МОЈТАБА

Новиот врховен лидер на Иран e во кома? Разузнавачки извештаи со сериозни тврдења

Новиот врховен лидер на Иран, Мојтаба Хамнеи, се наоѓа во кома и не е способен да ја извршува функцијата, тврди разузнавачка проценка на која се повикува „The Times“.Според наводите, Хамнеи се лекува во светиот град Кум, каде што, како што се наведува, е во тешка здравствена состојба и без свест. Информациите, наводно, се базираат на американски и израелски разузнавачки податоци споделени со сојузници во регионот.Иранските власти претходно потврдија дека Хамнеи бил ранет во нападот на 28 февруари, во кој загина и неговиот татко, поранешниот врховен лидер Али Хамнеи. Оттогаш, новиот лидер не се појавил во јавноста, а неговите обраќања се пренесуваат преку соопштенија и, како што се тврди, и видеа генерирани со вештачка интелигенција.Овие информации не се независно потврдени, но отвораат сериозни прашања за тоа кој реално ја контролира државата. Во анализите се посочува дека Исламска револуционерна гарда (ИРГЦ) би можела да има клучна улога во управувањето со земјата во услови на вакуум на врвот.Дополнителни сомнежи предизвикува и одложувањето на погребот на Али Хамнеи, што е невообичаено според шиитската традиција, каде покојниците обично се погребуваат веднаш.Ситуацијата ја засилува неизвесноста во Иран во момент кога земјата се соочува со интензивен воен и политички притисок, а прашањето за стабилноста на раководството станува клучно за понатамошниот развој на кризата.

Свет | пред 2 седмици

Трамп: Не знам дали новиот врховен лидер на Иран е воопшто жив

Претседателот на Соединетите Американски Држави, Доналд Трамп, изјави дека нема потврда дали новиот врховен лидер на Иран, Мојтаба Хамнеи, е жив по американско-израелските напади.Во интервју за Ен-Би-Си Њуз, Трамп рече дека досега никој јавно не го видел Хамнеи и дека постојат различни информации за неговата состојба.„Не знам дали воопшто е жив. Засега никој не го покажал. Слушам дека не е жив, а ако е, треба да направи нешто многу паметно за својата земја – да се предаде. Некои мислат дека е жив, но тешко ранет“, изјави Трамп.Еден ден претходно, американскиот министер за одбрана Пит Хегсет изјави дека врховниот лидер на Иран веројатно е сериозно повреден во нападите на САД и Израел.Во истото интервју, Трамп зборуваше и за ситуацијата во Ормускиот теснец, клучен поморски коридор за извоз на нафта, изразувајќи очекување дека и други држави ќе се приклучат во операцијата за обезбедување на пловидбата.Тој посочи дека не сака да ги именува сите држави што би можеле да се вклучат, но претходно изрази надеж дека во операцијата ќе учествуваат Обединетото Кралство, Кина, Франција, Јапонија и Јужна Кореја.

Свет | пред 1 месец

Контрадикторни информации за состојбата на новиот ирански врховен лидер

Новиот ирански врховен лидер Мојтаба Хаменеј наводно е повреден за време на американско-израелските воздушни напади врз Техеран на 28 февруари, објави Си-Ен-Ен повикувајќи се на извор запознаен со ситуацијата.Според тие информации, Хаменеј има скршеница на стапалото, модринка околу левото око и полесни повреди на лицето.Иранскиот амбасадор на Кипар, Алиреза Саларијан, изјави за „Гардијан“ дека новиот врховен лидер бил повреден во нападот во кој загинале шест членови на неговото семејство, меѓу кои и неговиот татко, ајатолахот Али Хаменеј. Тој наведе дека Хаменеј најверојатно се наоѓа во болница и поради повредите не може да се појави во јавноста.Во меѓувреме се појавуваат различни информации за неговата здравствена состојба. Дел од иранските претставници тврдат дека повредите се полесни и дека Хаменеј продолжува да ги извршува своите должности, додека други извори наведуваат дека тој закрепнува по нападот.Хаменеј досега не се појави во јавноста откако ја презеде функцијата врховен лидер по смртта на неговиот татко.

Свет | пред 1 месец