КСЕНИЈА НИКОЛОВА

Системот за лични документи не само што не функционира туку е неверојатно погрешно направен, кревајте на телефон и доста ги малтретирате граѓаните, вели Николова

Писателката Ксенија Николова реагираше на социјалните мрежи за електронскиот систем за закажување термини за промена на пасош, лична карта и возачка дозвола.„Вака сега, збор два околу електронскиот систем за закажување термини за промена на пасош, лична карта и возачка дозвола.На телефон никој не се јавува, нема сигнал, не можеш да добиеш ни за жива глава. Ок, затоа постои електронскиот систем што мене секогаш ми е подобра опција, секако АКО ФУНКЦИОНИРА.Системот не само што не функционира туку е неверојатно погрешно направен, небаре сами побарале да им направат систем кој намерно е создаден за да не им заврши работа на граѓаните.Прво, не можеш да одбереш пакет на документи одеднаш, на пример не можам да одберам дека сакам промена на сите три документи што е секако моменталната потреба на секој од нас. Мораш за секој документ посебно да закажуваш.Второ, треба да ПОГОДУВАШ кој термин е слободен, зашто системот не ти покажува слободни термини во наредниот период, туку едноставно како игра на среќа одбираш датуми, за после да ти излезе едно прозорче дека нема слободни термини во тој ден, во тој час. Па пак одново и така во круг.Трето, кога конечно ќе помислиш дека решението е да одбереш термин во ноември, тогаш ти излегува прозорец дека можеш да закажеш термин само во наредните 60 работни дена.Чекај малце, сериозни сте?Не знам кој ви го правел електронскиот систем, не знам колку пари сте дале за да ви се направи тој систем, ама можам да ви кажам дека системот во ниеден случај не им помага на граѓаните туку напротив, ИМ ОДМАГА!Не знам дали целта е да се одбере брза постапка или да се фаќаат врски, вие си знаете, како и да е СРАМОТА Е!Секогаш сум објективна, секогаш сум трпелива, ама ова е неприфатливо!Апел до вашите служби, КРЕВАЈТЕ НА ТЕЛЕФОН и доста ги малтретирате граѓаните“, вели Николова.

Коментари | пред 2 години

(ВИДЕО) Ксенија Николова се соочи со уште една неуспешна бременост: Ние жените сме најсилни суштества на планетата

Писателката Ксенија Николова објави дека имала биохемиска бременост, односно дека била бремена и за неколку дека се променила состојбата.„Пред десетина дена имав биохемиска бременост, односно бев бремена и за неколку дена се загуби тоа што се нарекуваше бременост. Иако многумина ќе речат дека тоа не било ни бременост, сепак за мене беше важно, посебно кога го добив резултатот со повисоко ниво на ХЦГ. Повисоко и доволно за бременост, се надевавме дека ќе порасне, но за жал се загуби бременоста“, вели Николова.Таа додадва дека во ваква ситуација нема да се јави докторот со стратегија како да го постигнеш тоа што го сакаш и нема кој да дојде и да ти даде надеж и сила.„Во изминатите 10 дена сфатив дека ние жените сме најсилни суштества на планетата Земја. Не сме свесни колку сме силни и колку моќ има во нас за да ги надминеме најтешките ситуации“, искрено раскажува Ксенија.

Магазин | пред 2 години