МВР

Заталкан куршум оштетил дворска маса во скопски Бутел

Жител на Скопје пријавил дека заталкан куршум оштетил пластична маса во дворот на неговата куќа во населбата Бутел.Според информациите од Министерството за внатрешни работи, на 28 мај околу 13:50 часот во СВР Скопје, Е.М. (62) од Скопје пријавил дека во дворот на неговиот дом паднало зрно од огнено оружје.Од заталканото зрно била оштетена пластична маса, при што не се пријавени повредени лица.Полицијата презема мерки и активности за расчистување на случајот и утврдување од каде било испукано зрното.

Македонија | пред 1 ден

Агрегат се запалил зад продажен објект во Илинден

Пожар избувнал рано утринава во населбата Илинден, во помошна просторија во која бил сместен агрегат на продажен објект.Според информациите од Министерството за внатрешни работи, на 30 мај околу 05:10 часот во СВР Скопје било пријавено дека настанал пожар во просторија поставена на задната страна од објектот.На местото интервенирала Бригадата за противпожарна заштита, која успеала навремено да го локализира и изгасне пожарот.Во инцидентот нема повредени лица, а се утврдуваат причините за избувнувањето на пожарот.

Македонија | пред 1 ден

Пиштол и муниција откриени при претрес во Тетово, поднесена кривична пријава

СВР Тетово поднесе кривична пријава против Б.В. (47) од Тетово поради сомнение дека сторил кривично дело „неовластено изработување, држење и тргување со оружје или распрскувачки материи“.Според информациите од Министерството за внатрешни работи, случајот произлегува од полициски претрес извршен на 21 октомври 2025 година во домот на А.В., син на пријавениот.При претресот, полициските службеници пронашле пиштол со калибар 7,65 милиметри, како и муниција за оружјето.По преземените истражни дејствија и документирањето на случајот, против Б.В. е поднесена соодветна кривична пријава до надлежното обвинителство.

Македонија | пред 1 ден

Изгубил контрола над мопедот, излетал од патот и удрил во дрво – тешко повреден 18-годишник

Осумнаесетгодишен мопедист од Гевгелија се здобил со тешки телесни повреди во сообраќајна несреќа што се случила на регионалниот пат меѓу селата Пирава и Јосифово во валандовскиот регион.Како што информира Министерството за внатрешни работи, на 29 мај во 19:10 часот во Полициската станица Валандово било пријавено дека мопед со гевгелиски регистарски ознаки, управуван од Ф.Д. (18) од Гевгелија, изгубил контрола, излетал надвор од коловозот и удрил во дрво.Во несреќата младиот возач се здобил со тешки телесни повреди, кои биле констатирани во Здравствениот дом во Гевгелија.Увид на местото на настанот извршила екипа од ОВР Валандово, а се утврдуваат причините за несреќата.

Македонија | пред 1 ден

За да избегне судир со товарно возило излетал од коловозот, мопедист заврши со тешки повреди

На 29 мај околу 17:40 часот во СВР Куманово било пријавено дека во селото Горно Коњаре се случила сообраќајна несреќа во која тешко е повреден возач на мопед.Според информациите од полицијата, несреќата се случила на крстосница меѓу локалниот пат што води кон месноста „Бело Брдо“ и патот кон месноста „Млинари“. И.Ѓ. (57) од Горно Коњаре, управувајќи мопед „Кимко“ со кумановски регистарски ознаки, нагло свртел за да избегне директен судир со товарно возило „Ивеко“ со скопски регистарски ознаки, управувано од К.Т. (61) од Куманово.При маневарот, мопедистот изгубил контрола врз возилото и паднал надвор од коловозот.Во несреќата тој се здобил со тешки телесни повреди, кои биле констатирани во Општата болница во Куманово.Увид на местото на настанот извршила увидна екипа од СВР Куманово, а се работи на целосно расчистување на околностите под кои се случила несреќата.

