КРОКОДИЛ

(Видео) Човек изеден од крокодил, полицаец спуштен во река полна со крокодили за да ги извлече остатоците

Јужноафриканската полиција спроведе несекојдневна и опасна операција за извлекување човечки остатоци од река полна со крокодили, при што еден полицаец беше спуштен од хеликоптер директно во водата. Се сомнева дека остатоците му припаѓаат на бизнисмен кој исчезнал минатата недела откако бил однесен од надојдена река.Потрагата започна откако неговото возило било пронајдено заглавено при обид да премине преку поплавен мост. Кога полицијата пристигнала, автомобилот бил празен, што предизвикало сомнеж дека мажот бил однесен од силната водена струја.Во потрагата беа вклучени дронови и хеликоптери, а на мал остров беа забележани повеќе крокодили. Полицијата процени дека еден од нив неодамна се хранел, бидејќи имал видливо подуен стомак и не реагирал на бучавата околу него.Откако крокодилот беше усмртен, започна сложена акција. Полицаец од специјалната нуркачка единица беше спуштен со јаже од хеликоптер, го обезбеди животното со јаже и потоа заедно беа извлечени од реката.Животното, долго околу 4,5 метри и тешко приближно 500 килограми, беше пренесено во Националниот парк Кругер, каде во неговата утроба беа пронајдени човечки остатоци. Следуваат ДНК анализи за да се утврди дали тие му припаѓаат на исчезнатиот бизнисмен.Освен делови од човечко тело, во стомакот на крокодилот беа пронајдени и шест различни видови обувки, што според експертите не мора да значи дека животното нападнало повеќе луѓе, бидејќи крокодилите често голтаат различни предмети.

Свет | пред 3 седмици

(Видео) Паника меѓу гостите: Крокодил прошета низ хотел и застана до шведската маса

Голем нилски крокодил влегол во еден хотел во Зимбабве во потрага по храна, откако излегол од реката Замбези, изненадувајќи ги гостите и персоналот, пренесува британскиот „Тајмс“.Според сведоци, крокодил долг околу четири метри влегол во хотелот и најпрво се обидел да влезе во кујната, откако затекнал затворен бифе ресторан.Британски турист опишал дека крокодилот се однесувал „како гостин“, движејќи се низ ресторанот, а потоа се сместил на пултот со шведска маса, каде што гостите на хотелот со четири ѕвезди го фотографирале.Животното потоа ја напуштило внатрешноста на објектот и се задржало во надворешниот дел на хотелот. На лице место набрзо пристигнале припадници на организацијата Чувари на паркови и диви животни од Зимбабве, кои успеале безбедно да го совладаат и отстранат крокодилот, по што бил вратен во природното живеалиште.„Нилскиот крокодил дојде од блискиот Замбези и нашите служби безбедно го имобилизираа, го однесоа и го пуштија назад во Замбези. Немаше повредени, ниту материјална штета. Не е невообичаено крокодилите да излезат на суво, особено затоа што овој инцидент се случи во природно подрачје и живеалиште на видот“, изјавил портпаролот на локалните власти Лакмор Сафул.Хотелот објавил видео од крокодилот на Фејсбук со натпис: „Проверуваше зошто доцни собната услуга! Без правила, без повик, без резервација. Ова е Замбези каде дивото значи диво!“Портпаролката на хотелот Прајд Кумбула навела дека во инцидентот нема повредени ниту материјална штета, додавајќи дека не е невообичаено крокодили повремено да се движат надвор од вода, бидејќи хотелот се наоѓа во нивното природно опкружување.„Близината на хотелот до диви животни не е случајна, туку е суштински дел од неговиот идентитет и е сместена во заштитен пејзаж кој го слави соживотот, а не разделеноста“, истакнала Кумбула.Како што навела, хотелот има стручен тим обучен да реагира соодветно и ефикасно во вакви ситуации.

Свет | пред 1 месец