МАГАЗИН

(Видео) Струмичанка направи спектакл на „The Voice“, освојувајќи ја германската публика!

Младата струмичанка Тина Русева го освои жирито на едно од најпопуларните светски шоуа „The Voice“, но и германската јавност. Ова доаѓа по нејзиниот моќен настап, изведувајќи го хитот "Do It Like A Dude" на Џеси Џеј. Најдобрата изведба на песна од Џеси Џеј која сме ја слушнале. Фантастичен настап. Честитки за девојката од Македонија“… се само дел од коментарите кои ги објавуваат гледачи на шоуто од сите страни на светот, на музичкиот канал Јутјуб, каде е објавен настапот на Тина.

Магазин | пред 1 месец

Почина познатиот актер, ѕвездата од серијата „Days of our Lives“, Дрејк Хоџштајн

Актерот Дрејк Хоџштајн, познат по улогата на Џон Блек во популарната сапуница „Денови на нашите животи“, почина на 70-годишна возраст, само еден ден пред својот 71-ви роденден.Веста за неговата смрт ги потресе обожавателите ширум светот, особено љубителите на серијата во која со децении ја толкуваше една од најомилените улоги.„Со тешко срце објавуваме дека почина Дрејк Хоџштајн. Му беше дијагностициран рак на панкреасот, но се соочи со предизвикот со неверојатна сила и решителност. По неверојатна борба, тој почина мирно, опкружен со своите најблиски“, стои во соопштението објавено на официјалната страница „Х“ на серијата.Хоџестин беше исклучително сакан поради кариерата, но и поради улогата на посветен сопруг и татко.Неговата битка со тешката болест заврши мирно, а серијата и обожавателите ја изразија својата длабока тага поради загубата на еден од нивните најомилени ликови.

Свет | пред 1 година

Првиот македонски долгометражен анимиран филм ќе има светска премиера на еден од најголемите фестивали за фантастика во светот

„Јон Вардар против галаксијата” - првиот долгометражен анимиран филм во историјата на Македонија, влезе во соѕвездието на најдобрите фантастични филмски остварувања на светот.Филмот во режија на Гоце Цветановски и во продукција на Алан Кастиљо од „Линкс студио” ќе ја има својата светска премиера во Шпанија, на 57-мото издание на „Ситџес фантастик филм фестивал” - еден од најстарите и најзначајни жанровски фестивали во светот, којшто могумина го нарекуваат „Кан за фантастични филмови“.„Јон Вардар против Галаксијата” отвора ново поглавје во историјата на македонската кинематографија, а е селектиран во фамилијарната секција на фестивалот. Ќе има две прикажувања во ударни термини во петок и сабота, на 5 и 11 октомври.„Бидејќи жанрот не познава возраст, фестивалот во Ситџес повторно ќе ги прикаже моментално најфасцинантните фамилијарни проекти од светот. Меѓу селектираните филмови годинава го откривме ‘Јон Вардар против Галаксијата’ на Гоце Цветановски, првиот анимиран филм во историјата на Северна Македонија“, објавија организаторите на фестивалот.Режисерот Цветановски изјави дека да се биде избран меѓу најдобрите фантастични филмови наменети за семејната публика на глобално ниво е голема чест.„Огромен успех е што светската премиера на Јон Вардар ќе се одржи на престижен фестивал од овој калибар, и очекувам да продолжи со уште многу други успешни прикажувања низ целиот свет. Филмот е селектиран на уште еден голем филмски фестивал што ќе се одржи годинава, а деталите ќе бидат споделени наскоро“, објави режисерот Гоце Цветановски.„Јон Вардар против галаксијата” ќе ве однесе меѓу планетите заедно со еден смотан човек, еден нарцисоиден робот и многу, многу, мнооооогу вонземјани кои ќе бидат на мисија да ја спасат Галаксијата од самите себеси!Арт директор е Михајло Димитриевски - Тхе Мичо, а директор на анимација е Димитар Ѓоргиев. Продуценти на филмот се Алан Кастиљо, Ева Конрад, Браќа Калинови и Ладо Скорин. Во главните улоги настапуваат Жарко Димовски, Дамјан Цветановски и Емилија Мицевска.Анимираниот филм е изработен со поддршка од Агенцијата за филм на Северна Македонија, а има копродукции во Унгарија, Бугарија и Хрватска.Цветановски е дел и од тимот кој го почна проектот „Сказните на Биби“, режирајќи повеќе епизоди.Тој е режисер и на крими-трилерот „Бизнисот на задоволството” којшто во моментов се прикажува низ кино-салите во Македонија и наидува на одличен прием од страна на публиката и на критиката. Досега со своите филмови, Цветановски ја претставувал Македонија на стотина фестивали низ светот, а „Бизнисот на задоволството” се закити со десет меѓународни награди.

