ЛИДЛ

На кои локации во Македонија „Лидл“ ќе отвори продавници

Српскиот медиум Б92, пишува дека неофицијално, Лидл ќе ги отвори првите продавници во близина на соседите во 2026 година.„Малопродажниот синџир Лидл, дел од германската групација Шварц, се подготвува да започне со работа во Македонија. Неофицијално се споменува 2026 година кога македонските клиенти ќе можат да пазаруваат во продавниците на Лидл. Покрај купувањето земјиште за изградба на продавници, на огласите за вработување постојано се бараат лица кои би се вработиле во планираниот логистички центар, најверојатно во Куманово и во продавниците што би се отвориле во повеќе градови низ државата. Деновиве беше најавено дека во Битола ќе започне изградбата на првата продавница на Лидл. Дури беше објавен датумот (3 август) на почетокот на работата на една од двете купени парцели во Битола“.Според информациите на кои е повикуваат, маркетот Лидл ќе биде лоциран кај кружниот тек „Дулие“, на местото на старата млекарница, под Еврејските гробишта. Според истиот извор, градежните екипи деновиве го исчистиле просторот што бил ограден и поставиле градежна табла на која пишува дека објектот ќе се гради за една година, до 3 август 2024 година.„European Supermarket Magazine (ESM), со седиште во ирската престолнина Даблин, неодамна објави дека Лидл ќе отвори продавница во туристичкиот центар на Охрид, во близина на новата автобуска станица. Од Лидл во Македонија не сакаа да ја потврдат или демантираат оваа информација. Велат, кога ќе имаат што да споделат со јавноста, тоа ќе се направи. Во меѓувреме се објавуваат огласи за вработување лица за работа. Како што може да се види од огласите објавени деновиве, се нудат плати од 20.922 денари за административни занимања, 39.113 денари за координатори на проекти до 45.517 денари за ИТ поддршка и ИТ експерти. Според неофицијални информации, тие веќе вработиле кадар на клучни позиции, а обуката за нововработените главно се спроведува во продавниците на Лидл во Бугарија, а на некои локации во Хрватска и Германија“ пишува Б92.

Македонија | пред 2 години

ЛИДЛ е заинтересиран да инвестира во Кисела Вода, тврди Ѓорѓиевски

„ЛИДЛ е заинтересиран да инвестира во Кисела Вода! Денес имавме прилично конструктивна средба со претставниците на „Лидл“ од претставништвата во Бугарија и Македонија, кои пројавија интерес за инвестирање во општина Кисела Вода“, Орце Ѓорѓиевски.Тој додава:„Подискутиравме околу достапните локации на кои би можеле да се отворат маркети, но и регионален дистрибутивен центар на германскиот гигант кој е присутен секаде во нашето соседство, освен во Македонија.На овој работен состанок им ги презентиравме погодностите кои општина Кисела Вода ги нуди, како средина која има добра местоположба и развој кој одговара на потребите на оваа компанија.Задоволен сум што потенцијалните инвеститори ја препознале новата енергија со која функционира оваа локална самоуправа и ги согледале актуелните перспективи, инвестициските можности и новите проекти кои ги спроведуваме во различни области со цел унапредување на општината.Конкретно, инвестицијата би вредела неколку милиони евра и би значела вработување на огромен број лица.Вреди да го споменам и фактот дека вработените би имале плати кои се околу или над просечните во Македонија“.

Скопје | пред 3 години