Македонија | пред 1 ден

Нов бран случаи на семејно насилство: МВР регистрираше седум пријави за 24 часа

Министерството за внатрешни работи информира дека во текот на последното деноноќие биле регистрирани седум случаи на семејно насилство, при што пет лица биле лишени од слобода, а за едно од нив е поднесена кривична пријава и му е одредена мерка притвор.Најсериозниот случај е регистриран во Велес, каде што на 29 мај во 08:40 часот бил приведен 62-годишниот Л.Н., откако физички ја нападнал својата малолетна ќерка, ѝ се заканувал, а физички ја нападнал и својата 56-годишна сопруга. При проверките било утврдено дека бил под дејство на алкохол, со измерени 0,70 промили алкохол во крвта. По поднесената кривична пријава, судија на претходна постапка му одредил мерка притвор и тој бил спроведен во КПУ Затвор Скопје.Во Куманово биле приведени две лица. Во 11:20 часот бил лишен од слобода Н.Ц. (44) поради физички напад врз неговата сопруга, а еден час подоцна бил приведен и Д.С. (40), кој физички ги нападнал својата партнерка и нејзиниот син.Во Тетово биле пријавени два инцидента поврзани со 57-годишниот В.Р. Неговата мајка пријавила дека агресивно се однесувал и кршел предмети во станот, додека нивна сосетка пријавила дека ѝ нанел повреди со остар предмет. По интервенција на полицијата и Итната медицинска помош, лицето било хоспитализирано во здравствена установа во Скопје.Во Скопје, 39-годишна жена пријавила дека нејзиниот поранешен вонбрачен партнер ѝ упатувал закани, додека во Велес бил приведен и 24-годишниот Д.Д. поради физички напад врз неговата невенчана сопруга.Дополнително, во Охрид бил пријавен случај во кој А.Н. во семејниот дом бил агресивен кон својата мајка и ѝ упатувал закани по живот.Од МВР соопштуваат дека се преземаат мерки за целосно расчистување на сите случаи, по што против сторителите ќе бидат поднесени соодветни пријави.

Македонија | пред 1 ден

(Вознемирувачко видео) 19-годишен моторџија загина по тешка сообраќајна несреќа во Скопје

Деветнаесетгодишен моторџија го загуби животот по тешка сообраќајна несреќа што се случила синоќа во Скопје.Според информациите од Министерството за внатрешни работи за „Скопје1“, вчеравечерта во 22:21 часот било пријавено дека на крстосницата меѓу булеварот „Никола Карев“ и улицата „Прохор Пчински“ се случила сообраќајна несреќа во која учествувале патничко возило „ауди А4“, управувано од Н.Х.(31) од село Визбегово, мотоцикл „БМВ“ управуван од М.Ф.(19) од Скопје и мотоцикл „Хонда ХДВ“ управуван од Н.Б.(21) од Скопје.Во несреќата тешки телесни повреди добил 19-годишниот М.Ф., кој бил пренесен во Комплексот клиники „Мајка Тереза“.„Во несреќата со тешки телесни повреди се здобил М.Ф., констатирани во Комплексот клиники ‘Мајка Тереза’, каде подоцна починал, а од страна на лекар констатирана била смрт“, соопшти МВР.По наредба на јавен обвинител, возачот на автомобилот Н.Х. бил лишен од слобода.Увид на местото на несреќата извршиле јавен обвинител и увидна екипа од СВР Скопје.

Македонија | пред 1 ден

Низа полициски акции: Осум лица лишени од слобода поради дрога

Осум лица биле лишени од слобода во текот на изминатото деноноќие во повеќе одвоени случаи поврзани со недозволена трговија и поседување дрога, соопшти Министерството за внатрешни работи.Во Скопје, на подрачјето на Центар, во првите минути по полноќ бил приведен 34-годишниот Р.М., кај кого била пронајдена марихуана. Претходно, на подрачјето на Карпош бил лишен од слобода и 37-годишниот Е.М., кај кого била пронајдена бела прашкаста материја.Во КПУ Затвор Идризово бил приведен 37-годишниот Ф.А. од скопското село Грчец, вработен во установата, откако при влез во видувалната оставил кафеава прашкаста материја на рафт.Во Струга бил уапсен 54-годишниот А.Н., кај кого била пронајдена опаковка со бела прашкаста материја, додека во Неготино бил приведен 17-годишник, кај кого била пронајдена цигара со зелена растителна материја.Во Прилеп, пак, полицијата лишила од слобода двајца малолетници, откако при преглед кај едниот од нив била пронајдена марихуана.На Граничниот премин Табановце, при влез во државата, бил приведен и 42-годишниот Т.Ц. од Унгарија. При контрола на неговото возило и личниот багаж биле пронајдени бела прашкаста материја и таблети.Од МВР информираат дека по целосното документирање на случаите против сите лица ќе бидат поднесени соодветни пријави и поднесоци.

