ЛЕОНИД ИНДОВ

Младиот Леонид Индов транспортиран со хеликоптер од Виена во Скопје

Во текот на вчерашниот ден, доцна попладне, (на 28 јули 2024 година) беше реализиран транспорт со хеликоптер на младиот Леонид Индов, кој беше на лекување во Виена, Австрија, а за кого на 10 јули 2024 година од неговиот татко беше упатено барањето до Центарот за управување со кризи, за воздухопловен транспорт.Во хеликоптерот на МВР се става специфична медицинска опрема согласно можностите, а и медицински персонал, за транспорт на болни и повредени.Во координација помеѓу Министерството за внатрешни работи и Министерството за здравство на барањето беше позитивно одговорено и вчера се изврши реализација на транспортот со хеликоптер опремен со соодветни медицинска опрема и персонал, од Виена, Австрија до Скопје, Република Северна Македонија.Инаку, ова е прв ваков воздухопловен транспорт во нашата држава, на лице заболено од параплегија (со неможност за движење на екстремитетите, а дише со помош на подвижен респиратор и кој е поврзан со катетер).Транспортот со хеликоптер, се остварува согласно договорот за соработка и транспорт на болни лица помеѓу Министерството за внатрешни работи и Министерството за здравство, на 6 февруари 2024 година од Скопје, за транспорт на конкретното болно лице, Леонид, до клиниката во Виена, Австрија на лекување.

Македонија | пред 1 година

Нема фотографија

Лео е борец и не се откажува, Златната Бубамара на ДНК во рацете на младиот Индов

Младиот Леонид Индов, кој е на лекување ја доби Златната Бубамара на групата ДНК.Претходно, ДНК открија дека Лео ги добил и собраните средства.Со желба за побрзо оздравување и целосно закрепнување, „Бубамарата“ која дуото „ДНК“ ја продаде со цел да собере пари за негово лекување најпосле стигна во рацете на младиот Лео.,,Лео конечно си ја доби Бубамарата од дуото DNK. Лео многу ве поздрави и ни кажа дека благодарение на сите вас добри и хумани луѓе, здравјето му оди на подобро, и дека нема намера да се откаже”, пишува во објавата на Фејсбук.Годинава, ДНК и Врчак освоија Златна Бубамара за „Хит на годината“, а исто како и лани, ја ставија статуетката на лицитација.Леонид со полициски хеликоптер на МВР беше однесен на лекување во Виена, но излезе дека пари од ФОНДОТ за лекување не можат да се одвојат. Ова беше сигнал за мобилизација на граѓаните да се донираат средства за лекување на Лео кој има тешки повреди на рбетот добиени минатото лето во Грција.Инаку Леонид со неговиот другар Матеј Крстески и освоија прво место на меѓународниот натпревар „НАСА спејс апс челинџ“. Тие го анализирале и проучувале движењето на Меѓународната вселенска станица.

Македонија | пред 1 година

Државата крена раце, народот не: Дали ФЗО манипулира со случајот на Леонид Индов?

Одлуката на ФЗО во име на државата да одбие да плати за лекувањто на Леонид Индов во Виена, донесе нетрпение кај граѓаните, кои го осудија ваквиот чекор. Заменик-народниот правобранител, Јован Андновски, прашува: „Дали ФЗО манипулира со случајот на Леонид Индов?“„Во мислењето на лекарскиот конзилиум е наведено: да се овозможи болничко лекување (не рехабилитација), лицето се упатува на лекување во странство."Во нашата установа, поради недостаток на искуство за третман на оваа состојба и недостаток на технички можности ова лекување не може да се овозможи"‼️Како тоа ФЗО тврди дека лекувањето може да се спроведе во државата? Во која установа? Одговорите на овие прашања ФЗО ги должи не само на Леонид и неговото семејство, туку и на целокупната јавност“, вели Андоновски.Медицинскиот техничар Денис Јанкуловски-Космонаутко исто така излезе со став.„Ако Леонид и претходни и наредни не исполнуваат услови во ФЗО, тогаш не е до нив. До условите е. Сменете ги и прилагодете ги во интерес на пациентите“, вели Јанкуловски.И критичарот Божидар Божиновски со свој став.„Помош од фондот не е така бомбастична глетка како прв испратен пациент со медицински хеликоптер. А денес Фондот за здравствено одби да му помогне на Леонид, со образложение дека може да се лекува и тука. Само се наметнува прашањето дали детето било искористено за партиски промоции и собирање поени кога било пуштено да се лекува во Австрија. Ако можел да се лекува тука, како што тврди Фондот, тогаш зошто воопшто целата таа претстава со хеликоптерот. Ако не може да се лекува тука, зошто Фондот не помага? Парите на овој или оној начин ќе се соберат. Останува само горчлив вкус дека се користат болни деца за промоција, дека се фрлаат пари за местени тендери, хонорарци, вработувања додека за оние кои им е најпотребно - нема“, напиша Божидар Божиновски.„Леонид не е прв, а за жал ниту последен кого државата го остава на цедило кога животот му виси на конец. Само тогаш се следат и почитуваат процедури, се наоѓаат замерки и забелешки. Да беше сеа некое милионско тендерче, експресно ќе ја наредевте работата. Значи: народот може и да умира, ама ние да сме со полни џебови. Одличен слоган за во кампања“, стои во друга реакција.Претходно, се огласи и семејството на Леонид.

Коментари | пред 1 година