешните претседатели Бранко Црвенковски и Ѓорге Иванов? Луѓето секој месец на први, си ги користат привилегиите, околу 2.000 евра и плус оние зголемени 78 проценти.Плус согласно постојниот закон, покрај месечните закупнини за канцелариски простор, за поранешниот претседател се подмируваат и следните трошоци: плати за три стручни лица кои се обезбедуваат од буџетот; комунални трошоци за надомест на електрична енергија, вода, топлинска енергија, и ѓубретарина; службено возило и возач, одржување на возилото при СОЗР; услуги кои се однесуваат на одржување на хигиена, тековно одржување на објектот како и набавка на потребниот канцелариски материјал.За поранешниот претседател не важат условите за пензионирање предвидени со Законот за пензиско и инвалидско осигурување. Тоа е тешка повреда на уставното начело за еднаквост на граѓаните пред законот“, велат од експерти по право.Единствено привилегиите, како што најави не ги користи Стево Пендаровски кој се врати на факултет а имаше и објава за Илинден. За пожарите поранешните татковци на нацијата не се нешто заинтересирани, но за привилегиите тука се. Но, да ги оставиме луѓето на мира и да не ги нервираме. Нека уживаат на грбот на народот.Активна беше претседателката Силјановска Давкова, која двапати беше на терен и со војниците како врхвено командант, а вчера порача дека ќе се моли да падне дожд.

Македонија | пред 1 година

Иванов учествуваше на 11. Глобален форум во Баку

Во периодот 14-16 март 2024 година, во Азербејџан се одржа 11-тиот Глобален Баку Форум во организација на Меѓународниот центар Низами Ганџави на тема „Поправање на скршениот свет“, на кој учествуваше и поранешниот претседател на Република Македонија д-р Ѓорге Иванов.Во текот на форумот, претседателот Иванов оствари средба со Заменик Генералниот секретар на ОН и Висок претставник на Алијансата на цивилизации Мигуел Ангел Моратинос, со кој разговараа за можностите за соработка и перспективите на Македонија и регионот во глобалната мрежа на Алијансата на цивилизациите. Претседателот Иванов имаше можност да се сретне и размени мислења со своите колеги и учесниците на форумот меѓу кои беа поранешни претседатели, премиери, министри од целиот свет, високи претставници на меѓународни организации и други.Меѓународниот центар Низами Ганџави оваа година, на 11-тиот Глобален форум во Баку, отвори повеќе интересни и актуелни глобални теми за високите учесници меѓу кои: војната Израел-Хамас и нејзините импликации на Блискиот Исток, враќањето на „Realpolitik“, глобалното владеење и Самитот на иднината, кои цели може да се постават за COP29, климатската правда, улогата на регионалните воени и економски сојузи, регионалните перспективи на ЕУ и нејзините соседи, градењето отпорност на глобалните предизвици: справување со нееднаквоста, недостигот на ресурси и миграцијата, новата безбедносна парадигма во ерата на вештачката интелигенција и други.

Свет | пред 1 година

Нема фотографија

Иванов: Со договорот од Преспа го негирате македонскиот народ, а со Законот за јазици ја демонтирате државата

Претседателот Ѓорге Иванов пред пратениците говореше за Законот за јазици, Преспанскиот договор и други актуелни теми.„Мнозинството на пратеници во Собранието не ја почитува јавноста. Ги поткопавте Уставот и законите. Се ризикува да имаме дом со разнишани темели. Република Македонија е трајна придобивка на македонскиот народ, а со грчката спогодба се релативизира таа добивка. Преспанската спогодба става крај на нашето постоење. Тврдите дека македонскиот народ живее во минатото, а сакате да го однесете во иднината. Но, народот живее со иднината. Нема никој право да тргува со името и јазикот на Македонија“, рече Иванов.„Законот за јазици е усвоен вон секоја процедура. Злоупотребено е европското знаменце. Го вратив, не го потпишав со низа забелешки, а влста не ги ни виде тие забелешки. Поднесоа кривична приајва, а немаа сила да се потпишат на неа. Зарем со кривична пријава ќе ме натерате да потпишам нешто што не е во согласност со Уставот? Јас ги почитувам сите народи, како албанскиот, така турскиот и останатите. Израз на единството е македонскиот јазик. Доколку противуставниот закон стапи на сила, тогаш македонскиот јазик нема да го обединува нашето општество“, рече Иванов.Пратениците реагираа на говорот од Иванов, а тој рече „Еве си ја покажавте политичката култура, пред дипломатскиот кор“.„Многу учебници по историја ќе бидат забранети. Се најавува дека ќе се забрани етничката припадност во пописот на население. Која е поентата да имаме попис без етничка припадност. Дали со ваков попис се обезвреднува Охридскиот рамковен договор? Зарем се заборава дека без етничка припадност нема Охридски рамковен договор? Слушам за родители кои се прашуваат дали да им пејат македонски песни, за да не ги жигосуваат. Не можете да ја сакате Македонија, а да не ги сакате Македонците и македоснкито народ. Со спогодбата од Преспа се негира македонскиот народ, а со Тиранската платформа и Законот за јазици се демонтира македонската држава“, рече Иванов. 

Македонија | пред 6 години

Иванов до пратениците: Смирете се, соберете си ги фрустрациите

Кратко откако започна обраќањето на претседателот Ѓорге Иванов, пратениците негодуваа на делови од истиот. Во собраниската сала настана галама, а на ова реагираше претседателот.„Ај смирете се, вашите лични фрустрации соберете си ги. Си го покажувате нивото на политичка култура пред целиот дипломатски кор“, рече Иванов.Иванов се пожали оти Македонија од зарбоена држава станала уценета држава.Пратениците на ДУИ во Собранието го бојкотираа последното обраќање на Иванов и не присуствуваа на истото.

Македонија | пред 6 години

Иванов октирва: УБК е главен инструмент за уцена

„Што е разликата на меѓу мојата и вашата амнестија? Јас сакав помирување преку амнестија. Вие амнстиравте за да уценувате. Без правда, нема мир. Вашата амнестија е преседан за политичка уцена, не за помирување. Го девалвирате помирувањето. Ова не е вистинска прошка. Ја потпишав амнестијата од две причини. Прво за да ги разоткријам вашите намери и второто заради патриотите кои ја сакаат Македонија“, рече Иванов.Националното помирување ќе настане кога сите ние ќе побараме прошка кога ќе згрешиме, а и ние да простиме, рече Иванов.„Постојано ми стигнуваат информации дека со усна наредба се следи претседателот и неговото семејство. Тоа е индикатор дека се менуваат системи, директори и друго, а само УБК останува исто. Кога сум кај УБК, да кажам дека УБК работи надвор од својот работен мандат. Секоја партија која доаѓа на власт мисли дека може да ја контролира УБК, а практично е обратно. УБК се користи за уцени. Реформите се фасада. Со реформските закони, моќта на МВР се шири во Владата. Со несуштинските реформи се остава простор за рушење на правата и слободите. Се заборава дека освен моќта, треба да се пренесе и одговорноста. Кого чуваат чуварите и кој ќе не чува од чуварите? Како да ја заштитиме демократијата? Како ќе се заштитиме од УБК? Се плашам и да помислам колку фабрикувани документи има кои се основа за кривични дела“, рече Иванов

Македонија | пред 6 години