Македонија | пред 2 дена

Три случаи на насилство и вознемирување пријавени во Скопје

Три одвоени случаи на насилство и вознемирување биле пријавени во текот на вчерашниот ден во Скопје, информира Министерството за внатрешни работи.Првиот случај бил пријавен околу 19:30 часот, кога 35-годишна жена во СВР Скопје пријавила дека на подрачјето на Шуто Оризари била физички нападната од нејзиниот вонбрачен партнер Е.М.Еден час подоцна, во 20:30 часот, 41-годишна жена пријавила дека нејзиниот поранешен вонбрачен партнер М.А. психички ја вознемирувал и ѝ упатувал закани.Во третиот случај, околу 22:15 часот, Е.С. (33) од Скопје пријавила дека нејзиниот малолетен син бил физички нападнат од двајца малолетници во автобус на подрачјето на Чаир. Според пријавата, нападот се случил околу 21:50 часот.Од Министерството за внатрешни работи информираат дека се преземаат мерки за расчистување и документирање на сите случаи.

Скопје | пред 2 дена

Малолетник со мопед удрил пешак во Гевгелија, две лица тешко повредени

Две лица се здобиле со тешки телесни повреди во сообраќајна несреќа што се случила синоќа на булеварот „Гевгелија“ во Гевгелија, информира Министерството за внатрешни работи.Според полицијата, несреќата била пријавена во 22:45 часот, кога мопед со гевгелиски регистарски ознаки, управуван од 16-годишен малолетник од Гевгелија, удрил во пешакот В.С. (57) од Гевгелија.Во несреќата со тешки телесни повреди се здобиле пешакот и 17-годишен сопатник на мопедот од селото Моин, гевгелиско.Повредите биле констатирани во Медицинскиот центар во Гевгелија, каде што повредените биле пренесени за укажување лекарска помош.Увид на местото на несреќата извршила екипа од Одделението за внатрешни работи Гевгелија, а се работи на утврдување на причините и околностите под кои се случил настанот.

Македонија | пред 2 дена

Тешка сообраќајна несреќа во Илинден: Повреден возач на мопед

Дваесетгодишен возач на мопед се здобил со тешки телесни повреди во сообраќајна несреќа што се случила синоќа во населбата Илинден, информира Министерството за внатрешни работи.Несреќата била пријавена во СВР Скопје околу 23 часот, а се случила на улицата „34“, каде што се судриле патничко возило „БМВ“ со скопски регистарски ознаки, управувано од 23-годишниот А.С., и мопед, управуван од 20-годишниот П.С., двајцата од населбата Илинден.Во судирот, возачот на мопедот се здобил со тешки телесни повреди, кои му биле констатирани во Комплексот клиники „Мајка Тереза“.Увид на местото на несреќата извршила увидна екипа на СВР Скопје, а се преземаат мерки за утврдување на причините за несреќата.

Скопје | пред 2 дена

Четворица албански државјани приведени поради незаконски риболов во Преспанското Езеро

Четири лица од Албанија се приведени рано утринава поради незаконски риболов во водите на Преспанското Езеро, информира Министерството за внатрешни работи.Според МВР, околу 5 часот полициски службеници од Регионалниот центар Запад ги затекнале лицата при вршење риболов во период кога е на сила активна забрана за риболов.При извршените проверки било утврдено дека четворицата албански државјани нелегално ја преминале државната граница.На местото бил пронајден уловен крап со вкупна тежина од околу 60 килограми.Од МВР соопштија дека по целосното документирање на случајот против лицата ќе биде поднесен соодветен поднесок.

