Кошаркар на Партизан доби условна казна затвор поради учество во тепачка
Кошаркарот на Партизан, Карлик Џонс, е условно осуден на осум месеци затвор поради учество во тепачка што се случила на 5 мај минатата година пред клубот „Банк“ во Белград.„Со пресуда на Првиот основен суд во Белград е прифатен договорот за признавање на кривично дело, врз основа на кој С.А.Џ. е осуден на условна казна од осум месеци со рок на проверка од две години поради учество во тепачка на 5 мај минатата година пред клубот ‘Банк’, во која еден млад човек беше тешко повреден. Медиумите претходно пишуваа дека С.А.Џ. е кошаркарот на Партизан, Карлик Џонс“, објави Танјуг.Џонс е осуден за кривично дело тешка телесна повреда, додека против С.Б., И.Б. и Н.Ј., поради кривично дело учество во тепачка во истиот настан, е применет институтот одложување на кривичното гонење, односно опортунитет, соопшти Првото основно јавно обвинителство во Белград.Обвинителството наведе дека, по консултација со оштетениот кој се согласил со примената на опортунитетот за С.Б. и И.Б., донесена е наредба за одложување на кривичното гонење со која им е наложено да уплатат по 300.000 динари на сметката на оштетениот, додека Н.Ј. треба да уплати 100.000 динари.Инцидентот се случил на 5 мај минатата година околу 4:30 часот пред угостителски објект, кога дошло до тепачка меѓу повеќе лица, во која учествувале тројца кошаркари на КК Партизан и други лица.Во тепачката тешки телесни повреди добил Ј.К.
Балкан | пред 2 седмици