МАРКЕТ

Нема „офанзивни“ мерки за цените на маркетите, Мицкоски најави дека ќе разговара за да не ги покачуваат производите

Владата засега не донесе нови мерки за спречување евентуални поскапувања на производите во маркетите, иако цените на горивата значително се зголемија по ескалацијата на конфликтот меѓу Соединетите Американски Држави и Израел од една страна и Иран од друга.Премиерот Христијан Мицкоски изјави дека ќе разговара со трговците и ги повика да не ја користат актуелната состојба за дополнително зголемување на цените и за префрлање на притисокот врз потрошувачката кошница на граѓаните.„Сакам и со нив да поразговарам, да не се користи сега овој притисок веднаш да се зголемат цените и притисокот да се префрли врз потрошувачката кошница на граѓаните, за да не мораме ние како влада да преземаме друг тип на, би рекол, офанзивни мерки“, изјави Мицкоски.Тој нагласи дека Комисијата за заштита на конкуренцијата и Државниот пазарен инспекторат ќе го следат однесувањето на трговците, како на малопродажниот, така и на големопродажниот пазар.„Врз основа на нивното однесување, така и Владата ќе се однесува. Очекуваме тие да имаат фер однос кон граѓаните, за и ние како влада да бидеме фер кон нив, односно заеднички во овие моменти да го заштитиме стандардот на граѓаните, бидејќи тоа е наша цел и приоритет“, рече премиерот.Тој додаде дека институциите внимателно ќе ја следат состојбата на пазарот и дека Владата ќе реагира доколку се утврдат злоупотреби или неоправдани поскапувања.

Македонија | пред 1 седмица

Маркетите мора цените да ги објавуваат на интернет страниците - стапуваат на сила измените на Законот за заштита на потрошувачи

Маркетите ќе мора да ги објавуваат цените на сите производи, јавно, на интернет страниците. Ова го наложуваат измените на Законот за заштита на потрошувачите, кои се усвоени од пратениците.Законските измени гласат: (1) Мал, среден и голем трговец кој врши дејност трговија на мало, согласно со Националната класификација на дејностите, должен е на својата веб страница да ја објави, одделно за секој свој продажен објект, тековната продажна, односно единичната цена во моментот на објавување на секоја стока што ја нуди за продажба. (2) Ажурирањето на цените од ставот (1) на овој член се врши на дневна основа“.Законот нема да се однесува на микро и трговците-поединци, а трговците кои имаат повеќе од продажни објекти ќе треба да ги објавуваат цените поединечно за секој од нив.„Ваквото законско решение се очекува да доведе до фер конкуренција и пониски цени, особено во секторот на прехранбени производи, при што ќе може да се направат и апликации и веб-страници кои ќе им овозможат на потрошувачите да ги споредуваат цените помеѓу различните трговци на мало“, посочи Бојан Стојановски од ВМРО-ДПМНЕ.

Македонија | пред 1 година

Маркетите кои нема да ги намалат цените, можат да добијат и клуч на врата

Повеќе од 40 тимови или повеќе од 120 инспектори од Државниот пазарен инспекторат (ДПИ), ротирани во различни градови, денеска (25 септември), проверуваат дали се почитува одлуката на Владата за ограничени профитни маржи за основните прехранбени производи. Ова го истакна директорот на ДПИ, Горан Трајковски на прес-конференција.Постои можност и маркетот да биде затворен, велат од Државниот пазарен инспекторат.„Секој оној кои што нема да ја почитува одлуката и нема да има поставено јасно означена ознака ќе биде санкциониран по нашите законски прописи А секој оној кој ќе се обие на каков било начин да примени нечесни трговски практики ќе биде затворен од страна на државниот пазарен инспекторат“, Горан Трајковски директор на државен пазарен инспекторат.Владата со ограничувањето на профитните маржи на околу 70 основни прехранбени производи очекуваше нивните цени да се намалат за 10 отсто. Согласно одлуката на Владата, трговците требаше да ги обележат намалените производи со ознаката „помалку трошоци, повеќе за тебе“.

Македонија | пред 1 година

Не се живее, се преживува: Цените одат нагоре, инфлацијата си го направи своето

Годишната инфлацијата мај 2024 – мај 2023 година е зголемена за 4,5 %, а цените на мало во истиот период пораснаа за 5,8 %. Во однос на април инфлацијата во мај е повисока за  0,9 %, а цените на мало пораснаа за 1,3%, објави Државниот завод за статистика.За една година најголемо зголемување на цените има кај овошјето за 22 отсто, потоа шеќерот, чоколадите, медот, кај зеленчукот, млекото, сирењето, јајцата, лебот и житата.Скок на цената од 5,6 отсто има и кај алкохолот и тутунот, кај облеката и обувките, мебел, покуќнина, но и кај здравствените услуги.Транспортот поскапел за 10,3 проценти, ресторанските и хотелските услуги 8,5 отсто.Зголемувањето на инфлацијата во мај во однос на април е резултат на зголемувањето на трошоците на животот во следните групи: ресторани и хотели за 3,1 %, рекреација и култура за 2,1 %, транспорт за 1,9 %, облека и обувки за 1,5 %, мебел, покуќнина и одржување на домаќинствата за 1 %, храна и безалкохолни пијалаци за 0,7 %, разновидни стоки и услуги за 0,4 %, домување, вода, електрика, гас и други горива, здравје за 0,1 %.На едно четири-члено семејство за да го преживее месецот според последните пресметки на ССМ, потребни му се над 1.000 евра, најмногу од тие пари или нешто речиси околу 22.000 денари се даваат само за храна и пијалаци.

Македонија | пред 1 година