ЛИБАН

Нема фотографија

Израелските сили извршија десетици воздушни напади врз јужен Либан

Израелските одбранбени сили (ИД) објавија дека рано утринава извршиле десетици воздушни напади во јужен Либан.ИД врши „широки“ напади врз цели на Хезболах во јужен Либан, пишува „Тајмс оф Израел“.Последниот бран воздушни напади следеше по напнатиот ден во кој Хезболах истрела повеќе од сто ракети во северен Израел, од кои некои паднаа во близина на градот Хаифа.Израел одговори со изведување на стотици воздушни напади врз цели на Хезболах.

Свет | пред 1 година

Откриено како експлодирале воки-токи во Либан

Либански извори откриваат дека батериите во бомбите воки-токи биле врзани со високо експлозивно соединение кое е речиси невозможно да се открие.Воки-токи батериите што ги користеше либанската вооружена група Хезболах, кои експлодираа оваа недела, беа обложени со високо експлозивно соединение познато како PETN, изјави за Ројтерс либански извор запознаен со компонентите на уредот.Начинот на кој експлозивот бил интегриран во батеријата бил таков што било речиси невозможно да се открие, вели изворот.PETN (пентаеритритол тетранитрат) е широко користен хемиски експлозив кој има многу сличности со нитроглицеринот.Се користи во воени операции во форма на оружје како пластичен експлозив „семтек“.Супстанцијата има две главни својства што ја прават многу привлечна опција за воена и индустриска употреба.Прво, PETN може да се пофали со исклучително висока брзина на детонација која може да ги активира шрапнелите содржани во муницијата со брзина од околу 8.000 метри во секунда.Таквата сила значи дека експлозивите PETN можат да создадат ефект на разбивање, кршејќи ги нивните цели и исто така предизвикувајќи моќен потресен ефект.Второ, тоа е релативно стабилна супстанција и многу сигурна. Кога правилно се складира, може да се користи во сите услови.Во серија експлозии на комуникациски уреди, вклучувајќи пејџери и воки-токи, во вторникот и средата во Либан, загинаа најмалку 37 лица, меѓу кои две деца, а околу 3.200 беа ранети.

Свет | пред 1 година

(Вознемирувачки видеа) Масовни експлозии на пејџери во Либан, илјадници ранети - прстот вперен во Израел

Најмалку девет лица загинаа во експлозиите кои се случија вчера во Либан кога пејџери што припаѓаат на членови на групата поддржана од Иран експлодирале речиси истовремено, што откри масивен безбедносен пробив и ја покажа големината на израелското разузнавање. Речиси 3.000 беа повредени - вклучувајќи и бројни борци на Хезболах и иранскиот амбасадор во Бејрут.Хезболах вети дека ќе одговори на вчерашниот израелски напад.Си-ен-ен дознава дека експлозиите биле резултат на заедничка операција помеѓу израелската разузнавачка служба Мосад и израелската војска. Иако израелската војска изјави дека нема да коментира за експлозиите, и Либан и Хезболах го обвинија Израел за нападот. Иран, исто така, обвини, нарекувајќи го „израелски тероризам“.Шпекулациите се зголемуваат околу тоа како нискотехнолошките безжични комуникациски уреди може да биле искористени. „Њујорк тајмс“ вчера објави дека Израел сокрил експлозиви во серија пејџери нарачани од тајванскиот производител „Голд Аполон“ и наменети за Хезболах. Додаден бил прекинувач за нивно далечинско детонирање, се наведува во медиумскиот извештај.Основачот и претседателот на „Голд Аполон“ изјави денеска пред новинарите дека пејџерите користени во нападот биле направени од европски дистрибутер. Су Чинг-куанг рече дека неговата фирма потпишала договор со дистрибутерот за користење на брендот „Голд Аполон“.

Свет | пред 1 година

Се огласи тајванска компанија по израелскиот напад во Либан: Пејџерите не ги направивме ние, тие се произведени во Европа

Тајванската компанија Gold Apollo не ги направи пејџерите што експлодираа вчера во Либан, при што загинаа најмалку девет лица, изјави за новинарите основачот на компанијата Хсу Чинг-Куанг.Најмалку девет лица загинаа, а речиси 3.000 се повредени кога пејџерите користени од членовите на Хезболах експлодираа истовремено низ Либан.Сликите на уништените пејџери, анализирани од Ројтерс, покажуваат формат и налепници на задната страна кои се во согласност со пејџерите направени од Gold Apollo.Хсу рече дека пејџерите користени во експлозијата биле направени од компанија во Европа која имала право да го користи заштитниот знак на тајванската фирма.Либанското Министерство за надворешни работи ги опиша експлозиите како „опасна и намерна израелска ескалација“, за која рече дека е „придружена со израелски закани за продолжување на војната во Либан во големи размери“.Бранот експлозии траеше околу еден час по првите детонации. Неименуван функционер на Хезболах рече дека детонирањето на пејџерот е „најголемото безбедносно нарушување“ со кое се соочи либанската милитантна група во речиси една година војна со Израел.

