констракта

Констракта настапува на „Звукот на Скопје“: Скопската публика е построга и не може се да помине кај неа

Плоштадот пред Филхармонијата („Мајка Тереза“) е местото каде в петок (16 септември) ќе настапи Констракта и „Земља грува“ (Zemlja gruva), која годинава ја претставуваше Србија на натпреварот за најдобра песна на Евровизија и предизвика големо интересирање во регионалната, но и европската јавност и медиуми со впечатливиот сценски настап, ангажираноста и пораките кои ги испрати преку својата изведба.Посочувајќи дека скопската публика е построга и не може се да помине кај неа, Констракта најави:-Репертоарот го сочинуваат сите песни што се објавени како Констракта и оние што ги сакаме од „Земља грува“. Настапуваме како Констракта и „Земља грува“. Звукот е нешто поинаков од оној што го правевме порано, има повеќе електроника и нема дувачи, кои беа карактеристични за „Земља грува“, вели Констракта во интервју со Весна Дамчевска за „Скопјекулт“, градскиот културен водич.Нејзината оригиналност и писменост, која е „во судир“ со сета поп, фолк и турбофолк музика распространета во Србија и во екс-југословенскиот регион ја издигнува над постоечките жанрови и нуди поинаков универзум. Според критичарите нејзината музика се смета за „претставување на светот, земјата, климата, уметноста и културата на кои таа и многу луѓе припаѓаат“.-Денес низ музиката главно обработувам теми што ме интересираат, а кои главно се одраз на општествените движења. Музички, Констракта не е стилски одредена, преовладува електорниката, а блиски ми се хип-хопот, афробитот, па и трапот..., вели Констракта за „Скопјекулт“.

Магазин | пред 3 години

Констракта со настап на платото пред Филхармонија

На 16 и 17 септември ќе се одржи најновото издание на фестивалот „Звукот на Скопје“. Фестивалот ќе се одржи на неколку локации, а ќе настапат домашни и странски музичари, откри на денешната прес конференција Антонио Димитров, директор на КИЦ.Фестивалот ќе почне на 16 септември на платото пред Филхармонија со концертот на Констракта и „Земља грува“. По ова следуваат настапите на Дина Јашари и бендот „Хајка“, низ чаршијата ќе бидат бендот „Вива стрингс“ и германскиот бенд Diaz Wojtas Duo. Во галериите на КИЦ ќе биде поставена изложбата „Македонија“ од бразилските уметници Даниел Kастинет и Вилсон Нето.Забавата ќе продолжи следниот ден, 17 септември на плоштадот „Мајка Тереза“, паркот Ибни Пајко и неколку локации во чаршијата, а ќе се одржат музички настапи, изложби, театарски претстави, поетски читања.„Љубојна“, Тони Китановски и Черкези, „Бла, бла, бла“, Foolish Green и „Брука бенд“ ќе настапат пред Филхармонија, а во паркот Ибни Пајко ќе се претстават бендовите „Баклава“, Дориан и Добрила, „Перија“. На истата сцена ќе има и поетско читање, ќе биде изведена и детската претстава „Куферко, светскиот патник од Македонија“, а публиката ќе има можност да ја погледне и изложбата на колажи на Игор Калц.

Магазин | пред 3 години

(ВИДЕО) Констракта со нова кореографија на сцената во Тел Авив

Во преполната сала во Тел Авив одличен настап имаше претставничката на Србија, Констракта која на сцена беше сама без придружните вокали.По тој повод Констракта го промени костимот и настапи во црвен фустан кој воодушеви многумина, а во нејзината рака беа неизбежните бели пешкири.Сѐ уште не се знае дали ќе има ваков костим и сценски реквизити на големата сцена на Евровизија во Италија.

Магазин | пред 3 години

Констракта деновиве со подобар пласман во обложувалниците за победник на Евровизија

Ана Ѓуриќ Констракта, српската претставничка на овогодинешната Евровизија, во последните денови го подобри пласманот на обложувалниците и сепак најдобро котира меѓу сите земји учеснички во регионот.Имено, Констракта и нејзината песна „In corpore sano“ се најдоа прво на 16. место, од вкупно 40 земји учеснички на овогодинешната Евровизија во Торино, а потоа паднаа на 19. место и сега повторно се искачија на 16.Хрватска е на 30. место, Црна Гора на 37. позиција, додека последните две места (39. и 40.) ги заземаат Македонија и Словенија.На прво место, со најголеми шанси за победа, како и сите претходни недели, се претставниците на Украина - музичката група „Клауш оркестар“ и песната „Стефанија“, додека на второ место се Италијанците, а на третото Шведска.

Магазин | пред 3 години