Метју Меконахи 22 дена живеел во џунгла под друго име за да „се пронајде себеси“
Славниот актер Метју Меконахи откри дека повремено бега од холивудскиот живот за повторно да го пронајде сопствениот идентитет.Во неодамнешно гостување во подкаст, оскаровецот раскажал дека поминал 22 дена во перуанската прашума, живеејќи под името „Матео“.Меконахи објаснил дека на вакво патување тргнал по огромниот успех на филмот A Time to Kill, кој преку ноќ го направил светска ѕвезда.„Требаше повторно да се спуштам на земја“, изјавил актерот, додавајќи дека сакал луѓето да го запознаат како личност, а не како славна фигура.Тој рекол дека по 22 дена поминати во Перу почувствувал дека повторно го пронашол сопствениот идентитет.Меконахи откри и дека подоцна заминал сам во пустина без струја, каде што пишувал поезија и се соочувал со сопствените мисли и стари дневници.Актерот се прослави со филмот Dazed and Confused, а подоцна стана познат по романтичните комедии како How to Lose a Guy in 10 Days. Во 2014 година освои Оскар за улогата во Dallas Buyers Club.
Магазин | пред 2 часа
