МВР

Кривична за три лица за неовластена трговија со дрога

ОВР Кочани поднесе кривична пријава против А.Р. (27) и Н.М. (21), двајцата од Кочани, поради сомнение за сторено кривично дело „неовластено производство и пуштање во промет на наркотични дроги, психотропни супстанци и прекурзори“.Според информациите од Министерство за внатрешни работи, на 4 мај 2025 година полициски службеници извршиле претрес во домот на пријавените, при што биле пронајдени и одземени марихуана и хашиш.Во одделен случај, СВР Охрид поднесе кривична пријава против Б.Н. (36) од Охрид, исто така поради сомнение за неовластено производство и пуштање во промет на наркотични дроги, психотропни супстанци и прекурзори.При претрес во неговиот дом, извршен по судска наредба, полициски службеници од криминалистичката полиција пронашле и одзеле кокаин.

Македонија | пред 4 дена

Нов бран семејно насилство низ државата: Напади врз сопруги, родители, деца и сестри

Во текот на вчерашниот ден, Министерство за внатрешни работи регистрираше повеќе случаи на семејно насилство и физички напади низ државата, при што дел од сторителите се лишени од слобода.Во Скопје, 34-годишна жена пријавила дека во село во општина Зелениково, по претходно недоразбирање, била физички нападната од нејзиниот 65-годишен свекор.На подрачјето на Карпош, полициски службеници го привеле Д.К.(30) од Скопје, по пријава дека во домот физички ја нападнал неговата 33-годишна сестра и искршил дел од покуќнината.Во друг случај во Скопје, 39-годишна жена пријавила дека пред неколку дена на подрачјето на Кисела Вода била физички нападната од нејзиниот партнер А.А.(38).Во радовишко село, полицијата привела 70-годишен жител, поради сомнение дека физички ја нападнал неговата малолетна внука. За случајот бил известен јавен обвинител од Основно јавно обвинителство Струмица.Во Велес, 63-годишен маж пријавил дека неговиот 37-годишен син му упатувал закани, додека 43-годишна жена од велешко пријавила физички напад и закани од нејзиниот поранешен сопруг.Во Охрид било пријавено дека Д.Б. физички го нападнал својот 64-годишен татко во семејниот дом.Во Гостивар, полицијата го лишила од слобода З.Ѓ.(71), поради пријава дека физички ги нападнал својот син и снаата.Во Тетово бил приведен 72-годишен маж, осомничен дека со тврд предмет ја нападнал својата 66-годишна сопруга.Дополнително, во Полициското одделение Жеровјане, 70-годишен жител на тетовско село пријавил дека бил физички нападнат од неговиот 75-годишен зет во маркет во друго село.Од МВР информираат дека се преземаат мерки за расчистување на сите случаи, по што ќе бидат поднесени соодветни пријави против сторителите.

Македонија | пред 4 дена

Четиринаесет лица возеле без возачка дозвола, меѓу нив и малолетник

Министерство за внатрешни работи информира дека во текот на изминатото деноноќие на територијата на државата биле лишени од слобода 16 возачи поради безобѕирно управување со возило.Од нив, 14 управувале возило без возачка дозвола, меѓу кои имало и малолетник, едно лице со активна забрана за управување и едно лице кое возело без дозвола и под дејство на алкохол.Во Скопје биле затекнати три лица без возачка дозвола, четири во Тетово, пет во Битола и по едно лице во Македонски Брод и Велес, каде што едниот возач бил малолетен.Во Велес, едно лице управувало возило без возачка дозвола и под дејство на алкохол, додека друго лице било фатено како управува возило и покрај активна забрана.Од МВР најавија дека по целосно документирање на случаите ќе следуваат соодветни кривични пријави.Воедно, Министерството апелира до сите учесници во сообраќајот да ги почитуваат сообраќајните правила и прописи и да не управуваат возило без положен возачки испит, со изречена забрана или под дејство на алкохол.

