КРМЗОВ

Обвинетиот за даночна измама и перење пари, Крмзов: Се руши правниот систем, обвинението е сценарио

Струмичкиот бизнисмен Ристо Крмзов, преку својот адвокат, во воведниот збор пред судот оцени дека обвинението против него претставува „конструкција и сценарио“ кое, како што беше наведено, не се темели на докази, туку на креиран наратив.Одбраната посочи дека со постапката се врши дискредитација на неговата личност и углед граден повеќе од три децении, предупредувајќи дека постои намера неговиот бизнис да биде одземен од трети лица.„Обвинението не се темели на докази, туку на креирано сценарио. Ваквата постапка оди многу подалеку од правната рамка и ја доведува во прашање целокупната правичност“, истакна адвокатот.Одбраната нагласи дека компаниите поврзани со Крмзов уредно ги исполнувале своите обврски кон банките и кредиторите, како и дека деловните односи меѓу субјектите биле вообичаени за пазарната економија.Дополнително, беше посочено дека вештачењата во предметот се, како што беше наведено, неточни и базирани на делумна документација, што ја нарушува доказната постапка. Одбраната укажа и на, според нив, контрадикторности во обвинителниот акт, како и на околности кои упатуваат на можни надворешни влијанија врз процесот.Крмзов, според одбраната, целиот свој имот го има стекнато во земјава, а не во странство, спротивно на наводите на обвинителството. Воедно беше посочено дека во текот на постапката се нанесува значителна штета, вклучително и, како што тврдат, распарчување и продажба на имот по нереално ниски цени.Одбраната побара од судот целосна и независна анализа на доказите, без селективен пристап при нивното изведување.Од друга страна, обвинителката Верица Бежетска Крстева изјави дека одбраната ја одолговлекува постапката, иако имала можност да изврши увид во доказите. Таа посочи дека неспорно е оти правните лица имале реална деловна соработка, но дека тоа не ги исклучува наводите за сторени кривични дела.Според обвинението, Крмзов и уште шест лица се товарат за злосторничко здружување, перење пари и даночна измама, со наводна противправна имотна корист од десетици милиони евра преку фиктивни фактури и злоупотреба на ДДВ системот. Судењето продолжува.

Македонија | пред 1 час

(Видео) Бизнисменот Крмзов во количка на суд: Рочиштето се одржува, дел од обвинението е тежок милионски криминал

Бизнисменот Ристо Крмзов во инвалидска количка се појави на денешното рочиште во Кривичен суд Скопје, при што се пожали на влошена здравствена состојба, но судењето сепак продолжи.Судијата Илија Трпков информираше дека рочиштата ќе се одржуваат, но ќе бидат пократки поради здравствената состојба на обвинетиот, нагласувајќи дека станува збор за притворски предмет.Утрешното рочиште ќе биде одложено бидејќи Крмзов има закажан специјалистички преглед.Според обвинителството, предметот опфаќа седум лица на чело со Крмзов, кои се товарат за злосторничко здружување, перење пари и даночна измама, како и за даночно затајување. Дополнително, три лица – даночни инспектори од Струмица – се обвинети за несовесно работење во службата, а постапката опфаќа и 13 правни лица.Обвинението се однесува на наводна организирана шема започната во 2019 година, во која обвинетите формирале фирми со формални сопственици, со цел да остварат противправна имотна корист преку злоупотреба на системот за поврат на данок на додадена вредност.„За периодот од 2019 до 2024 година, во поднесуваните даночни пријави неосновано било користено правото на влезен ДДВ“, соопшти Обвинителството.Според наводите, обвинетите изготвувале и разменувале фактури со невистинита содржина за наводен промет на недвижности, кои не биле реализирани, со цел да прикажат повисок влезен ДДВ и да побараат поврат од државата.„Со овие дејствија, во даночните пријави бил прикажан повисок влезен ДДВ во вкупен износ од 4.123.102.931 денари (67.000.000 евра), по основ на фиктивни договори за купопродажба на недвижен имот“, соопшти Обвинителството.Како што се наведува, од Управата за јавни приходи бил исплатен незаконски поврат на ДДВ во износ од 1.348.996.831 денари, односно околу 22 милиони евра.„Од Управата за јавни приходи бил исплатен незаконски поврат на ДДВ во износ од 1.348.996.831 денари (22.000.000 евра)“, соопшти Обвинителството.Средствата, според обвинението, биле внесувани во платниот промет и префрлани меѓу правни лица со цел прикривање на нивното потекло.„Дел од средствата биле употребени за купопродажба на имот, враќање кредити кон банки, подигање готовина, како и за плаќање добавувачи на градежни материјали“, соопшти Обвинителството.Дополнително, дел од средствата биле користени за покривање на даночни долгови.„Со износ од 457.785.310 денари (7.500.000 евра) биле покривани даночни долгови на обвинетите и на други правни лица“, соопшти Обвинителството.Во рамки на постапката, предложена е конфискација на имот и средства за кои се смета дека потекнуваат од кривично дело, а дел од нив веќе се замрзнати со привремени мерки.Истовремено, дел од кривичните пријави против осомничени лица биле отфрлени поради недостиг на основано сомнение, додека предметите поврзани со даночните инспектори се доставени до надлежното обвинителство во Струмица.

