Денеска во 01.00 часот на Граничниот премин Деве Баир, полициски службеници го лишиле од слобода 32-годишниот М.Д. од Република Турција, затоа што при извршена проверка било констатирано дека приложил фалсификувана зелена карта за возилото кое го управувал.Тој бил предаден на полициски службеници од Полициската станица Крива Паланка за понатамошна постапка.
Македонија | пред 1 година
Денеска во 07.00 часот во Скопје, на подрачјето на Центар, полициски службеници од Единицата за интервентна полиција при СВР Скопје го привеле Р.О.(33) од Скопје, затоа што кај него бил пронајден и одземен нож. По целосно документирање на случајот ќе следува соодветен поднесок.Денеска во 00.30 часот во Скопје, на подрачјето на Центар, полициски службеници од Единицата за интервентна полиција при СВР Скопје привеле малолетник од Скопје, затоа што кај него биле пронајдени и одземени два ножа.По целосно документирање на случајот ќе следува соодветен поднесок.
Скопје | пред 1 година
Денеска околу 10.15 часот на Граничен премин Долно Блаце, полициски службеници го лишиле од слобода 55-годишниот С.Х. од Косово, извести МВР.Тој управувал минибус на релација Косово – Грција и кога пристапил на пасошка контрола, поради тоа што немал сертификат за вршење меѓународен превоз на патници, на полицискиот службеник му понудил поткуп, соопшти МВР.За случајот бил известен Отсекот за прекуграничен криминал и миграции при Регионалниот центар за гранични работи Север, а лицето било приведено во полициска станица за понатамошна постапка.
Македонија | пред 1 година
Вчера во 13.45 часот во тетовски Пирок, полициски службеници од СВР Тетово го лишиле од слобода 30-годишниот А.Х. од Пирок поради сомнение за сторено кривично дело „приредување на игри на среќа без лиценца, односно дозвола од надлежен орган“ предвидено во член 156 од Законот за игрите на среќа и забавните игри.При контролата во неговиот мобилен телефон, било констатирано дека користел веб страница за онлајн игри на среќа за која имал административни права за креирање на други корисници. Исто така, пронајдена е листа со играчи кои биле активни, како и баланс на ставен кредит, со баланс сума и достапни кредити, како и пораки на средства за комуникација со барања за надополнување на кредити на платформата.Мобилниот телефон му бил одземен, а тој бил задржан во полициска станица за понатамошна постапка. Во исто време, полициски службеници од СВР Тетово, во содејство со УЈП и Државен инспекторат за труд, извршиле контрола и во спортската обложувалница во с.Пирок, во која работел, а е сопственост на Е.Ш и И.Ш., двајцата од Тетово.При контролата биле констатирани неправилности во работењето на обложувалницата, за што ќе бидат преземени соодветни мерки од надлежните институции. По документирање на случајот, ќе биде поднесена соодветна пријава.
Македонија | пред 1 година
15-годишно момче загина, а 16-годишник се здобил со тешки телесни повреди во сообраќајна несреќа која се случи вчера на магистралниот пат Куманово-Крива Паланка во населбата Карпош, соопшти денеска СВР Куманово.Во сообраќајката учествувало возило „бмв” со албански национални ознаки и мотоцикл „јамаха“.„Вчера околу 21.40 часот во СВР Куманово било пријавено дека на магистрален пат Куманово – Крива Паланка, во населба Карпош – Куманово, се случила сообраќајна незгода помеѓу патничко моторно возило ‘бмв’ со албански национални ознаки, управувано од 37-годишниот И.Б. од Скопје и мотоцикл ‘јамаха’ управувано од малолетник од Куманово. Во незгодата, од здобиените повреди на местото починал 15-годишен сопатник на мотоциклот од Куманово, а смрт констатирал лекар од Итна медицинска помош. Додека, 16-годишниот возач на мотоциклот се здобил со тешки телесни повреди, констатирани во болницата во Куманово“, информира СВР Куманово.Увид на местото на несреќата извршиле екипа од СВР Куманово и јавен обвинител.Телото на починатиот било дадено на обдукција, возачот на патничкото возило бил лишен од слобода, а автомобилот и мотоциклот биле предадени на вонреден технички преглед.
