леонид

Откако добија црвен картон, Владата разговарала за лекувњето на Леонид, министерот Демири ќе понуди решенија за да се платат трошоците

Министерот за здравство д-р Илир Демири информира дека на денешната владина седница беше разгледан случајот на Леонид Индов и исто така беа образложени досегашните процедури што се водат пред надлежните институции, а се однесуваат на рехабилитацијата на Индов, што се одвива во моментов.„Донесовме одлука да разговарам со семејството и да ги запознаам со можните решенија за подмирување на досегашните трошоци за рехабилитација на Леонид Индов, по што ќе ја информирам Владата за конкретното изнајдено решение“, истакнува Демири.Ова доаѓа откако Владата беше критикувана од јавноста, а граѓаните собираа пари за лекувањето на Леонид. Се започна со одлуката на Фондот за здравствено осигурување да не го плати лекувањето на момчето во Виена. Претходно, Талат Џафери кажа дека не може Владата да менува закони и подзаконски акти за да се излезе во пресрет на поединечни случаи како што е случајот на Леонид.

Македонија | пред 1 година

Никаква реакција од ФЗОМ за Леонид, но случајот донесе иницијатива за измена на старите закони кои се пречка за лекување на државна сметка

Заменик-народнот правобранител, Јован Андоновски очекува второстепената комисија при Фонодот за здравствено осигурување да ја преиспита и измени одлуката со која беше одлучено Леонид Индов да не добие средства за лекување во Виена.„Немаме никаква реакција од Фондот за здравствено осигурување. Со иницијативата предвидуваме измена на законот и подзаконските акти, особено подзаконските акти на Фондот за здравствено осигурување кои се стари и антидатирани. Измените се за да се цени секој случај индивидуално, оти не може да се категоризираат предметите само според тоа дали станува збор за лекување или рехабилитација, особено во случаи кога станува збор за живото-загрозувачка состојба на пациентите“, рече заменик-народнот правобранител, Јован Андоновски.Тој посочува дека не станува збор само за случајот со Леонид Индов или Јани Иванов од Неготино, туку дузина случаи каде Фондот не овозможува соодветен третман.„Нивната состојба или останува иста или се влошува“, посочува Андоновски за случаите.

Македонија | пред 1 година

Фондот за здравствено осигурување да даде отчет за сите одлуки од последните неколку години за што и кому се дадени пари за лекување во странство, бара Андоновски

Случајот со Леонид Индов кој не доби 140.000 евра за лекување во Виена, покрена низа други прашања во јавност - па сега се бара Фондот за здравствено осигурување да даде и други одговори. Заменик-народниот правобранител, Јован Андоновски, очекува отчет од ФЗОМ за тоа на кому и по колку пари му се дадени за лекување во странство.„Би било добро во интерес на доброто владеење и транспарентноста, Фондот за здравствено осигурување да даде отчет за сите одлуки од последните неколку години за што и кому се дадени пари за лекување во странство. Секако, добро е да знаеме по кои критериуми се доделени средствата и каде се упатуваат лицата на лекување. Да ги охрабриме медиумите да се позанимаваат со овие прашања“, вели Андоновски.Засега, Фондот не планира да ја ревидира одлуката со која го остави Индов без пари за лекување и рехабилитација. Граѓаните, секојдневно донираат, организираат настани, прават акции за собирање на средствата. Ова не е единствен случај и изминатите денови имаше лавина реакции

Коментари | пред 1 година

Таму каде државата е нефункционална, тука сме ние - граѓаните, објави Муцунски и апелира да се донира за Леонид

Градоначалникот на Општина Аеродром, Тимчо Муцунски, на својот Фејсбук профил објави апел до граѓаните и ги повика да дадат свој придонес во лекувањето на Леонид Индов, кој во моментов се наоѓа во Виена, Австрија.Муцунски на својот Фејсбук профил напиша дека Општина Аеродром, граѓаните, локалните институции, училиштата и детските градинки, во изминатиот период покажаа високо ниво на емпатија и солидарност, додавајќи дека и во наредниот период ќе се организираат настани од хуманитарен карактер за поддршка на Леонид.„Таму каде државата е нефункционална, тука сме ние - општината и граѓаните! На моја иницијатива, во текот на следната недела ќе се организираат хуманитарни настани во училиштата и детските градинки, на кои дечињата и родителите ќе можат да дадат свој придонес и поддршка за лекувањето на Леонид. Апелирам до сите граѓани да ја дадат својата поддршка со повик на еден од телефонските броеви 143118 за Телеком и 143500 за А1, или пак банкарската жиро сметка - 210-7000006805-91.“, истакна Муцунски.

Македонија | пред 1 година

„Клиника кажала дека Леонид не може да се лекува, ФЗО тврди дека може - конзилијарно има“, Андоновски ја обвини Манолева дека лаже