Свет | пред 1 година

(Видео) „Њујорк тајмс“ ги открива деталите за израелската операција во Либан: Кобната порака пристигнала во 15:30 часот, експлозивот веќе бил подготвен

Израел изврши операција за експлозија на пејџер во вторникот криејќи експлозивен материјал во нова серија пејџери произведени од Тајван, увезени во Либан, ексклузивно објави Њујорк Тајмс, цитирајќи американски и други официјални лица информирани за операцијата.Имено, како што тврдат, Хезболах ги нарачал пејџерите од компанијата Голд Аполо во Тајван, а со нив биле изманипулирани пред да пристигнат во Либан. Повеќето од пејџерите беа моделот AP924, иако во испораката биле вклучени и три други модели на Gold Apollo.Во секој пејџер покрај батеријата бил вграден експлозивен материјал, пишува Њујорк Тајмс повикувајќи се на извори. Поставен е и прекинувач кој се активирал далечински за да го активира експлозивот.Во 15 часот и 30 минути, по локално време во Либан, корисниците на пејџер добиле порака која се чини дека доаѓа од лидерите на Хезболах, објави Њујорк Тајмс. Наместо тоа, пораката го активира експлозивот. Во тој момент загинаа најмалку девет лица, а повеќе од 2.800 беа повредени.Според Њујорк Тајмс, уредите биле програмирани да звучат неколку секунди пред да експлодираат.Хезболах, потсетуваме, веќе го обвини Израел за организирање на нападот, но опиша само ограничени детали од неговото разбирање за операцијата. Израел не го коментираше нападот, ниту пак рече дека стои зад него.Американските и другите официјални лица разговараа со Њујорк Тајмс под услов да останат анонимни поради чувствителната природа на операцијата.Независни експерти за сајбер безбедност кои ги проучувале снимките од нападот велат дека е јасно дека само специфичен тип на експлозивен материјал можел да ја предизвика големината и брзината на експлозијата.„Алармите веројатно се изменети за да предизвикаат ваков вид експлозија, тоа не беше само прегреана батерија“, изјави за Њујорк Тајмс Мико Хипонен, софтверски експерт и советник за сајбер криминал во Европол.Керен Елазари, израелски аналитичар за сајбер безбедност за Њујорк Тајмс, коментира дека Израел го погодил Хезболах онаму каде што е најранлив.Имено, на почетокот на оваа година, лидерот на Хезболах, Хасан Насрала строго ја ограничи употребата на мобилни телефони, кои ги сметаше за сè поранливи на израелскиот надзор.„Овој напад ги погоди во Ахиловата пета бидејќи ги уништија нивните централни средства за комуникација“, рече Керен Елазари.Во овој момент, заклучува Њујорк Тајмс, останува нејасно кога точно биле нарачани пејџерите и кога пристигнале во Либан.

Свет | пред 1 година

Во последниот час од Либан кон Галилеја истрелани околу 65 ракети

Израелската војска соопшти дека во изминатиот час биле истрелани околу 65 ракети од правец на Либан кон Галилеја, а милитантната група Хезболах ја презеде одговорноста за нападот, тврдејќи дека мета биле позициите на израелската војска.Во соопштението на ИД се додава дека некои ракети биле пресретнати, додека други погодиле отворени области.Неколку ракети го погодија северниот израелски град Кирјат Шмона, при што е оштетена најмалку една куќа, соопштија локалните власти.Противпожарните единици гаснат пожари во згради и на отворен простор во Кирјат Шмона, пишува The Times of Israel.Полицијата соопшти дека нема повредени.

Свет | пред 1 година

Нема фотографија

Израелската војска синоќа го нападна југот на Либан: Бомбардирана зградата која ја користел Хезболах

Израелски воени авиони во текот на ноќта ги нападнаа позициите на Хезболах во јужен Либан, соопшти израелската војска.Целите вклучувале зграда што ја користела терористичката група во Аитарун и инфраструктура во Блида, Јарун и Тир Харфа, се вели во соопштението на армијата, објави Тајмс оф Израел.Израелската војска, исто така, со артилерија ги гранатирала областите во близина на Лабуне и Шихине за да ги „отстранат заканите“, се вели во соопштението.

Свет | пред 1 година

Нема фотографија

Сирени ѕвонат во Израел: Нов напад од север

Најмалку 10 ракети денеска беа истрелани од Либан кон северен Израел, соопшти израелската армија (ИД).Нема извештаи за повредени или материјална штета.Израелската армија, која го обвини Хезболах за нападот, рече дека нејзините војници ги гранатираат местата за лансирање со артилерија.Сирените за воздушен напад се огласија претходно во неколку населени места во близина на границата со Либан.

Свет | пред 1 година

Нема фотографија

Израел го нападна јужен Либан: Најмалку седум мртви

Најмалку седум лица загинаа денеска во израелски воздушен напад врз градот Набатиех, во јужен Либан, изјавија безбедносни извори за Ројтерс.Се претпоставува дека цел на нападот биле засолништата на исламистите во селото Хебарије, пренесува Ројтерс.Во вторникот, тројца милитанти на Хезболах беа убиени во израелски воздушен напад во близина на два града во североисточниот дел на Либан, објави групата на платформата Телеграм.Израел го потврди нападот.

Свет | пред 1 година