Кузеска: „Талир“ одземен за спас на криминалниот имот на ВМРО-ДПМНЕ
Портпаролката на СДСМ и членка на Извршниот одбор, Богданка Кузеска, остро реагираше на последните случувања во обвинителството, обвинувајќи дека новиот јавен обвинител Ненад Савески постапува по директни насоки од премиерот Христијан Мицкоски.Според неа, во краток рок се преземени низа одлуки кои, како што вели, укажуваат на политичка контрола врз правосудниот систем.„Новиот јавен обвинител, Ненад Савески, работи целосно под диктат на Христијан Мицкоски и за 24 часа ги има исполнето сите задачи што му ги додели“, изјави Кузеска.Таа посочи дека меѓу клучните потези е и заминувањето на обвинителката Ленче Ристоска, која ја оцени како „независен и признат професионалец“.„Ја елиминираше Ленче Ристовска, која соработуваше и со Еуроџаст и беше принудена да си замине“, рече Кузеска.Дополнително, според СДСМ, Ристоска претходно поднела претставка за политички притисок, која била отфрлена.Кузеска тврди дека од Ристоска ѝ биле одземени предметите „Талир 1“ и „Талир 2“, кои се однесуваат на нелегално финансирање и имот на ВМРО-ДПМНЕ.„Класична операција, по нарачка на Мицкоски за спас на криминалниот имот на ВМРО-ОКГ“, изјави таа.Во своето обраќање, Кузеска посочи и на, како што наведе, низа други одлуки во обвинителството, кои според неа укажуваат на враќање на стари структури и влијанија.„На голема врата се враќаат обвинителите од тефтерчињата на Мијалков“, рече Кузеска, додавајќи дека се прават кадровски решенија со политичка позадина.Таа оцени дека наместо независно правосудство, државата се соочува со партизиран систем под контрола на власта.„Наместо независно, имаме партизирано судство и обвинителство под контрола на Мицкоски и ВМРО-ОКГ. Правдата во Македонија е целосно погребана“, порача Кузеска.Од СДСМ велат дека ваквите состојби директно го загрозуваат владеењето на правото и најавуваат дека ќе продолжат да алармираат за, како што велат, политичкиот притисок врз институциите.
Македонија | пред 9 часа