Колку чинат лежалките во Грција? Во Торони цените одат и до 50 евра
Цените на лежалките во Грција и ова лето се меѓу главните теми меѓу туристите, а посебно внимание привлекува понудата во Торони на Ситонија, едно од омилените летувалишта на Балканците.Според информации споделени од туристи на социјалните мрежи и објавени од туристичкиот портал „Никана“, цените значително варираат, па еден ден поминат на плажа може да чини од 10 до дури 50 евра.Во еден бар, сет лежалки со чадор се изнајмува за 10 евра, но пијалаците се плаќаат дополнително. Во соседен локал, пак, користењето на лежалките е условено со минимална потрошувачка од 50 евра за храна и пијалаци.Некои објекти ги формираат цените според близината до морето. Така, лежалките во првиот ред чинат 16 евра, а во останатите редови 14 евра, при што во цената се вклучени и два пијалаци.За поексклузивна понуда, одредени ресторани покрај плажа бараат минимална потрошувачка од 20 евра во текот на јуни, додека во јули и август таа се зголемува на 30 евра.Според коментарите на туристите, најголемиот дел од цените се оценети како прифатливи, со исклучок на најскапите опции. „Ова не го очекував, освен тие од 50 евра, останатото не е лошо“, напишал еден корисник, додека друг се пошегувал: „А ние што си носиме свои лежалки, колку плаќаме?“
Магазин | пред 2 часа