Магазин | пред 1 година

(Видео) Почината девојка на која и се исполни желбата да ја запознае Тејлор Свифт: Нејзиниот татко објави потресна порака

Девојката која го создаде еден од најзабележителните моменти од австралиската турнеја на популарната пејачка Тејлор Свифт, почина само неколку недели по средбата со познатата ѕвезда.Деветгодишното девојче Скарлет Оливер имала рак на мозокот.Нејзиниот татко Пол ја објави тажната вест преку Инстаграм:„Мојот ангел, толку силен, храбар и убав. Ништо никогаш нема да биде исто. Не ме заборавај и те молам најди начин да ме известиш дека си добро. Добра ноќ душо, те сакам. Тато. Едноставно не е фер“, се вели во објавата.Нејзиниот момент со пејачката Тејлор Свифт стана вирален на социјалните мрежи кога заедно настапија на концерт во Сиднеј, а поп ѕвездата на крајот и подари капа пред да се гушнат.

Магазин | пред 1 година

Елена Ристеска: Јас знам за една Македонија без придавки

Македонската поп ѕвезда, Елена Ристевска ја пееше македонската химна на прославата на Американската амбасада по повод 4 јули, Денот на Америка.„Македонската химна е гордост и чест да ти доверат да ја отпееш. Секогаш со посебно чувство сум ја пеела, бидејќи не е било која песна, химната е песна на еден цел народ , МАКЕДОНСКИ НАРОД. Јас знам за една Македонија без придавки( освен придавката “Република” ) за која сум учела и во која живеам од кога знам за себе, за еден јазик- МАКЕДОНСКИ ЈАЗИК кој впрочем го говорам, знам за една нација или народ за кого пеам 20 години.Исто толку години ја претставувам мојата нација и мојата земја насекаде низ светот, а таа земја се вика МАКЕДОНИЈА. И токму сега во овие тешки моменти треба да ечи насекаде МАКЕДОНСКАТА ХИМНА, бидејќи носи силна порака. Покрај споменување на револуционерите и народот кои се бореле и умреле за татковината, се споменува само едно име- МАКЕДОНИЈА и еден народ- МАКЕДОНСКИ. Ова не е време за било какви поделби и овој коментар нема никаква политичка конотација- има исклучиво патриотска – напиша Ристевска на својот профил.

Магазин | пред 3 години

(ФОТО) Калиопи се прости од татко и: Со тебе однесе дел од малечката Опи..

Поп дивата Калиопи на социјалните мрежи сподели тажна вест. Починал нејзиниот татко.„Тато мој… Моја сила, светлост, сјај… Замина и со себе однесе дел од малечката Опи… Патувај кон светлината и биди сигурен дека во моето име врежано е и твоето, засекогаш…., напиша Калиопи на Фејсбук, споделувајќи фотографија.Калиопи знае често на социјалните мрежи да сподели моменти со нејзиниот татко. Под фотографијата, бројни колеги и оддаваат сочувство.

Магазин | пред 3 години

(ВИДЕО) Сакал да види како ќе му изгледа погребот, па платил работници да плачат за него

Миладин Јелиќ од Бања Лука стана хит на социјалните мрежи, откако се снимил како лежи на својот гроб. Тој сакал да види како тоа ќе изгледа и направил проба. Во видеото се слушаат луѓе кои плачат за него.На видеото се гледа како тој легнува на своето гробно место, а на луѓето кои плачат им платил и по 50 евра. Јелиќ е познат како Маза и е сопственик на истоименото кафуле во Бања Лука.Со ова видео ги изненадил сите пријатели, кои велат дека често знае да направи вакви работи и да ги насмее до солзи. За неговото кафуле, Јелиќ вели дека е многу познато во Бања Лука и дека кај него доаѓаат голем број естрадни ѕвезди, меѓу кои и Саша Матиќ.

Магазин | пред 3 години

Марко Пејчиновски кажа која е следната цел!