Македонија | пред 2 дена

Денеска посебен сообраќаен режим во Скопје: ќе има гужви поради Задушница

Министерството за внатрешни работи информира дека денеска, поради верскиот празник Задушница, во Скопје е воведен посебен режим на сообраќај со цел безбедно и непречено движење на возилата.Од Единицата за безбедност на патниот сообраќај при СВР Скопје соопштија дека од 06:00 часот сообраќајот кон градските гробишта „Бутел“ се одвива во една насока, односно кружно.Возилата се движат по улицата „Бутелска“, потоа лево по улицата „Александар Урдаревски“, повторно лево по улицата „Боца Иванова“ и десно кон влезот на гробиштата „Бутел“.За излез од гробиштата, сообраќајот се одвива десно по улицата „Боца Иванова“ до кружниот тек на улицата „Бутелска“, потоа лево по истата улица и десно по улицата „Кемал Сејфула“.Посебен режим на сообраќај е воведен и кај гробиштата во Камник, Драчево и Ѓорче Петров.Од МВР посочуваат дека, доколку има потреба, посебниот режим ќе важи и во сабота и недела, на 30 и 31 мај.Министерството апелира до граѓаните да ги почитуваат наредбите и насоките на полициските службеници на сообраќајниците опфатени со изменетиот режим.

Скопје | пред 2 дена

Посебен сообраќаен режим во Скопје поради Задушница

Министерството за внатрешни работи информира дека утре (29 мај), поради верскиот празник Задушница, во Скопје ќе биде воведен посебен режим на сообраќај со цел безбедно и непречено движење на возилата.Од Единицата за безбедност на патниот сообраќај при СВР Скопје најавуваат дека со почеток од 06:00 часот сообраќајот кон градските гробишта „Бутел“ ќе се одвива во една насока, односно кружно.Возилата ќе се движат по улицата „Бутелска“, потоа лево по улицата „Александар Урдаревски“, повторно лево по улицата „Боца Иванова“ и десно кон влезот на гробиштата „Бутел“.За излез од гробиштата, сообраќајот ќе се одвива десно по улицата „Боца Иванова“ до кружниот тек на улицата „Бутелска“, потоа лево по истата улица и десно по улицата „Кемал Сејфула“.Посебен режим на сообраќај ќе биде воведен и кај гробиштата во Камник, Драчево и Ѓорче Петров.Од МВР посочуваат дека, доколку има потреба, посебниот режим ќе важи и во сабота и недела, на 30 и 31 мај.Министерството апелира до граѓаните да ги почитуваат наредбите и насоките на полициските службеници на сообраќајниците опфатени со изменетиот режим.

Скопје | пред 3 дена

Кривична за бесправно градење кај Неготино: Ископале канал и поставиле кабли без дозвола

Министерство за внатрешни работи соопшти дека ОВР Неготино поднело кривична пријава против правно лице од Скопје, австриски државјанин со иницијали В.М. како одговорно лице во компанијата и Р.М. (52) од Гевгелија, раководител на подружница во Кавадарци, поради сомнение за сторено кривично дело „бесправно градење“.Според информациите од МВР, на 13 мај 2026 година полициски службеници од Надворешната канцеларија за криминалистички работи при ОВР Неготино, заедно со градежен инспектор од Општина Неготино, утврдиле дека пријавените извршиле ископ на канал во должина од околу 600 метри и поставиле кабли за електрична енергија на потегот од селото Пепелиште кон селото Војшанци.Како што наведуваат од МВР, градежните активности биле започнати пред да бидат исполнети законските услови, односно пред да биде платен надоместокот за уредување градежно земјиште во износ од 1.502.981 денари и пред да биде издадено одобрение за градба.Инвеститорот претходно поднел барање до Општина Неготино, но постапката не била завршена во моментот кога започнале работите на терен.Со ваквото постапување, според полицијата, била предизвикана штета на буџетот на Општина Неготино во висина од над 1,5 милиони денари.

Македонија | пред 3 дена

МВР: Нема незаконско постапување при одбивањето влез на британски државјани на Табановце

