КАШЛИЦА

Германска анализа: Лековите за кашлица најчесто не делуваат – медот еднакво ефикасен

Доколку развиете кашлица што ве мачи или ве држи будни преку ноќ, не мора веднаш да посегнувате по специјални сирупи или таблети е заклучокот на германска анализа. Германската организација за заштита на потрошувачите „Стифтунг Варентест“ предупредува дека поголемиот дел од лековите за кашлица немаат доволно докажана ефикасност.Во аптеките најчесто се нудат два вида препарати: едните ја разредуваат слузта за полесно искашлување, додека другите го намалуваат надразнувањето кај сувата кашлица. Но, според анализата на германските експерти, ниту природните, ниту синтетичките лекови за потиснување на кашлицата не го поминале тестирањето.„Купувачите можат да заштедат пари на лекови за кашлица“, стои во извештајот. Тие укажуваат дека ефикасноста на овие препарати не е научно потврдена, а дел од активните состојки носат и ризици. Како пример се наведува декстрометорфанот, супстанца што во ретки случаи може да предизвика зависност или халуцинации.Поуспешно поминале лековите за искашлување, кои генерално се оценети како „прикладни, но со претпазливост“. Иако нивниот ефект е утврден, тој е оценет како умерен.Стручњаците додаваат дека не е неопходно веднаш да се купуваат препарати – медот може да помогне исто толку. Чист мед или додаден во топол чај може да го смири надразнувањето. Иако научните резултати не се конечни, ефектот е споредлив со оној на испитаните лекови, чие дејство е ограничено.

Магазин | пред 1 месец

Нема фотографија

Опасно се шири опасноста од голема кашлица, денес три нови случаи

Денеска во Скопје се регистрирани нови три случаи на заболени со голема кашлица. Со тоа бројот на заболени во Скопје достигна бројка 141. Од Комисијата за заразни болести велат дека најмногу заболени има во Скопје, но дека регистрирани се случаи и во Дебар, Струмица и Тетово. ,,Министерот треба да даде одговор дали ги прифаќа препораките на Комисијата за заразни болести и да донесе одлука ДСЗИ да врши инспекциски надзор исто како што беше во 2019 година кога имавме епидемија на морбили“, изјави денеска директорката на Државниот санитарен и здравствен инспекторат Рената Младеновска. Комисијата за заразни болести, вчера во врска со епидемијата на голема кашлица, која на 9 февруари беше прогласена на територијата на град Скопје даде препорака овој Инспекторат да изврши вонредни контроли во градинките во главниот град и да забрани прием на деца кои не се вакцинирани со ди-те-пер вакцина против голема кашлица. Целта на контролите е да се зголеми опсегот на вакцинација, која според надлежните е најефикасната мерка за заштита од пертусис.

Македонија | пред 1 година

Кашлицата се шири брзо, а можат да заболат и бебиња - пикот кон крајот на февруари

Како што доаѓа крајот на февруари, така Македонија се ближи кон пикот на вирусот со голема кашлица. На Детската клиника е хоспитализирано и бебе, а бројката на заразени расте алармантно. Се повеќе поплаки и барање на лекови има и кај матичните доктори. Докторот Ненад Лазаров посочува дека станува збор за „Пертусис“ која е сериозна болест што брзо се шири.„Вакцините за пертусис не штитат толку долго колку што би сакале ние, постои потреба од обновување на 10тина години. Пред сериозен ризик сме да има поголемо ширење бидејќи се работи за исклучително заразна болест. Сите референтни институции препорачуваат трудниците да се вакцинираат помеѓу 27 и 34 со цел да му овозможат имунитет на новороденото од првиот здив. Пертусис е пресериозна болест за новородено, доколку заболат, 9 од 10 бебиња до 3 месеци ќе бидат хоспитализирани на минимум една недела, а кашлицата трае со месеци, тоа не е обична кашлица, како тоа драматично изгледа и звучи сами гуглајте ако сакате да видите зошто се вика магарешка. Има начин и безбеден е“, посочи тој.Од Комисијата за заразни болести кажаа дека пикот ќе биде кон крајот на февруари„При крајот на февруари се очекува пик, максимум од честотата на грип и слични болести на грип“, изјави Александар Петличковски, претседател на Комисијата пред половина месец.Директорот на Центарот за јавно здравје во Скопје, Бесим Зеќири за ДВ вели дека во моментот има 12 случаи на магарешка кашлица, од кои 11 се деца, а само едно лице е возрасно. Неколку случаи се во фаза на испитување. Тој апелира до родителите да ги вакцинираат децата, со што ќе се спречи понатамошно ширење на болеста.Министерот за здравство, Фатмир Меџити, вели дека ќе остави на професионалците да одлучуваат какви мерки ќе се преземат понатаму во врска со големата кашлица.„На седницата на Комисијата за заразни болести ќе се разгледа каква е состојбата. Таму има врвни професионалци, јас сум невролог. Ќе оставам на професионалците кои се во таа комисија, да се одлучува како понатаму. Но, тоа што ветувам и досега што тврдев, состојбата е под контрола и ние ги надгледуваме сите состојби во здравството, не само за заразни болести. Веќе е месец февруари, ќе им дојде крај и на овие вируси и други состојби што го влошуваат здравјето на пациентите“, рече Меџити, одговарајќи на новинарско прашање дали ќе побара од Комисијата за заразни болести да се прогласи епидемија во Скопје.Симптомите на вирозата се прво како на настинка, а потоа се добива напади на кашлање. Ситуацијата може да биде опасна по живот за нив бидејќи нивните дишни патишта сѐ уште се тесни и можат да отечат за кратко време.

Македонија | пред 1 година