Настани | пред 2 седмици

„Копаш копаш и нема дно“: Крмзови ги гонат дека испумпале 94 милиони евра од државата

Основното јавно обвинителство за гонење на организиран криминал и корупција во врска со случајот „Крмзов“ води постапка против 23 физички и 15 правни лица, осомничени за злосторничко здружување, даночна измама, перење пари и несовесно работење.Според првичните проценки, штетата изнесува околу 94 милиони евра, а незаконските активности се реализирале преку фиктивни договори, манипулации со ДДВ и продажба на недвижности.Иницијативата за истрагата е од Управата за јавни приходи, а предметот опфаќа период од 2019 до 2024 година.Обвинителката Верица Бержецка Крстева нагласи дека станува збор за голем број поврзани компании.Осомничени се сметководители, управители на правни лица и инспектори на УЈП, а се разгледува можноста истрагата да се прошири со нови лица и временски периоди, објасни обвинителката.Крстева.„Копаш, копаш и нема дно“. Вака државниот јавен обвинител Љупчо Коцевски на брифингот со новинари го објасни еден од најобемните предмети.На Крмзов вчера му беше определен триесет дневен притвор поради опасност од бегство, влијание на сведоци и можност да го повтори делото.

Македонија | пред 10 месеци

Притвор му е одреден на Крмзов, 30 дена треба да помине во Шутка оти судот смета дека може да избега, влијае на доказите или да го повтори делото

Ване Андреев, бранител на бизнисменот Ристо Крмзов, за „Скопје1“ потврди дека на неговиот клиент му е одредена мерка 30-дневен притвор. Тој од Кривичен суд ќе биде спроведен во истражниот затвор „Скопје“ во Шутка. Мерката му е одредена поради опасност од бегство, влијание на сведоци и можност да го повтори делото.„Оваа мерка нема логика, тој и досега беше под мерки, со одземена патна исправа и со јавување во суд. Една година како му се изречени тие мерки. Ги нема прекршено, плус има платено данок, а сега се изрекува притвор“, вели адвокатот на Крмзов во изјава за „Скопје1“Андреев најави жалба до Кривичниот совет.Одделот за сузбивање на организиран и сериозен криминал при МВР, во координација со Финансиска полиција, УЈП и други служби, поднесе кривични пријави против 27 физички лица и 15 правни лица од Струмица, осомничени за злосторничко здружување, перење пари, даночна измама и несовесно работење во служба.Според истрагата, во 2019 година тројца организатори формирале мрежа во која биле вклучени управители, инспектори од УЈП и сметководители. Тие преку фирми под нивна директна или скриена контрола издавале лажни фактури и прикажувале фиктивен промет.Со ваквото работење, пријавените стекнале противправна корист од над 94 милиони евра, на директна штета на државниот буџет.

Македонија | пред 10 месеци

Крмзов го гонат за три кривични дела: МВР поднесе кривична за злоупотреба на 94,3 милиони евра државни пари

