меѓународенсојуз

(Видео) Боки 13 со терапија во Апелација: Јас сум со траен инвалидитет и се учам да живеам со новонастанатата состојба

Бојан Јовановски-Боки 13 се појави во Апелација на рочиштето за „Меѓународен сојуз“ каде е обвинет. Тој кажа дека иако нема видливи деформитети, сепак, има органско заболување. Ова е негово прво појавување во јавност пред медиумите. Посочи дека останал без 90 отсто од желудникот, а со таа состојба се учи да живее. Со себе, посочи дека носи и цела терапија која ја прима на одреден период. Боки 13 посочи дека секоја компликација може да доведе до состојба од животозагрозувачки карактер. За време на рочиштето, Боки 13 излезе надвор од судницата поради лошење и земање на терапија.„Мојата здравствена состојба, од ден во ден, при било каква компликација би била од животно-загрозувачки карактер. Ми беше констатирана ‘интенстинална метаплазија’ на желудник и дел од тенките црева, мене ми е извадено над 90 проценти. Многу е жално што некако мојата здравствена состојба стана тема на дискусија во целата држава. Човек кој има извадено над 90 проценти од желудникот има направено субтотална гастроктомија поради постоење на повеќе од осум чирови, кои беа со некротично дно, ако сакате детали – интестинално метаплазие кое значи предканцерогена состојба, е нешто со кое не може секој да се пофали или пак да живее. Во моментов повторно имам улкуси и некакви варикозитети кои се од животозагрозувачки карактер. Со оваа здравствена состојба не бев и не сум во услови да бидам во затворот каде ја издржував казната на која бев правосилно осуден и поради тоа сум пуштен на домашно лекување односно на прекин на издржување казната затвор. Со себе носам цела терапија за да функционирам, покрај тоа што имам сериозен хигиено-диететски режим кој изискува посебна храна за да функционирам. Имам проблеми од органски карактер“, кажа Јовановски-Боки 13.Тој долго време бил на болничко лекување. Кажа дека нема проблем со движење, но има моменти кога мора да мирува.[caption id="attachment_268624" align="alignnone" width="1920"] „Се работи за органско заболување и се учам да живеам со новонастанатата состојба. Јас сум со траен инвалидитет, кој не е од физичка природа или со физички деформитет, туку станува збор за состојба која неможе да се промени“, вели Боки 13[/caption]„Морам да кажам дека бев подолг временски период на болничко лекување. Немам јас физички проблем. Гледате дека и денеска се движам нормално, немам заболување од физичка природа. Туку се работи за органско заболување и се учам да живеам со новонастанатата состојба. Јас сум со траен инвалидитет, кој не е од физичка природа или со физички деформитет, туку станува збор за состојба која неможе да се промени. Имам сериозна терапија која ја примам, сериозен и строг режим кој морам да го практицирам секој ден. Тоа не значи дека имам проблем со движење, но имам моменти кога морам да мирувам, да се придржувам кон тоа. Го правам тоа, се учам да живеам со тоа и со новата состојба“, додаде Јовановски-Боки 13.На прашањето како неговата состојба е лоша, кога става фотографии на социјални мрежи, тој посочи: „Тоа е првата фотографија откако излегов од болница, мислам дека со поента и цел е објавена на моите социјални медиуми. Сепак јас сум личност која бев изложена на сериозна јавна тортура и линч сите овие години. Така што, тоа не е шетање. И повторно ќе кажам, моја та здравствена состојба е од друг карактер и тип, која е многу сериозна и се работи за траен инвалидитет, кој не е од физичка природа, или со физички видлив деформитет“.Неговото лекување и влошена здравствена состојба беше и причина за да се одложуваат повеќе јавни седници во Апелација за предметот „Меѓународен сојуз.

Македонија | пред 1 година

(Видео) Боки 13 за „Меѓународен сојуз“: Барам фер судење, милост не барам

Бојан Јовановски-Боки 13 е дециден дека во случајот „Меѓународен сојуз“ не измамил никого, дека тоа го потврдиле и лицата кои имаат статус на оштетени, а укажа и дека бил предвремено осуден од судијката Софче Гаврилова-Ефремова која сама кажала дека барала изземање поради тоа што имала формирано мислење за обвинетиот. Тој побара да му се суди одново за овој случај, но пред непристрасен суд. Укажа и: „Милост не барам“.„Причините се повеќе од јасни, не постојат елементи за сторено кривично дело. Тоа што го бараме е фер судење, за да се докаже пред првиот степен на суд, мојата невистност во случајот. Доколку овој совет смета, може да донесе мериторна ослободувачка пресуда бидејќи нема елементи за сторено кривично дело кое ми се става на товар“, потенцираше тој.Ги потенцираше исказите на бизнисмените кои во судница посочиле дека не се чувствуваат за измамени.„Самите оштетени кажаа дека не се чувствуваат за измамени на главна расправа пред Кривичен суд. Не се оштетени бидејќи немало умисла да бидат измамени или некој пак ги одржувал во заблуда. Пред се зборувам за мене, бидејќи целиот товар се става на мојот грб“, кажа Боки 13.Целата постапка, според него, водена е на нефер начин.„Барам фер судење, милост не. Самиот судија на првото рочиште за главна расправа кажа дека барала сама да биде изземена од претседателот на Кривичен суд, бидејќи имала формирано миселње, бидејќи беше втор судија во познатиот случај ‘Рекет’. Тоа е трајна повреда на начелото на фер судење и непристрасен суд, кое е загарантирано право. Затоа побаравме тоа да се цени како околност. Бев превремено осуден, бидејќи во многу наврати и на многу рочишта беше истакнато од судијката дека нејзините одлуки ќе можеме да ги обжалиме пред повисоките судови. Тоа денес се случи. Беше прејудицирана таква пресуда и се знаеше тоа од првиот момент. Се надевам дека правдата ќе биде задоволена, а пред непристрасен суд да ја докажам мојата невиност. Милост не барам“, додаде Боки 13.Случајот „Меѓународен сојуз“ е во фаза на одлучување во Апелација. Боки 13 е правосилно осуден за случајот „Рекет“.