Македонија | пред 1 година
Основното јавно обвинителство Скопје донесе Наредба за спроведување истражна постапка против едно лице за кое постои основано сомнение дека сторило кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 и став 1 од Кривичниот законик.Осомничениот 66-годишен пензионер, во својот дом во Козле, неовластено држел муниција и експлозивна материја кои на граѓаните им се забранети – една рачна бомба полнета со 100 гр. ТНТ експлозив и запалка, 181 куршуми боева муниција со различен калибар наменети за автоматски пушки и тешки митралези, шест тегли со сачми со различна големина на оловни проектили со вкупна маса од околу 2.800 грама, четири најлонски ќеси со барут и два алати за изработка на ловна муниција.Поради опасност од бегство и можност да го повтори делото, јавниот обвинител до судијата на претходна постапка од Основниот кривичен суд Скопје достави предлог за определување мерка куќен притвор за осомничениот.
Македонија | пред 1 година
Дежурен јавен обвинител од Основното јавно обвинителство Прилеп изврши увид на лице место а тешката сообраќајна несреќа на патот Прилеп-Битола во која утрово три лица го загубија животот, а едно е повредено.Според првичните сознанија, до несреќата дошло при судар на патничко возило „тојота“ со прилепски регистарски ознаки и товорно возило „волво“ со скопски ознаки. Причините за несреќата се утврдуваат.Јавниот обвинител издаде наредба за обдукција на телото на починатите, сите патници во автомобилот, како и за испитување на примероци од крв и урина од возачот на камионот. Наредено е и сообраќајно-техничко вештачење за утврдување на причините.
Македонија | пред 1 година
Основното јавно обвинителство Тетово поведе постапка против 29-годишник од селото Церово кој е осомничен дека спрема малолетничка родена 2007 година сторил кривично дело – Злоупотреба на лични податоци од член 144 став 2, како и Полово вознемирување според член 190-а став 1 од Кривичниот законик.Осомничениот во повеќе наврати, преку една социјална мрежа, ја контактирал оштетената, објавувал нејзини фотографии придружени со текст со вулгарна и недолична содржина, упатувал непристојни пораки со што ја нарушувал нејзината чест и углед и предизвикувал чувство на непријатност, навреденост, понижување и страв.По предлог на јавниот обвинител, судијата на претходна постапка од Основниот суд во Тетово на осомничениот му определи мерка притвор во траење од осум дена.
Македонија | пред 1 година
Одделот за криминалистичка полиција - Сектор за економски криминал и корупција во координација со Одделот за сузбивање на организиран и сериозен криминал, до Основното јавно обвинителство Скопје, поднесе кривична пријава против градоначалник на една скопска општина, пет лица вработени во Секторот за урбанизам во истата општина и правно лице од Скопје поради постоење основи на сомнение за сторено кривично дело „злоупотреба на службена положба и овластување“.Имено, по поднесено барање за утврдување на правен статус на бесправен објект од страна на пријавеното правно лице, пријавените пет вработени во општината излегле на местото, бил изготвен записник за увид на место, во кој спротивно на Законот за градење и Законот за утрдување на правен статус на бесправно изградени објекти, констатирале дека наводно објектите за спорт и рекреација - тениски игралишта ги исполнуваат условите за нивна легализација, иако таков вид на објекти се времени објекти и не можат да бидат предмет на легализација, по што изготвиле и заедно со пријавениот градоначалник потпишале урбанистичка согласност, а по плаќањето на одредениот данок на имот, изготвиле и потпишале решение за утврдување на правен статус на бесправен објект.На тој начин му овозможиле на пријавеното правно лице да ги запише наводно бесправните објекти во вкупна површина од 3993 метри квадратни, односно да се стекне со противправна имотна корист во износ од 147.341.700 денари.
