Непознат маж без документи влегол во авионот на данската премиерка во Гренланд
Завршетокот на посетата на данската премиерка Мете Фредериксен на Гренланд беше одбележан со сериозен безбедносен инцидент на аеродромот во Нук.Според гренландскиот јавен сервис КНР, непознат маж, без какви било лични документи, успеал да влезе во владиниот авион со кој премиерката требало да се врати во Данска.Инцидентот се случил во петокот навечер, кога авионот се подготвувал за полетување. Според извори блиски до истрагата, мажот се појавил во терминалот за пристигнувања, тврдејќи дека патува со истиот лет како данската премиерка.Иако кај себе немал никаков документ за идентификација, аеродромскиот персонал му дозволил да помине низ безбедносната контрола, по што со службено возило бил превезен директно до авионот.Ситуацијата станала уште поневообичаена кога било откриено дека мажот претходно успеал да ја предаде и својата торба, која била уредно натоварена во авионот.„Мажот веќе имал торба во авионот и, според нашите извори, започнал да пребарува по полиците за багаж во внатрешноста на леталото. Дури тогаш екипажот реагирал, по што тој бил изведен од авионот и предаден на полицијата“, наведува КНР.Поради овој инцидент, премиерката Фредериксен не отпатувала со планираниот лет. Од Нук полетала дури во саботата околу три часот наутро, и тоа со друг авион.Управата на аеродромот во Нук одбила да даде подетални објаснувања за тоа како дошло до ваков пропуст, префрлајќи ја одговорноста на полицијата.Гренландската полиција го потврди инцидентот, но соопшти дека од безбедносни причини нема да изнесува детали ниту да ја коментира истрагата.
Свет | пред 3 дена