Министерството за внатрешни работи соопшти дека Одделот за внатрешна контрола, криминалистички истраги и професионални стандарди не утврдил незаконско постапување при одбивањето на влез на четворица државјани на Обединето Кралство на Граничниот премин Табановце на 6 мај годинава.Постапката била покрената по објава на социјална мрежа, каде британски државјанин објавил видео на англиски јазик во кое тврдел дека му бил одбиен влезот во државата, а изнел и наводи за поткуп.По извршените проверки, од МВР информираат дека на 6 мај на ГП Табановце за влез во државата се пријавило возило со странски регистарски ознаки управувано од британски државјанин, заедно со уште тројца сопатници, исто така државјани на Обединетото Кралство.При граничната контрола било утврдено дека за возилото недостасувала задолжителната документација потребна за влез во државата согласно законските прописи, поради што не им било дозволено да влезат со возилото.Одделот за внатрешна контрола извршил увид и во снимките од видео надзорот на граничниот премин, како и во боди камерите на полициските службеници.„Утврдено е дека странските државјани во ниту еден момент не влегуваат во некој од објектите на преминот. Исто така, од анализата на видео материјалот не се констатирани околности што укажуваат на противправно постапување или друго незаконско однесување од полициските службеници“, соопшти МВР.

Македонија | пред 3 дена

Гореле картони за стара хартија и предизвикале пожар во двор во Шуто Оризари

Пожар избувнал синоќа во двор од куќа на подрачјето на Шуто Оризари во Скопје, при што две лица биле пренесени на Клиничкиот центар „Мајка Тереза“ поради вдишување чад.Од Министерството за внатрешни работи информираат дека случајот бил пријавен на 28 мај 2026 година во 00:05 часот, а пожарот настанал околу 23:40 часот во дворот на куќа сопственост на Д.А. (47) од Скопје.Според пријавата, гореле картони кои сопственикот ги собирал за продажба како стара хартија. Д.А. заедно со соседите Џ.А. (23) и Р.А. (23) се обиделе да го изгаснат пожарот.На местото интервенирала екипа на Бригадата за противпожарна заштита, која целосно го локализирала и изгаснала пожарот.Поради вдишување чад, Џ.А. и Р.А. биле пренесени во Комплексот клиники „Мајка Тереза“ за укажување лекарска помош.Од МВР соопштија дека се преземаат мерки за расчистување на случајот.

Македонија | пред 3 дена

Опожарено возило на паркинг на Бит Пазар

Педесет и деветгодишен жител на Скопје пријавил во полиција дека му било запалено возилото на паркинг простор на подрачјето на Бит Пазар.Од Министерството за внатрешни работи информираат дека случајот бил пријавен на 28 мај 2026 година во 02:53 часот во СВР Скопје.Според пријавата, било запалено задното десно тркало од патничко возило „цитроен берлинго“ со скопски регистарски ознаки.Полициски службеници излегле на местото и констатирале дека со запалива течност била посипана задната десна страна од возилото, при што било опожарено тркалото.Пожарот бил изгаснат од соседите пред да се прошири на останатиот дел од возилото.Од МВР соопштија дека се преземаат мерки за расчистување на случајот.

Македонија | пред 3 дена

Маж нападнат со остар предмет кај Транспортен центар во Скопје

Триесет и петгодишен жител на Скопје пријавил во полиција дека бил физички нападнат од неколку лица кај Транспортниот центар во Скопје.Од Министерството за внатрешни работи информираат дека случајот бил пријавен на 27 мај 2026 година во 10:15 часот во СВР Скопје.Според пријавата, нападот се случил на постојка за такси возила, при што едно од лицата замавнувало и со остар предмет.Од полицијата соопштија дека се преземаат мерки за расчистување на случајот и идентификација на напаѓачите.

Македонија | пред 3 дена

Бегајќи од возило со кое претходно се судрил и од полициска патрола завршил превртен на кров

Триесет и шестгодишен жител на Тетово пријавил во полиција дека по судир со друго возило бил следен низ градот, по што изгубил контрола и се превртел со автомобилот.Од Министерството за внатрешни работи информираат дека на 27 мај 2026 година во 13:30 часот во СВР Тетово, Ф.И. (36) од Тетово пријавил дека околу 05:30 часот на улицата „29 Ноември“ во Тетово, патничко возило „Фолксваген голф“ удрило во неговото возило „Пежо 607“ со тетовски регистарски ознаки.Според пријавеното, возилото потоа почнало да го следи низ градот. Додека се обидувал да избега, на крстосницата меѓу улиците „Видое Смилевски Бато“ и „29 Ноември“ забележал службено возило на МВР со вклучени ротациони светла зад него.Од страв, како што навел во пријавата, не застанал туку продолжил кон новиот пат за селото Порој, каде што изгубил контрола над возилото и се превртел на кров.Од СВР Тетово соопштија дека се преземаат мерки за целосно расчистување на случајот.