Македонија | пред 4 дена

Прилепчанец пријавен за кражба на дрва

ОВР Прилеп поднесе кривична пријава против В.К. (43) од Прилеп поради сомнение за сторено кривично дело „кражба“ на дрва.Според информациите од Министерство за внатрешни работи, на 22 јануари 2026 година полициски службеници затекнале патничко возило „фолксваген пасат“, управувано од пријавениот, во кое имало бесправно исечени дрва.

Македонија | пред 4 дена

Полицаец се претставувал службено без да е на должност за да поништи казна за паркирање на својот брат

Министерство за внатрешни работи информира дека Одделот за внатрешна контрола, криминалистички истраги и професионални стандарди поднел кривична пријава до Основно јавно обвинителство Битола против И.Д. поради сомнение за сторено кривично дело „злоупотреба на службената положба и овластување“.Според информациите, пријавениот, вработен како помлад полицаец во Полициска станица Битола, на 25 март годинава, во период кога не бил работно ангажиран, отишол во просториите на јавното претпријатие за паркирање и јавен превоз во Битола и се претставил како полициски службеник.Тој поднел барање за поништување на налог за наплата за нерегуларно паркирање на автомобил „ауди“, сопственост на неговиот брат, при што во образложението своерачно напишал „МВР“, со што сакал да прикаже дека возилото е службено.Од МВР посочуваат дека со тоа се обидел да ги доведе во заблуда вработените во јавното претпријатие за да избегне плаќање на казната.Против И.Д. ќе биде поднесен и предлог за поведување постапка за утврдување дисциплинска одговорност.

Македонија | пред 4 дена

Во напуштена куќа кај Старо Нагоричане пронајдени бомби од Првата светска војна

Во СВР Куманово било пријавено дека во напуштена куќа во селото Челопек, во општина Старо Нагоричане, биле пронајдени две рачни бомби и две запалки од артилериски гранати со калибар од 76 милиметри, кои потекнувале од Првата светска војна.Од Министерството за внатрешни работи информираат дека на 26 мај 2026 година експлозивните направи биле безбедно подигнати од пиротехничар на Дирекција за заштита и спасување.Увид на местото извршила екипа од СВР Куманово.

Македонија | пред 4 дена

Кривична за тетовец кој ги нападнал сопругата и ќерките

СВР Тетово поднесе кривична пријава против Ш.А. од тетовско поради сомнение за сторени кривични дела „телесна повреда“ и „загрозување на сигурноста“.Според информациите од Министерството за внатрешни работи, пријавениот во семејниот дом физички ги нападнал својата сопруга и ќерките, при што им нанел повреди.

Македонија | пред 4 дена

Син нападнал 64-годишен татко во Охрид

На 26 мај 2026 година во 16:35 часот во СВР Охрид било пријавено дека Д.Б. од Охрид физички го нападнал својот 64-годишен татко во семејниот дом.Од Министерството за внатрешни работи информираат дека по целосно документирање на случајот, против напаѓачот ќе биде поднесена соодветна пријава.

Македонија | пред 4 дена

Уапсени двајца косовски државјани поради криумчарење мигранти

Двајца државјани на Косово се лишени од слобода поради сомнение за криумчарење мигранти, откако полицијата на наплатната станица кај Демир Капија открила седум мигранти од Египет во комбе со косовски регистарски ознаки.Како што соопшти Министерство за внатрешни работи, на 26 мај во 06:30 часот полициски службеници од Полициската станица за граничен надзор Михајлово ги лишиле од слобода А.Г.(42) и Г.Г.(39), двајцата од Косово.Претходно, на автопатот Гевгелија–Неготино биле запрени возило „фолксваген транспортер“, управувано од А.Г., и „шкода октавија“, управувана од Г.Г. При контролата во комбето биле пронајдени седум мигранти од Египет, а било утврдено и дека возилото „шкода“ служело како претходница.За случајот бил известен јавен обвинител од Основно јавно обвинителство за гонење на организиран криминал и корупција, по што против двајцата косовски државјани била поднесена кривична пријава по член 418-б од Кривичниот законик.Одредена им е мерка притвор во траење од 30 дена и тие се спроведени во Казнено-поправна установа Затвор Скопје.Мигрантите, пак, се сместени во Центарот за баратели на азил во Визбегово во Скопје.