Македонија | пред 1 година

Туфекџиќ за Меѓународен сојуз: Никаде во пресудата нема да го најдете она што е важно, суштествено

Доказите и изречената пресуда говорат за различни факти. Ова се елаборираше на денешната јавна седница за случајот „Меѓународен сојуз“. Обвинението според кое Бојан Јовановски-Боки 13 со помош на Фросина Ременски, која е ослободена од вина, влијаел на бизнисмени за тие да вложуваат во проекти на невладината организација е неиздржано, сметаат адвокатите. Адвокатот Владимир Туфегџиќ потенцираше дека најсуштествениот елемент на обвинението е и најнеобразложен.„Никаде во пресудата нема да го најдете она што е важно, суштествено. Нема доволно образложение за учество на лицата од политиката, како што се Фросина Ташевска-Ременски и Александар Кирацовски... И сега се поставува прашањето каква оценка направил првостепениот суд на доказите, за да најде само кај Бојан Јовановски дека се остварува законското битие на кривичните дела. Тој дел не се елаборира. Само е споменат. Сметам дека не е издржана првостепената пресуда. Доколку внимателно и хронолошки го прочитате објаснувањето, во смисла на тоа каде се најдени доказите на штета на обвинетиот, самите ќе изведете заклучок дека првостепениот суд направил компилација и една емпириска оценка, без стварна оценка на доказите, само со цел да се поткрепи веќе поднесениот обвинителен акт“, кажа адвокатот Туфегџиќ.Бојан Јовановски-Боки 13 кажа дека судијката Софче Гаврилова-Ефремова била контрадикторна бидејќи со доказите кои ги искористила за ослободување на Ременски, него го осудила.„Обвинетата Фросина Ременски која е ослободена од пресуда, мораме да кажеме дека изведуваше на рочиште за главна расправа докази кои идеа во поткрепа на ова што го зборувам јас. Презентираше и владини проекти кои предвидуваат изградба на старечки објекти. Имавме изведба на овој доказ од Ременски, која стоеше зад тоа дека не постои и кривични дело“, рече Јовановски-Боки 13.Претседателот на судечкиот совет на Апелација, Зоран Димитриевски го праша: „Дали доказите се ценети контрадикторно, за вас да ве осудат, а за Ременски да ја ослободат?“, на што, Јовановски-Боки 13 одговори: „Да, така е“.„Обвинителството вели дека Ременски и Кирацоски помогнале да се стекне впечаток и јас да ги земам парите од наводно измамените. Епа ако е така, како нивните дејствија немаат кривично правна одговорност, а за мене има одговорност на ниво на убиец?“, праша Јовановски-Боки 13.И пред тројцата судии, Јовановски-Боки 13 посочи: „Сакам само да имам фер судење кај непристрасен суд, за да докажам дека сум невин, бидејќи образложението не е точно утврдено. Квантитативно е голема пресудата, не е квалитативно“.Пред судиите одново се повтори тезата дека и самите бизнисмени кажале дека не се чувствуваат измамени.„Мицевски и самиот на записник кажа дека верувал дека ако не било моето лишување од слобода, проектот ќе беше завршен. Не требало јас да обезбедам градежно земјиште, туку по волја на Мицевски се потпиша договор за нивна локација која е опишана во договорот меѓу ГП Пелистер и Меѓународен сојуз. Не се работи за лажно прикажување на факти дека јас ќе обезбедам земјиште, бидејќи имаше платени комуналии. Требало да се пренамени од станбен објект во групен дом“, кажа Јовановски-Боки 13 и додаде: „Не е направено ништо што може да го загрози нивниот углед, чест или да влијае на нивниот имот. Сите средби со лицата биле транспарентни и јавни, јас сум имал секојдневна пријателска врска. Ако сметале дека ова е кривично дело тие сами ќе го пријавеле во институции уште порано. Немаше да се случи по моето пријавување“.На ова се противеше вишиот обвинител Бурим Рустеми. Тој бараше од Апелација да ги одбие жалбите на обвинетите, а да ја потврди слободата за Ременски.„Ценам дека жалбата не е основана бидејќи јасно е дека оштетените Силјан Мицевски и Ардијан Амзоски е оштетени, бидејќи се доведени во заблуда со дејствија на обвинетите, а правните лица се оштетени бидејќи тие ги извршуваат плаќањата. Околу тоа дали Амзовски и Мицевски биле доведени во заблуда или е граѓански однос – е во насока да го дефокусираат кривично-правниот настан и да ги потенцираат главните факти и околности, кои покажуваат дека имаме измамнички дејствија многу јасни со планирана стратегија со искористување на политичката моќ, со што оштетените се доведени во заблуда“, вели Рустеми.Тој рече: „Измамата е очигледна“.„Плаќањето на 720.000 евра без договор на нотар е нонсенс“, кажа Рустеми според кого фактот што договорите не се заверени на нотар говори дека била планирана измамата.На ова доби и одговор.„Јас само ќе дадам паралела дека истиот тој договор беше предмет на анализа пред повеќе државни институции, УФР и УФП, истиот беше предмет на договор и сите потписници бевме испитани пред јавен обвинител по истите наводи и имаше јавнообвинителска резолуција. Тезата дека намерно не е однесено на нотар за да не се открие измама е неоснована, бидејќи овој договор беше предмет пред обвинител и основен Кривичен суд. Тогаш Обвинителството можеше да утврди кривично дело. Тогаш имаше резолуција“, кажа Јовановски-Боки 13.