Македонија | пред 1 година
На 02.10.2024 околу 22.30 часот во Скопје полициски службеници од Оперативен тим потраги при СВР Скопје го лишија од слобода А.А. (26) од Скопје, кој по наредба од Основен кривичен суд Скопје бил баран поради бегство од КПУ Затвор Куманово, а бил осуден на казна затвор од четири години и седум месеци во врска со чл.215 ст.3 за сторено кривично дело „неовластено производство и пуштање во промет на наркотични дроги, психотропни супстанци и прекурсори“.Исто така, А.А. бил баран и во врска со кривично дело по чл.259 (изнуда). Лицето ќе биде предадено на надлежната казнено поправна установа.
Македонија | пред 1 година
Радиолог, гинеколог и радиолошки технолог загинаа во тешката сообраќајна несреќа на магистралниот пат Прилеп-Битола.Преку социјалните мрежи за нивната смрт извести и Асоцијацијата на специјализанти и млади лекари, како и болницата Плодност.Прим. д-р Александар Ристески, врвниот македонски радиолог, спец. гинеколог д-р Никола Василески и радиолошкиот технолог Фанче Јованоска, ги загубија животите во тешката сообраќајна несреќа утринава, доаѓајќи на своите работни места од Прилеп.Менаџерскиот тим и целиот персонал на Болница Плодност со неверување во текот на денот ја примија веста и со длабока тага им изразуваат почит на прерано загинатите колеги.„Изразуваме длабоко сочувство до семејства на нашите колеги, за прераната загуба на нивните членови на семејствата. Секој од нив имаше свое посебно место во нашата болница и во нашите срца. Прим. д-р Александар Ристески беше врвен бренд во македонската радиологија, но и во светски рамки. Неговата десна рака и соработник, радиолошкиот технолог Фанче Јованоска, беше неизоставен дел од Одделот за рентген дијагностика. Спец. гинеколог д-р Никола Василески долги години беше дел од гинеколошкиот тим на доктори во нашата болница. На достоен начин, Болница Плодност секогаш ќе ги памети нивните дела, но и нивните насмевки, топли зборови и секогаш отворени срца за пациентите и за колегите. Нивниот придонес ќе биде вечно запаметен и врежан во историјата на македонската медицина, но најмногу во аналите на историјата на Болница Плодност“, рече прим. д-р Таше Трпчевски, менаџер и сопственик на Болница Плодност.
Македонија | пред 1 година
Вчера во 00.50 часот во Скопје, на подрачјето на Бит Пазар, полициски службеници од Единицата за интервентна полиција при СВР Скопје го привеле 19-годишниот Б.И. од Скопје затоа што кај него бил пронајден и одземен нож. По целосно документирање на случајот ќе следува соодветен поднесок по член 80 од Законот за оружје.Вчера во 22.30 часот во Скопје, на подрачјето на Гази Баба, полициски службеници од Единицата за интервентна полиција при СВР Скопје го привеле 18-годишниот Ќ.К. од Скопје затоа што кај него бил пронајден и одземен нож.По целосно документирање на случајот ќе следува соодветен поднесок по член 80 од Законот за оружје.
Македонија | пред 1 година
На 02.10.2024 во 18.30 часот, полициски службеници од СВР Куманово лишиле од слобода 17 - годишник од Куманово поради сомнение дека од угостителски објект на улица „Моша Пијаде“ во Куманово одзел повеќе предмети.Дел од предметите биле пронајдени и вратени на сопственикот.По целосно документирање на случајот, против него ќе следува соодветен поднесок.
Македонија | пред 1 година
На 02.10.2024 во 15.30 и 16.15 часот во Кичево, полициски службеници од надворешната канцеларија за криминалистички работи при ОВР Кичево ги лишија од слобода Ј.Х.К.(58) од Швајцарија, со привремен престој во Кичево, и М.Р.(44) од Република Австрија, исто така, со привремен престој во Кичево.При претрес во домот во кој времено престојува Ј.Х.К., извршен со судска наредба, биле пронајдени и одземени пакувања со марихуана, саксии со растението канабис, семки од растението канабис, вага со остатоци од марихуана и други предмети. Додека при претрес во домот во кој времено престојува М.Р., извршен исто така со судска наредба, биле пронајдени и одземени марихуана, семки од растението канабис, дробилка со остатоци од марихуана, шише исполнето со непозната течност, капсули и други предмети со остатоци од бела материја.Двајцата биле задржани во полициска станица и по целосно расчистување и документирање на случаите, против нив ќе биде поднесена соодветна пријава.
