КИТ

Германски медиуми: Грбавиот кит Тими најверојатно угинал по обидот за спасување

Грбавиот кит Тими, кој со недели ја држеше будна јавноста во Германија откако се насука во плитките води на Балтичкото Море, најверојатно угинал откако бил пренесен и пуштен во отворено море, објавија германски медиуми. Случајот прерасна од спасувачка операција во жестока расправа за тоа дали интервенцијата воопшто смеела да се изведе, со оглед на состојбата на животното и ризиците од транспортот.Локалните власти, според наводите, повеќепати безуспешно се обидувале да го вратат китот кон подлабоки води. По серијата неуспеси, последниот обид бил финансиран приватно од двајца претприемачи, иако дел од стручната јавност изразувала сомнеж дека животното ќе го издржи преместувањето и стресот од долготрајниот транспорт.Една од финансиерките претходно изјавила дека китот „покажувал волја за живот“, но по пуштањето во морето останало нејасно што точно се случило на самото место. Дел од извештаите наведуваат дека не е познато дали Тими сам отпливал или бил исфрлен од пловилото, а на социјалните мрежи се појавија и тврдења дека екипажот сакал што побргу да се „ослободи од проблемот“.Дополнителна контроверзија предизвика тврдењето на ветеринарка која учествувала во дебатите околу состојбата на животното, дека не ѝ било дозволено да присуствува на моментот на пуштање, и дека тоа било направено „прерано и во тајност“. Првичниот план, според достапните информации, бил китот да биде пуштен подалеку на запад, во поотворен дел на Северното Море, но на крајот бил ослободен приближно 70 километри северно од данскиот град Скаген – подрачје со интензивен бродски сообраќај.Морски биолози од германски океанографски музеј оцениле дека Тими најверојатно угинал, наведувајќи дека екстремната исцрпеност и повеќекратните повторни насукувања во краток период сериозно ги намалиле шансите животното да преживее во длабоки води и да плива подолго.Трошоците за операцијата биле проценети на најмалку 1,5 милиони евра, без да се пресметаат ангажманот на бродови и екипажи. Еколошки организации, меѓу кои и „Гринпис“ и „WWF“, претходно се спротивставувале на транспортот на тешко повреденото животно, предупредувајќи дека ваквите интервенции отвораат и пошироки прашања за односот кон морските екосистеми и начинот на реагирање во случаи кога диво животно е во терминална состојба.

Свет | пред 6 часа

Германците го извлекуваат Тими - насукан грбав кит од плитките води на Балтичкото Море

Крај германскиот брег на Балтичкото Море започна обид за извлекување на насукан грбав кит од плитките води. Јавноста го нарече китот Тими и тој е во добра состојба.Извлекувањето на грбавиот кит започна по четири недели интензивна јавна дебата за тоа на кој начин најдобро може да му се помогне на животното.Китот ќе биде насочен низ новоископан канал, а потоа ќе биде пренесен кон Северното Море, наведоа организаторите на приватната спасувачка иницијатива, пренесува Ројтерс.Тие тврдат дека животното е во доволно добра состојба за транспорт, но експертите од Германскиот океанографски музеј изразија сомнеж во успехот на операцијата.„Шансите за успешно спасување се многу мали поради лошата здравствена состојба на животното и генерално неповолната прогноза“, соопшти Музејот.Се додава дека операцијата би претставувала „голем стрес и висок ризик од повреди“ за китот.Спасувачката операција ја финансираат двајца милијардери, од кои еден е поврзан со германскиот синџир за електронска опрема МедиаМаркт.Портпаролката на спасувачката мисија, Констанца фон дер Меден, не одговори на барањето за коментар, додека трошоците за операцијата не се јавно објавени.Китот, наречен „Тими“ по плажата Тимендорф близу островот каде што се насукал, првпат бил забележан пред околу еден месец во води со низок салинитет, кои китовите обично ги избегнуваат.Научниците сметаат дека тоа укажува дека животното е дезориентирано или болно. Во неделите што следеле, китот повеќепати се насукал на песочни наслаги.Властите на покраината Мекленбург-Западна Померанија соопштија дека се фокусирани на намалување на стресот кај животното и ги отфрлија повиците од јавноста за еутаназија со цел да се прекинат неговите страдања.

Магазин | пред 1 седмица

(Видео) Кит се насука на брегот на Балтичкото Море – експертите предупредуваат: еутаназијата не е решение

Кит кој се насукал на брегот на Балтичкото Море не треба да се подложи на еутаназија, истакнуваат експерти.„Постојат меѓународни договори за тоа што може да се направи и како“, изјави за DPA Урсула Зиберт, директорка на Институтот за истражување на копнените и водените диви животни (ITAW) при Ветеринарниот универзитет во Хановер.Станува збор за грбав кит долг околу 10 метри, веројатно млад мажјак, според организацијата Морски пастир (Sea Shepherd).„Колку е китот поголем, толку е потешко да се справиме со него“, објасни Зиберт.Таа додаде дека вакви ситуации не се чести во Балтичкото Море, но се појавуваат на пример кај насукани улешури и други видови китови на бреговите на Северното Море.„Едноставно е многу тешко во овие услови да се изврши еутаназија на китот.“Еден од проблемите е употребата на оружје и соодветен калибар, што може да претставува потенцијална опасност за околината. Поради меѓународните договори, можностите за тоа се ограничени во Германија и соседните земји.„Подобро е да се грижиме за китот, така што да може достоинствено и без стрес да умре“, изјави Зиберт.Германскиот поморски музеј истакна дека станува збор за исклучително тешка ситуација во која експертите мора многу внимателно да ја разгледаат секоја мерка и одлука.„Еутаназијата во условите што владеат во Ниндорф би била многу тешка, бидејќи китот сè уште се наоѓа во вода. Водата е премногу плитка за него, а премногу длабока за убивање. Покрај тоа, за толку голем кит не постои сигурна метода на еутаназија која целосно би ја исклучила понатамошната мака.“

Свет | пред 1 месец