Македонија | пред 3 дена

Малолетничка и 27-годишник фатени како управуваат возила без возачка дозвола

Полициски службеници од ОВР Гостивар привеле две лица во одделни случаи во селото Чајле, гостиварско, поради управување возила без да се стекнат со право на управување.Како што информира Министерството за внатрешни работи, на 28 мај 2026 година во 02:45 часот бил лишен од слобода Р.М. (27) од Гостивар. При сообраќајна контрола, полицијата запрела патничко возило „форд“ со гостиварски регистарски ознаки, при што било утврдено дека тој управувал возило без возачка дозвола.Во друг случај, на 27 мај 2026 година во 20:30 часот, полициски службеници привеле 17-годишна девојка од селото Чегране. При контрола било запрено патничко возило „БМВ“ со гостиварски таблички, а проверките покажале дека и таа управувала возило пред да се стекне со право на управување.Од МВР информираат дека по целосно документирање на двата случаи ќе бидат поднесени соодветни пријави.

Македонија | пред 3 дена

37 годишна жена пријавила физички напад од сопругот во Охрид

Триесет и седумгодишна жена од Охрид пријавила во полиција дека била физички нападната од нејзиниот сопруг во семејниот дом.Како што соопшти Министерството за внатрешни работи, случајот бил пријавен на 27 мај 2026 година во 16:45 часот во СВР Охрид.Според пријавата, околу 14:00 часот нејзиниот сопруг К.А. (37) од Охрид физички ја нападнал.По преземените мерки, полициски службеници од СВР Охрид извршиле службен разговор со пријавениот, а по целосно документирање на случајот ќе биде поднесена соодветна пријава.

Охрид | пред 3 дена

Кривична за Делчевец кој намерно подметнал шумски пожар, оштетени девет парцели во делчевско

Надворешната канцеларија за криминалистички работи Делчево поднесе кривична пријава против В.М. (60) од Делчево поради сомнение за сторено кривично дело „предизвикување општа опасност“.Според информациите од Министерството за внатрешни работи, на 7 април 2026 година, на местото викано „Тафрачко Маало“ во селото Бигла, Делчевско, пријавениот намерно предизвикал шумски пожар.Во пожарот биле оштетени површини што припаѓаат на девет сопственици на катастарски парцели во селото Бигла.

Македонија | пред 3 дена

(Фото) Три девојки повредени во сообраќајка на автопатот Скопје-Велес, автомобилот превртен на кров

Три девојки се повредени во сообраќајна несреќа што денеска околу 14:20 часот се случила на автопатот Скопје-Велес, на мостот по наплатната станица Сопот.Според информациите од МВР, патничко возило „опел“ со велешки регистарски ознаки, управувано од 19-годишната Л.Ќ. од Велес, се превртело на коловозот.Во несреќата со телесни повреди се здобиле возачката Л.Ќ., како и сопатничките Е.Ш.(20) и Т.Т.(17), двете од Велес.Повредите биле констатирани во Општата болница во Велес.За настанот е известен јавен обвинител, а увид на местото извршила увидна екипа од СВР Велес.

Македонија | пред 4 дена

Од денеска со Б категорија може да се управува мотоцикл до 125 cm³, но само со задолжителна четири часовна претходно помината теоретска обука

Од денеска возачите кои имаат Б категорија ќе можат да управуваат мотоцикл до 125 cm³, но само доколку претходно поминат задолжителна четиричасовна теоретска обука, информира Министерството за внатрешни работи.Станува збор за нов Правилник со кој се уредува начинот на спроведување на обуката за управување со мотоцикл од категоријата „А1“ со автоматски менувач и моќност до 11 kW.Од МВР нагласуваат дека не смее да се управува со мотоцикл до 125 cm³ без претходно завршена обука и издадена потврда од автошкола.„Обуката трае четири часа и опфаќа клучни теми за безбедноста: заштитна опрема, контрола и стабилност на мотоциклот, превоз на сопатник и справување со ризици на патот“, велат од МВР.По завршувањето на часовите, автошколата ќе издава официјална потврда во А5 формат, а за секоја издадена потврда ќе го известува МВР, каде ќе се води евиденција врз основа на податоците доставени директно од автошколите.

Македонија | пред 4 дена