МРТВ2

„Главната уредничка на МРТВ2 е винвона што се емитуваше т.н. 'голема Албанија' во програма“: директорот бара смена на Гаши

Директорот на Македонска радио-телевизија, Марјан Цветковски, бара разрешување на главната уредничка на МРТВ2, Мерита Гаши, откако во програмата беше емитуван детски фестивал со симболи на т.н. „Голема Албанија“.Цветковски за „Скопје1“ изјави дека постапката од негова страна е завршена и дека ќе биде испратено барање до уредништвото и до Програмскиот совет за утврдување одговорност, со предлог за разрешување и прераспределување на пониско работно место.Постапката е покрената по задолжение од Програмскиот совет да се утврди одговорност за емитувањето на содржината на национална фреквенција. Дополнително, прекршувања констатираше и Агенција за аудио и аудиовизуелни медиумски услуги.Според извештајот на АВМУ, со изведбата на песната „Албански територии (Trojet Shqiptare)“ се поттикнувала етничка нетрпеливост преку иредентистички симболи и политички пораки. Изведувачката носела маица со карта на т.н. „Голема Албанија“, а на неа бил испишан слоганот „Еден јазик, еден народ, една крв“. Во текот на настапот биле користени и гестови со симболот на двоглавиот орел, додека текстот на песната содржел пораки за територијално обединување на делови од повеќе држави во регионот.Случајот беше отворен откако „Скопје1“ го детектираше емитувањето на спорната содржина и побара институционална разврска.

Македонија | пред 6 дена

Главната уредничка била на боледување, кој дозволи „голем Албанија“ во етерот на МРТВ2

Директорот на МРТ, Марјан Цветковски доби задолжение да утврди кој е виновен што во етерот на МРТВ2 се емитуваше детски фестивал со настап, каде дете носеше маицата со мотиви на т.н. „голема Албанија“. Задолжението му е дадено од Програмскиот совет, кои утврдија прекршување на закон.Контактиравме и со Цветковски кого го прашавме колку пати претходно овој настап бил емитуван на програмата, пред „Скопје1“ да го забележи и да алармира. Тој не даде одговор. Но истовремено, известен е за насоките од Советот.„Програмскиот совет заклучи дека со емитувањето на содржината на МРТВ2, е констатирано прекршување на посебните забрани од член 48 од Закон за АВМУ. Програмскиот совет го задолжува директорот на МРТ согласно законските надлежности да преземе соодветни активности и мерки за утврдување на одговорноста во врска со констатираното прекршување“, стои во заклучокот на Програмскиот совет на МРТВ, дознава „Скопје1“.Цветковски пак, не открива кои се неговите наредни чекори, а на сите наши прашања само кусо одговори: „Постапката е во тек, штом заврши, ќе бидете известени“.Според извори на „Скопје1“, главната уредничка на МРТВ2, Мерита Гаши, била на боледување во моментот кога содржината е емитувана. Но не е познато дали таа ја правела програмската шема, или истата ја одобрила.И АВМУ ја оспори емитуваната содржина. Тие дополнително констатираа дека покрај спорниот преден дел на маицата, позади на истата пишувало „Еден јазик, еден народ, една крв“,  додека текстот на песната содржел и поттикнувал територијално обединување на земји и градови во регионот.

Македонија | пред 2 седмици

Ќе се утврдува кој и зошто дозволил детски настап со симбол на „голема Албанија“ на МРТВ2: во четврток точката пред Програмскиот совет

МРТВ ќе утврдува кој дозволил и зошто на вториот програмски сервис да се емитува детски настап со симболи поврзани со т.н. „голема Албанија“, откако „Скопје1“ објави дека во саботата во 11 часот беше прикажана песната „Trojet shqiptare“ („Албански територии/земји“), проследена со визуелни елементи што асоцираат на територијални претензии.Директорот на МРТВ, Марјан Цветковски, во кратка изјава за „Скопје1“ посочи дека институцијата веќе постапува и дека ќе се утврди одговорноста.„Се постапува согласно закон и внатрешните акти на МРТ. Штом заврши целата постапка ќе бидете информирани. Очекувам дека во четврток ќе имаме седница на Програмскиот совет кој е надлежен за вакви прашања“, рече Цветковски.Од Програмскиот совет на МРТВ потврдуваат дека случајот ќе биде отворен на следната седница.„Програмскиот совет ќе ја отвори оваа точка во четврток на седница. Согласно Деловникот и Статутот ќе постапуваме по своите надлежности“, велат од Советот за „Скопје1“.Според информации на „Скопје1“, уредничката на вториот програмски сервис подолг период е на боледување, што отвора дополнителни прашања околу уредничката контрола и одговорноста за емитуваната содржина. Засега останува нејасно дали станува збор за прво емитување на овој детски фестивал на МРТВ2 или содржината претходно поминала без реакција.Во текстот на песната се пеат стихови: „Летај, летај, Албанијо, летај, знамето наше се издигнува над земјата“, по што следува порака за обединување: „Ќе дојде ден кога сите ќе бидеме заедно, зашто сме еден народ, еден сон, една цел“. Песната завршува со мотиви за слобода и опстојување, со порака дека народот ќе живее слободно.Реакциите во јавноста се засилија поради визуелниот дел, каде беше прикажана мапа која опфаќа делови од Македонија, Србија, Грција и Црна Гора. Фактот што ваква содржина е емитувана на јавен сервис отвори дилема за границата меѓу културен израз и политичка симболика, особено кога станува збор за програма во која учествуваат деца.Случајот сега се сели во институционална процедура, но суштинското прашање останува – како ваква содржина воопшто поминала низ филтрите на јавниот сервис.

Македонија | пред 3 седмици