Марко Пејчиновски најави нов подвиг – 10 препливувања во 10 викенди“Откако ја започнав својата пливачка кариера, па се до денеска, правам подвизи кои никој до сега ги нема направено. Секогаш гледам да ги кревам стандардите, да направам нешто поголемо, да направам нешто потешко, да го тргнам зборот невозможно од нашиот речник. Да докажам дека и кога нема да успееме треба да ја држиме главата горе и да пробаме пак. Да докажам дека сите можеме да успееме, без разлика на препреките кои ни стојат на патот. Ова лето јас повторно сакам да ги кренам стандардите. Затоа ова лето, јас ќе имам 10 препливувања во 10 викенди и ќе испливам 250 километри. Целта со ова ми е да докажам дека и во Македонија има таленти. И овде има деца кои чекаат да им се пружи рака за да се докажат и дека и ние имаме спортски потенцијал. Сакам да ги поттикнам и другите спортисти за да имаме претставници на секој натпревар, во секој спорт. Заедно да докажеме дека нашата земја не е за потценување. Датумите на препливувањето ќе бидат објавени пред секое пливање. Од вас барам да ме поддржите, знам дека нема да е лесно, но знам дека ќе можам да го направам ова. Поддржете ме мене, но и сите други спортисти, бидејќи ние сме тие кои ја прават државата подобра”, истакна Марко во своето видео обраќање преку кое го најави својот подвиг за годинава.

Магазин | пред 3 години

(ВИДЕО) Весна ја отвори душата: „Имам траума од чукањето на мајка ми - првпат викаше „Веки стани изгоревме“, вторпат „Веки стани почина татко ти“

Актерката Весна Петрушевска неодамна направи бум со претставата „За нашиот Горан“ која се играше во МНТ. Репликите на Горан Стефановски ги кажуваа децата актери, а ова беше голем предизвик за Весна, актерка со долга кариера.„Предизвик да, особено што знаеме кој е Горан во драмскиот свет. Мислам дека успеав на децата да им го доловам светот на Горан. Во исто време претстава за Горан играа и колегите од Драмски, да не звучам нескромно, ама ги намкачкавме на леб“, низ насмевка вели Весна.Веќе 15 години ја има својата актерската школа, од која повеќето денес се актери во Драмски или Комедија.„Кај мене никогаш немало врски. Не ме интересира кој чиво дете е. Па и ќерка ми не доби улога во претставата за Горан оти не го научи текстот“, открива Петрушевска во интервјуто за „Репортер“.Неодамна се соочи со загубата на својот татко. Иако имал тромбоза, вели Весна, сепак, се држел добро.„Ние живееме одвоено, ама во ист двор. И сега имам траума од чукањето на мајка ми на стаклото од прозорот рано сабајле. Првиот пат, викаше 'Веки стани, изгоревме'. Вториот пат, 'Веки, стани, почина татко ти'“, раскажува Весна за загубата на такто си. И додава: „Од сите нас, Мина најтешко ја преброди неговата смрт“.Тука се врза и приказната за сè она низ што помина нејзината ќерка и како жртва на сексуално насилство и како жртва на булинг во школо. Весна вели дека тоа се трауми со кои учиш да живееш, но не можеш да ги надминеш.„Кога детето е жртва на сексуално насилство, потоа треба да го негуваш како роза. Траумата никогаш не ја надминавме. Ама ете тука се терапии, сеанси, има по некој тригер, па се справуваш со него“, искрена е актерката. За булингот во школото, кога цело одделение барале да ја отпишат Мина од класот, Весна раскажува: „Тие нека се срамат, не ние. Не само што бараа да ја отпишеме, имаше моменти кога ја удираа од ѕид, ѝ го кршеа саатот. И сè тоа се деца на луѓе кои ги знам“.Синот Кирил е во Хјустон, кај неговиот татко, Јанко, со кого Весна одамна се разведе. Кирил матурираше и сега заминува на кампус. „Таткото на Кирил му го овозможи тоа и јас сум среќна. Со Јанко и со неговата сопруга сега сме една хепи фемили, одлично стоиме, и фала им за сè што направија за Кирил“, искрена е Весна.Зборувавме за сè, од идејата да се фрла во Вардар ради високата јануарска сметка, до естетските корекции за кои вели: „Ставам конци на лицето и не сум ко оние кои се боцкаат па личат или бугарски пејачки или српски фолкерки“.Од третманите за убавина, преку емоциите за татка си, траумите низ кои помина Мина, за односот со бившиот маж, за дружбите со Џамбазов, за сè она што го работи... Гледајте го интервјуто.