Здравствените власти го отворија прашањето дали Леонид Индов има конзилијарно мислење за да му се одобрат пари за лекување, а заменик-правобранителот Јован Андоновски тврди дека го поседува и од него се гледа дека Клиниката кажала дека нема услови за негово лекување. Изјавата на заменик-министерката за здравство Маја Манолева која кажа дека не е побарано мислење од соодветна институција, според Андоновски е лага.„Таткото на Леонид Индов се има обратено во писмена форма до Клиника со барање мислење дали и каде може да се лекува Леонид во Македонија. Лично кај мене во канцеларија го спремавме дописот! Одговорот на Клиниката е преточен во конзилијарно мислење дека кај нас нема услови за лекување или рехабилитација. Заменик министерката Манолева не ја говори вистината‼️ ФЗО - во решението тврди дека може Леонид да се лекува кај нас, НО, раководството на ФЗО не знае точно каде. Не е лошо пред да излезете пред јавноста добро да ги проверите фактите и да се координирате во изјавите“, напиша заменик-правобранителот Јован Андоновски.Иако семејството на 18-годишниот Леонид Индов покажа конзилијарно мислење во кое стои дека во земјава се исцрпени сите можности за негово лекување, денес заменик – министерката за здравство Маја Манолева вели дека родителите воопшто не побарале никакво мислење од соодветна институција за можноста лекувањето или рехабилитацијата да се завршат кај нас.„За детето за кое и вчера и денес се дискутира, родителите воопшто немаат побарано никакво мислење од соодветна институција за можноста или неможноста за завршување на лекувањето односно за рехабилитација на тоа дете во нашите установи“, кажа меѓудругото Манолева.

Коментари | пред 1 година

Леонид ја здрма државата: Но наместо да се најдат средства, се префрла одговорноста - криви се законите и документацијата

Три дена Фондот за здравствено осигурување се правда пред јавноста, зошто Леонид Индов кој бараше 140.000 евра за лекувањево Виена - не ги доби. За истото време, граѓаните организираат хуманитарни акции, донираат на сметките и телефоните, бидејќи семејството на Леонид мора да го плати третманот. Во ФЗОМ се организираше и брифинг, во четири ѕида и без камери, каде меѓудругото, беше кажано: „Леонид Индов не е во животозагрозувачка состојба, а ако бил, Фондот за здравство ќе му дал помош во рок од 24 часа“. Додека во ФЗОМ велат дека тие не се виновни, туку процедурите, техничкиот премиер Талат Џафери не сака да чуе за измени на закони и правилници.Магдалена Филиповска-Грашкоска, директорка на ФЗОМ кажа дека не дозволиле со државни пари да се плати лекувањето на Леонид, врз база на непотполна документација. Проблем гледа и во конзилијарното мислење, каде што, тврди дека не била наведена интервенцијата на која бил упатен Леонид. Таа повтори: „Во Македонија ги има сите улсови за третирање на болеста на Леонид како во Австрија“, но не објасни во која клиника.„Актуелниот закон за здравствено осигурување не дозволува промена на правилниците, дури и ако управниот одбор ги изгласа промените и за тоа добие согласност и од Министерството за здравство, тоа нема да биде возможно бидејќи треба да се смени Законот за здравствено осигурување“, рече Филиповска-Грашкоска, директорка на ФЗОМ.Истовремено, Џафери одговарајќи на новинарско прашање за случајот на Леонид, рече дека не може да се менуваат закони поради одредени случаи.„Законите се општи правила што треба да важат и што ја даваат можноста консензуално да се процени и оцени кој пациент каде треба да оди во странство, доколку нема предуслови лекувањето да се третира во земјава“, рече Џафери.За истото ова време, лидерот на ВМРО-ДПМНЕ, Христија Мицкоски ги повика хуманите граѓани да донираат и изрази револт што детето е оставено без средства од страна на државата. Град Скопје започна хуманитарна акција. Инфлуенсери, меѓу кои Миа Костова започна кампања на социјалната мрежа „Инстаграм“. Семејството гледа надеж во народот, откако државата ги остави на цедило.

Македонија | пред 1 година

Нема фотографија

Семејството на Леонид згрозено од ФЗОМ: Го лечевте со дијазапам да спие, нѐ оставивте на милост и немилост, преиспитајте ја одлуката!

Семејството на Леонид Индов кој беше првиот пациент однесен со медицинскиот хеликоптер на лекување во Виена е згрозено од ставовите на ФЗОМ кои одбија да платат за третманот, со образложение, како што велат Индови, можел да се лекува во Македонија. Семејството прашува колку компетентни тие кои ја потпишале одлуката Леонид да не добие пари. Сега, во тек е собирањето на донации.„Се прашувам зошто го однесовте во Виена кога можело да го однесете во државна болница таму како велите сте имале усови да го третирате и лечите... Да ве потсетам немате соодветни душеци, Леонид еден месец како го легнавте не го станавте, хигиената ви е на "завидно ниво", "персоналот обучен за вакви пациенти", психолог немавте да најдете цел месец да го посети Лео, психички го "утепавте", му направивте такви рани од кои една ќе треба година да се залечи... Сакате уште да ве потсетам... Што се однедува за лекувањето во Виена.. ЛЕКУВАЊЕ.. ИМА ИЗВЕШТАЈ доколку не знаете да прочитате ќе ви понудам стручен превод...Сакам да знам колку се компетентни овие луѓе што ја потпишале одлуката, да ве прашам каде бевте три недели додека ѕвоневме во нашата Амбасада во Грција и Конзулатот? На милост и немилост нѐ оставивте сами на себе, со здравствено осигурување и патничко осигурување, ваш државјанин.. Дали три дека со затната трахистома (единствен извор на животот на Леонче, вие го лечевте со дијазапам да спие бидејќи сте мислеле дека е паника дур се гушел... Ало Министерство за здравство, Влада, дај преиспитајте ја целата ситуација што се случува. Кој може да ни помогне, медински, јавни личности, Ве молиме контактирајте“, велат од семејството.За момчето се потребни 140.000 евра за лекувањето.Телефонски броеви за донација:Т-МОБИЛЕ 143-118А1 143 500

Коментари | пред 1 година