КЕНТАКИ

Двократно убиство при вооружен грабеж на банка во Кентаки, напаѓачот во бегство

При вооружен грабеж на банка во градот Берија, во американската сојузна држава Кентаки, две лица – вработени во банката – се убиени, додека напаѓачот е во бегство, соопштија надлежните служби.Според полицијата на Кентаки, маж облечен во сива дуксерка и со маска влегол во филијала на Американската банка и пукал кон двајца вработени, маж и жена, кои починале на самото место.Во потрагата по осомничениот се вклучени локални и државни полициски сили, како и Федералното истражно биро. За пребарување на теренот се користат хеликоптери, дронови и полициски кучиња, додека истражителите ги анализираат снимките од безбедносните камери и прибираат информации од граѓани.Властите објавија фотографија од осомничениот и упатија апел до јавноста за секоја информација што може да помогне во неговото пронаоѓање.Поради случајот, привремено се затворени и училиштата во пошироката област, а истрагата за мотивите и околностите на нападот продолжува.

Свет | пред 3 седмици

Напаѓач отвори оган на автопат во Кентаки, рани најмалку седум лица, а во тек е голема полициска потрага

Полицијата во Кентаки го пребарува нерамниот терен во близина на националната шума трагајќи по осомничениот кој застрелал и ранил најмалку седум лица во возила на меѓудржавен автопат, соопштија властите во саботата вечерта.Инцидентот се случил околу 18 часот по локално време, а полицијата била известена за истрели во повеќе возила на Interstate 75 во близина на градот Лондон во округот Лорел. Според локалните медиуми, истрелите дошле од шумско подрачје или од надвозник.Рандал Ведл, градоначалник на Лондон, мал град со околу 8.000 жители во близина на националната шума Даниел Бун, на околу 145 километри јужно од Лексингтон, во објава на Фејсбук рече дека седум лица се повредени, вклучително и некои кои биле застрелани. Тој рече дека во моментов нема жртви. Полицијата не даде повеќе детали за бројот или природата на жртвите.Ведл ги замоли сите во областа да ги „држат вратите заклучени“ додека осомничениот е на слобода.Дел од автопатот во близина на пукањето во Кентаки беше затворен, но подоцна беше повторно отворен иако осомничениот сè уште е во бегство.Локалната полиција објави црно-бела фотографија од 32-годишниот белец Џозеф А. Кауч, „лице од интерес“ за кое се верува дека е вооружено и опасно, барајќи од секој кој има информации за неговата локација да контактира со полицијата.

Свет | пред 1 година