МОТО ГП

Хаос во Мото ГП: Тешка несреќа во Каталонија, трката прекината

Трката за Големата награда на Каталонија во класата Мото ГП беше прекината по сериозна несреќа во која учествуваа неколку водечки возачи.Инцидентот се случи на патеката „Барселона-Каталуња“ во Монмело, кога Шпанецот Алекс Маркез, возејќи за Дукати-Грезини, во борба за водството удри во мотоциклот на сонародникот Педро Акоста.По контактот, Маркез со голема брзина излета во заштитната зона и падна, а неговиот мотор неколкупати се преврте на патеката. Во инцидентот настрада и Италијанецот Фабио ди Џанантонио, кој падна откако го погоди дел од уништениот мотор на Маркез.Организаторите веднаш ја прекинаа трката за расчистување на патеката.Алекс Маркез бил свесен по несреќата, но со медицинско возило бил пренесен во болница на дополнителни прегледи.Во меѓувреме, Педро Акоста успеал да се врати до боксот со оштетен мотор, додека Французинот Јоан Зарко бил погоден од делови од моторите и видливо куцал по инцидентот.Трката продолжи по прекинот, но хаосот не запре. Наскоро следуваа нови падови во кои беа вклучени Франческо Бањаја, Лука Марини и Зарко.Подоцна Раул Фернандез предизвика уште еден инцидент, откако агресивно влезе во Хорхе Мартин, кој повторно падна и бесно реагираше по враќањето во боксот.На крајот, победата ја однесе Фабио ди Џанантонио.

Спорт | пред 1 седмица

Марк Маркез: Не очекував титула пет трки пред крајот на сезоната

Возачот на Дукати, Шпанецот Марк Маркез, изјави дека не очекувал да ја освои титулата во Мото ГП шампионатот дури пет трки пред крајот на сезоната, пренесоа шпанските медиуми.Маркез ја обезбеди титулата на 28 септември, на трката за Голема награда на Јапонија, со што предвреме го потврди приматот во таканаречената „кралска класа“ на мотоциклизмот. Иако сезоната за него заврши порано од очекуваното поради повреда, успехот беше веќе запечатен.По освојувањето на титулата, Маркез се повреди на 5 октомври по пад на трката за Голема награда на Индонезија. Поради оперативен зафат и периодот на рехабилитација, тој не настапи до крајот на сезоната, но тоа не ја засени доминацијата што ја прикажа претходно.Во текот на годината, Маркез забележа 11 победи на главните трки и уште 14 триумфи во спринт-трките, бројки што јасно ја отсликуваат неговата супериорност и стабилност во текот на целата сезона. Со ваков биланс, шпанскиот ас ја заокружи една од најубедливите кампањи во поновата историја на Мото ГП, оставајќи силен печат и покрај прераниот прекин поради повредата.

Спорт | пред 5 месеци

(Видео) Страшна несреќа во Формула 1: Болидот преполовен, трката веднаш прекина

Трката за Големата награда на Монако во Формула 1 беше привремено запрена во првиот круг во неделата поради голем инцидент на патеката во кој беа вклучени тројца возачи.Возачот на Ферари, Шарл Леклер стартуваше од пол-позицијата и успеа да го задржи водството.Сепак, неговиот тимски колега Карлос Саинз излета од патеката веќе во првиот круг.Трката беше прекината неколку секунди подоцна кога возачот на Хаас Кевин Магнусен удри во болидот на Ред Бул Серхио Перез. Мексиканецот потоа удри во заштитната шина пред да го закачи Ник Хулкенберг од Хас.Болидот на Ред Бул е целосно уништен, а Перез е неповреден. Организаторите на трката најавија дека трката ќе продолжи во 15:44 часот по расчистувањето на патеката.

Спорт | пред 2 години