Магазин | пред 3 години

Жени групно ќе врескаат

Жени групно ќе врескаат денеска во 15 часот кај споменикот на Стефан Немања пред Собранието и Факултетот за ликовни уметности во Белград. Станува збор за уметничка изведба наречена „Брн/аут“, што се преведува како прегорување. Изведбата била осмислена од уметницата Деа Џанковиќ.– Прегорувањето ни се случува како последица на ритамот на животот кој ни е наметнат и очекувањата кои секој поединец мора да ги исполни за да преживее во општеството. Влијанието на модерната технологијата, и покрај оригиналната концепција како „голем ослободувач на време и поддршка на нашето секојдневие“, иронично нè зароби. Неприродно е она што го очекуваме од нашите тела и умови на секојдневно ниво, без доволно време да процесираме низ што поминуваме – изјавила Џанковиќ.Таа открила дека поминувала низ ова пред две години и го помни како едно од најстрашните искуства во животот, а оваа година за малку повторно ќе ѝ се случело истото.– Таа состојба ја гледам секаде околу себе – изјавила таа.Перформансот се фокусира на овој проблем со кој се соочуваат речиси сите додека минуваат низ настани како пандемија, геополитички проблеми итн.На прашањето зошто повикот за учество во перформансот е само за жени, таа одговорила дека сакала искрено да укаже на нешто што го заклучила од свое искуство.– Жените се многу поизложени на стресот отколку мажите. Стресот го предизвикуваат општествените притисоци, психофизичката експлоатација и сите форми на институционално насилство. Од нас секогаш се очекувало повеќе и тие очекувања само се зголемиле соодветно со стапката на стигматизација и осудување од општеството, иако би требало да е спротивно – изјавила таа.

Магазин | пред 3 години

„Бојата на басот“ – концерт во Филхармонијата

В четврток во 20 часот Оркестарот на Филхармонијата ќе го одржи концертот „Бојата на басот“, на кој како солист на контрабас ќе настапи Ѓорѓи Цинциевски, а диригент е Сашо Татарчевски. На програмата се дела од Стравински, Рота и од македонската композиторка Дарија Андовска.Дарија Андовска е композиторка на оркестарска, камерна, солистичка и вокална музика; на музика за филм, театар и танц; како и на мултимедијални проекти. Нејзините дела се изведувани на многубројни домашни и светски фестивали, а е наградувана како една од најзначајните композитори од помладата генерација во Европа и од Балканот.

Магазин | пред 3 години

Недела на франкофонски филм во Кинотеката

Со проекцијата на филмот „Што зборуваме, што правиме“ на режисерот Емануел Муре, на 24 март (четврток) во 20 часот во Кинотеката на Северна Македонија започнува Неделата на франкофонски филм.В петок во 20 часот ќе се одржи проекција на швајцарскиот филм „Семејство“ на Фредерик Бајиф, додека в сабота во 18 часот ќе се одржи проекција на белгискиот филм „Богородица од Нил“ на Атик Рахими. Веднаш потоа, во 20 часот, е закажана проекција на романскиот документарен филм „Дива Романија“.Настанот се реализира по повод одбележувањето на Месецот на франкофонијата, а го организира Францускиот институт во Скопје заедно со Амбасадата на Швајцарија, Амбасадата на Романија и Кинотеката на Северна Македонија.Инаку, сите филмови ќе се прикажуваат со превод на македонски јазик, а за романскиот филм е обезбеден само превод на француски јазик, истакнуваат од Францускиот институт во Скопје.

Магазин | пред 3 години

(ВИДЕО) Мето ди Флеш со нова песна „Позитивно негативни“

Пејачот Мето Ди Флеш ја објави својата најнова песна „Позитивно негативни“. Видеото го сними во неговото студио во Струга заедно со Мухамед Манте. Тие го нацртаа Њујорк, а Мето пееше од центарот на метрополата. Пејачот исто така самиот работеше на текстот, музиката и аранжманот.Ни рече дека песната ја напишал во еден здив и преку неа сака да испрати порака за повеќе да се сакаме, почитуваме и вистински да бидеме позитивни, а негативни на ковид-тест.„Ја напишав за актуелното време кое го живееме, пандемијата која наместо да нè зближи нè раздели еден од друг. Луѓето кои се занимаваат со музика и уметност се и беа најпогодените од новонастанатата состојба. Нема полошо од тоа некој да ти забрани да го работиш тоа што го сакаш и тоа што те прави среќен .Новото нормално ништо добро не ни донесе туку напротив како луѓето да сме спротивставени меѓу себе“, ни рече Флеш.Како пратечки вокали се слушаат Марија Мечкароска и Анастасија Поповска.

Магазин | пред 3 години