(Фото) Волк чуван како домашно милениче заловен во скопска населба, вели Ѓорѓиевски
Во една скопска населба вечерва бил заловен волк, кој, според градоначалникот Орце Ѓорѓиевски, незаконски бил чуван како домашно милениче.Ѓорѓиевски објави дека животното било пронајдено со ремче и ланец, по што веднаш биле известени надлежните институции.„Вечерва во една скопска населба беше заловен волк, кој очигледно бил незаконски чуван (со ремче и ланец) како домашно милениче. За случајот веднаш беа известени сите надлежни институции“, напиша Ѓорѓиевски.Тој оцени дека станува збор за сериозна неодговорност и опасност за граѓаните.„Не можам да поверувам дека постојат толку несовесни поединци кои на ваков начин третираат диви животни, а притоа ја загрозуваат безбедноста на своите сограѓани. Ова не е само неодговорност, туку сериозна опасност за целата околина“, додаде градоначалникот.Според него, волкот моментално е згрижен од службите на Скопската зоолошка градина, а од институциите очекува целосно расчистување на случајот и преземање соодветни мерки.„Во Скопје мора да има ред“, порача Ѓорѓиевски.
Скопје | пред 1 ден