Македонија | пред 1 година
Во сообраќајката на патот Прилеп - Битола кај клучката Лагово загинаа три лица.По судирот патничкото возило „тојота“ се запалило и на лице место починале тројцата патници во истото. Смртта ја констатирал лекар од Итна медицинска помош Прилеп.Увидот го врши јавен обвинител и полициски службеници од ОВР Прилеп.Од 08.00 часот сообраќајот на патот А3 Прилеп- Битола кај село Лагово е затворен за сообраќај во двата правци.
Македонија | пред 1 година
Во директен судир меѓу „тојота“ кој се движел кон Битола и товарно возило кое се движело кон Прилеп, загинаа три лица, а едно е повредено.При судирот возилата се запалиле, а екипите на Противпожарната единица сè уште се обидуваат да го изгаснат огнот.Како што извести АМСМ, магистралниот пат Прилеп – Битола е во целосен прекин, а екипите на полицијата и обвинителството сè уште се на увид на местото на несреќата.
Македонија | пред 1 година
Утрово во 07.51 часот во СВР Битола било пријавено дека на патот Прилеп - Битола кај клучката Лагово се случила сообраќајна несреќа помеѓу патничко возило „тојота" со прилепски регистарски ознаки управувано од 42-годишниот Н.В. од Прилеп и сопатници А.Р и Ф.Ј., сите од Прилеп и товарно возило „волво" со скопски регистарски ознаки управувано од 51-годишниот Г.Р. од Битола.Во несреќата патничкото возило се запалило и на лице место починале тројцата патници во истото. Смртта ја констатирал лекар од Итна медицинска помош Прилеп.Увидот го врши јавен обвинител и полициски службеници од ОВР Прилеп.Од 08.00 часот сообраќајот на патот А3 Прилеп- Битола кај село Лагово е затворен за сообраќај во двата правци.
Македонија | пред 1 година
АМСМ известува дека утрово во 08 часот се случила сообраќајна незгода на магистралниот пат Битола-Прилеп, кај клучка „Лагово“.Патот е затворен за сообраќај.
Македонија | пред 1 година
На 01.10.2024 во 13.50 часот во Полициската станица Карпош, од Јавна установа за згрижување на деца било пријавено дека од установата се оддалечил нивниот штитеник Р.М.(17) од Скопје, кој и претходно се оддалечувал и бил враќан.Се преземаат мерки за пронаоѓање на лицето.На 01.10.2024 во 13.50 часот во Полициската станица Карпош, од Јавна установа за згрижување на деца било пријавено дека нивниот штитеник К.П.(17) од Скопје, кој на 30.09.2024 беше пријавен дека се оддалечил од установата, се вратил.
Скопје | пред 1 година
На 01.10.2024 во 12.30 часот во СВР Скопје било пријавено дека во Скопје, на подрачјето на Карпош, по претходна расправија, бил нарушен јавниот ред и мир со физичка пресметка помеѓу М.Б.(33) и Е.П.(35), двајцата од Скопје. По целосно документирање на случајот ќе следува соодветен поднесок.На 01.10.2024 во 18.30 часот во СВР Скопје, било пријавено дека на паркинг простор во Скопје, на подрачјето на Карпош, по претходна расправија околу паркинг место, бил нарушен јавниот ред и мир со физичка пресметка помеѓу К.Ј.С.(44) и А.Н.(35), двете од Скопје. По целосно документирање на случајот ќе следува соодветен поднесок.На 01.10.2024 во 12.30 часот во СВР Скопје, Х.С.(22) од с.Сингелиќ, скопско, пријавила дека на 30.09.2024 во 06.30 часот во с.Матка, скопско, во дворот на семејната куќа на нејзините родители, била физички нападната од едно лице кое употребило и остар предмет. Се преземаат мерки за расчистување на случајот.На 01.10.2024 во 10.30 часот во СВР Скопје, С.А.(40) од Скопје пријавил дека околу 09.30 часот во Скопје, на подрачјето на Шуто Оризари, неговиот малолетен син бил физички нападнат од друг малолетник, кој бил со уште двајца малолетници и притоа му се заканил со остар предмет. Се преземаат мерки за расчистување на случајот.На 01.10.2024 во 15.00 часот во СВР Скопје, Д.М.(40) од Скопје пријавил дека на 30.09.2024 околу 19.50 часот на паркинг простор на подрачјето на Гази Баба со тврд предмет бил нападнат од Е.Н. и А.Н., кои претходно го оштетиле неговото патничко возило. По целосно документирање на случајот ќе следува соодветен поднесок.На 01.10.2024 во 21.45 часот во СВР Скопје, С.М.(68) од Скопје пријавил дека околу 20.00 часот на подрачјето на Бит Пазар, едно лице со употреба на физичка сила му одзело чанта во која имало лични документи и мобилен телефон. Се преземаат мерки за расчистување на случајот.На 01.10.2024 во 23.15 часот во СВР Скопје, Х.К.(57) од Скопје пријавила дека околу 22.30 часот на подрачјето на Бит Пазар едно лице со употреба на физичка сила ѝ одзело мобилен телефон. Се преземаат мерки за расчистување на случајот.