Одделот за сузбивање на организиран и сериозен криминал криминал, во соработка со Оддел за криминалистичка полиција, Управата за финансиска полиција и Управа за јавни приходи, до Основното јавно обвинителство за гонење на организиран криминал и корупција поднесе кривична пријава против Р.К.(56) , З.К.В.(30) и В.П.(29), сите од Струмица, поради постоење основи на сомнение за сторени кривични дела „злосторничко здружување“, „перење пари и други приноси од казниво дело“ и „даночна измама“, против Г.Т.(48), Д.М.(60), П.К.(67), В.К.(26), K.С.(41), К.М.(40), Н.Ф.(43), М.К.(48), М.М.(68), Е.Т.(61) и З.М.(59), сите од Струмица, за сторени кривични дела „злосторничко здружување“ и „даночна измама“, против С.П.(58), С.М.(58), Л.К.(52), Л.Б.(37), С.Т.(66), М.П.(60), Ј.Т.(44), А.К.(35) и Ј.Г.(66), сите од Струмица, поради постоење основи на сомнение за сторено кривично дело „несовесно работење во службата“, против 15 правни лица од Струмица за „перење пари и други приноси од казниво дело“ и „даночна измама“.Имено, пријавените Р.К., З.К. и В.П. во текот на 2019 година организирале злосторничко здружување кон кое се приклучиле Г.Т., Д.М., П.К., В.К., K.С., К.М., Н.Ф. - управители на пријавените правни лица, С.П., С.М., Л.К., Л.Б., С.Т., М.П., Ј.Т., Ј.Г. и А.К. - инспектори од УЈП и М.К., М.М., Е.Т., З.М. - овластени сметководители, кое имало за цел остварување на нелегален профит за себе, а на штета на државниот буџет. Заради остварување на оваа цел, организаторите на злосторничкото здружение од 2019 до 2024 година ги користеле и ги имале на располагање правните лица во кои организаторите на здружението во дел од нив биле запишани како основачи и управители, а во дел не, но реално управувале со нив, давале инструкции за постапување, користејќи дел од членовите на здружението како фиктивно запишани основачи или управители.Организаторите на злосторничкото здружение, користејќи ги правните лица кои ги формирале, изготвувале и заверувале фактури со невистинита содржина, внесувале податоци за наводно извршен промет на добра и услуги, за кој пријавените знаеле дека не бил извршен и дека за истиот не биле вршени плаќања на банкарските сметки, сопственост на правните субјекти во што дополнително со свои дејствија им помогнале пријавените сметководители и даночни инспектори од УЈП.Со наведените дејствија пријавените оствариле противправна имотна корист во вкупен износ од 5.801.937.796 денари или 94,3 милиони евра на штета на државниот буџет.

Македонија | пред 10 месеци

Уапсен бизнисменот Крмзов, кого го поврзуваа со Заеви

Рано утринава, полицијата го уапси бизнисменот Ристо Крмзов. Апсењето било по најлог на јавен обвинител, а откако за него беше отворена истрага при која пред неколку месеци беа направени претреси и беше одземена документација. Последните информации од премиерот Христијан Мицкоски, кажани на новинарски брифинг, беа дека Крмзов направил злоупотреби тешки 15 милиони евра, а шемата допира до политичари.Еуростандард банка, ископ на јаглен во РЕК Битола, случајот „Синџир“, шверц на брендирана гардероба, поврат на ДДВ... Ова се дел од случаите со кои изминативе години, медиуми и тогашната опозиција – ВМРО-ДПМНЕ – директно или индиректно го поврзуваа струмичкиот бизнисмен Ристо Крмзов.Од партијата ВМРО-ДПМНЕ обвинуваа дека Крмзов е близок до семејството на поранешниот премиер Зоран Заев, а неговиот хотел „Вила Парк“ во Струмица го нарекуваа „омиленото место на фамилијата Заеви за собирање рекет“.Во емисијата „Код“, Крмзов изјави дека неговите проблеми започнале на самиот крај на минатата 2023 година, кога Управата за јавни приходи започнала да спроведува контроли во негови компании. Меѓутоа, контролите постојано се одложувале и инспекторите не доаѓале во контрола, со цел, според него, државата да има изговор да не ги префрлува парите. Инаку, тогаш директорка на УЈП беше Сања Лукаревска, актуелна пратеничка на СДСМ.„Работам 31 година, овој бизнис го работам од 1993 година. Ова го прават од повеќе причини. Едноставно им сметам и во транспорт и во градежништво и во се. Цела таа акција започна за време на СДСМ, се е на локално ниво. Одредени локални моќници кои мислат дека државата е нивна и можат да прават што сакаат, оркестрираат лажни и инфилтрирани податоци до министри, премиери, служби, за јас да бидам криминалец. Океј, има институции, ќе се провери дали е така или не“, рече тој.

Македонија | пред 10 месеци