Македонија | пред 1 година

Нема фотографија

Ваква здравствена состојба не посакувам никому, порача Боки 13

Бојан Јовановски побара од Апелација да добие фер судење за да ја докаже својата невиност.Тој апелира до јавноста неговото здравје да се остави на лекарите и нивните стручни проценки.„Ваква здравствена состојба не посакувам никому, оттука замолувам и апелирам на воздржаност и човечност“, пишува Боки 13.Потоа додава: „Од денешната јавна седница пред Апелациониот суд Скопје: Барам фер судење во повторена постапка пред Основниот кривичен суд, милост не барам! Во однос на мојата здравствена состојба, ќе се огласам сега за прв и последен пат: Јас сум со траен инвалидитет, кој не е пропратен физички деформитет и видливост“.

Македонија | пред 1 година

Зар може да се верува на сведок кој собирал податоци злоупотребени за трговија со луѓе?, aдвокат ја оспори пензионерката-милионерка од Меѓународен сојуз

Стеван Павлески, адвокат на обвинетата Јасна Ерцеговиќ во случајот „Меѓународен сојуз“, побара ослободителна пресуда. Тој анализираше неколку сегменти од пресудата на Кривичен, а особено го оспори сведочењето на пензионерка Лилјана Тодоровска на чија сметка пристигнале 720 илјади евра од ГП Пелистер на Силјан Мицевски. Павлески посочи дека пензионерката плачела во судница, а сега таа е компромитирана во друг случај.„Таа собирала податоци од пензионери во Гази Баба. Тие податоци кои ги собирала Тодоровска биле злоупотребувани и давани кај мајка-фирма во странство, за потоа да бидат злоупотребувани за трговија со луѓе. Ова не е моја информација, туку од Обединетите нации. Кога ваква личност се наоѓа пред судот, зар можете да и поклоните беспрекорна доверба? За жал, тоа го прави првостепениот суд“, кажа Павлески.За исказите на бизнисмените Силјан Мицевски и Ардијан Амзоски, адвокатот на Ерцеговиќ, рече дека се неубедливи, конфузни и противречни.„Силјан Мицевски бил иницијаторот на средбите со Бојан Јовановски. Тој го пофали Јовановски. Мицевски стапува во контакти сам, не на барање на Јасна или Бојан, со функционери за реализација на проетктот ‘Евроспки центар за возрасни лица’. И со општинските власти, таму е проблемот, тие не дозволија да се реализира овој проект и се случи т.н. измама. Мицевски сам можел да проверува факти, има служби. Кога ова постои, не може да станува збор за заблуда, туку правен спор кој се решава во граѓанска постапка“, кажа адвокатот.Се осврна и на исказот од Ардијан Амзовски.„Ардијан Амзовски тој беше трет сведок. Тој на еден криминален начин по склучувањето на договорот на Бојан Јовановски му дава 350.000 евра под маса. И сега на тој човек таа личност му поклонувате беспрекорна доверба, а тој човек како Мицевски, железни опинци облекол да се реализира проектот, па крив е Јасна или Бојан. Тука нема измама. Околу казната, на Јасна Ерцеговиќ, изречена и е казна од 2 години и 6 месеци. Нема образложение ни за високата казна за Јасна. Сметам дека има услови да ја преиначите првостепената пресуда и да донесете ослободителна пресуда за Јасна, бидејќи нема елементи за кривично дело измама, а кога нема измама нема ниту перење пари. Судот многу погрешил“, додаде адвокатот Павлески.Апелација, по оваа јавна расправа, треба да донесе правосилна пресуда.

Македонија | пред 1 година