Скопје | пред 1 година
Вчера попладне, во 14.10 часот во село Церово, тетовско, полициски службеници од СВР Тетово го лишиле од слобода 29-годишниот И.С. од село Церово.Тој бил пријавен од малолетничка од Тетово дека на социјални мрежи креирал неколку профили на нејзино име на кои поставил слики од малолетничката, кои без нејзина дозвола ги одзел од нејзиниот профил од една социјална мрежа, а потоа од неа барал да имаат сексуални односи доколку сака да бидат избришани профилите.И.С. е задржан во полициска станица и против него е поднесена кривична пријава, а денеска ќе биде изведен пред судија на претходна постапка.
Македонија | пред 1 година
На 01.10.2024 во 12.05 часот на наплатна станица Градско, полициски службеници од Мобилната единица за компезаторни мерки при Одделот за гранични работи и миграции извршиле контрола на товарно возило „сканиа“ со кавадаречки регистарски ознаки, управувано од П.Н.(63).При контролата било утврдено дека тахографот од возилото не е баждарен, односно е истечен од јануари 2024 година.За настанот бил известен дежурен инспектор од Државен инспекторат за транспорт, кој излегол на местото и на возачот му изрекол глоба во висина од 3.900 евра.
Македонија | пред 1 година
Во текот на вчерашниот ден во полициските станици низ градот три скопјанки пријавиле каснување од куче скитник.На 01.10.2024 во 09.45 часот во Полициската станица Гази Баба, А.С.(53) од Скопје пријавила дека на ул.„Методија Андонов Ченто“ во Скопје била касната од куче скитник.На 01.10.2024 во 13.00 часот во Полициската станица Ѓорче Петров, М.Р.(36) од Скопје пријавила дека на ул.„Лука Геров“ во Скопје била касната од куче скитник.На 01.10.2024 во 12.00 часот во Полициското одделение Шуто Оризари, Ф.А.(29) од Скопје пријавила дека на ул.„Брсјачка буна“ во Скопје, нејзиниот малолетен син бил каснат од куче скитник.
Скопје | пред 1 година
Вчера во 20.00 часот на улица „Љуботенска“ во Тетово, полициски службеници од СВР Тетово го привеле 55-годишниот С.А. од Тетово, кој бил баран со судска наредба за издржување на затворска казна.Лицето било предадено во Казнено – поправната установа Затвор Тетово за издржување на казната.
Македонија | пред 1 година
Вчера вечер во 21.15 часот во ОВР Гостивар било пријавено дека во село Врапчиште, гостиварско, малолетник од истото село, управувајќи електричен тротинет, изгубил контрола и паднал.Притоа, со тешки телесни повреди се здобил малолетникот, констатирани во Ургентен центар Гостивар. Увид извршила екипа при ОВР Гостивар.
Македонија | пред 1 година
Нашата веб-страница користи колачиња за подобрување на корисничкото искуство и анализа на сообраќајот.
Прв ќе ги дознаваш ударните и вонредните случувања