Македонија | пред 4 дена

Возејќи мотор фатил дете за рака и го влечел по улица во Драчево

Во Драчево вчера бил пријавен инцидент во кој 12-годишно дете паднало и било влечено по улица по контакт со мотор во движење.Како што информира Министерство за внатрешни работи, на 25 мај околу 14:00 часот во СВР Скопје, Б.С.(71) од Скопје пријавил дека неговиот 12-годишен внук, додека се движел по улица во Драчево, му се приближил мотор управуван од едно лице.Според пријавата, сопатник на моторот бил А.Х.(18) од Скопје, кого детето го познавало. Во еден момент А.Х. го фатил детето за рака, а моторот продолжил да се движи, по што малолетникот паднал и бил влечен по улицата.Од полицијата велат дека се преземаат мерки за расчистување на случајот.

Македонија | пред 5 дена

Уапсен државјанин на Албанија на ГП Ќафасан по потерница од Струга поради сомнение за кражба

На граничниот премин Ќафасан вчера попладне бил приведен 67-годишен државјанин на Албанија, кој бил баран поради сомнение за сторено кривично дело „кражба“.Како што информира Министерство за внатрешни работи, на 25 мај во 14:30 часот, на влез во државата, полициски службеници го лишиле од слобода М.С.(67) од Албанија.При извршените гранични проверки било констатирано дека лицето било барано од НККР Струга поради постоење основи на сомнение за сторено кривично дело „кражба“.Од МВР соопштија дека по целосно документирање на случајот ќе следува соодветна пријава.

Македонија | пред 5 дена

Албански државјанин уапсен на ГП Блато по потерница од Интерпол Луксембург

На граничниот премин Блато денеска бил приведен 51-годишен државјанин на Албанија, кој бил баран со меѓународна потерница.Како што информира Министерство за внатрешни работи, на 25 мај во 08:00 часот полициски службеници од Полициска станица за граничен премин и граничен надзор Блато, на влез во државата, го лишиле од слобода С.Х.(51) од Албанија.При извршените гранични проверки било утврдено дека лицето е евидентирано со мерка „апси“ по барање на Интерпол – Луксембург.Од МВР велат дека по целосно документирање на случајот ќе следува соодветна пријава.

Македонија | пред 5 дена

Пешак тешко повреден во сообраќајка кај Студеничани

На патот меѓу селата Батинци и Маркова Сушица синоќа се случила сообраќајна несреќа во која тешко бил повреден пешак.Како што информира Министерство за внатрешни работи, настанот бил пријавен на 25 мај во 20:55 часот во СВР Скопје.Според пријавеното, патничко возило „фолксваген голф“ со скопски регистарски ознаки, управувано од А.И., удрило во пешакот И.М.(65), двајцата од селото Цветово.Во несреќата пешакот се здобил со тешки телесни повреди, констатирани во Комплекс клиники „Мајка Тереза“.Увид на местото извршила увидна екипа од СВР Скопје.

Македонија | пред 5 дена

Трактор се превртел на нива кај Кавадарци, возачот со тешки повреди

Во атарот на селото Ваташа, на нива во месноста Моклиште, вчера попладне се превртел трактор, при што тешко бил повреден 67-годишен жител на селото.Како што информира Министерство за внатрешни работи, настанот бил пријавен на 25 мај во 14:10 часот во ОВР Кавадарци.Според пријавеното, тракторот бил управуван од И.П.(67) од село Ваташа, а при превртувањето возачот се здобил со повреди.На местото интервенирале екипи на Територијална противпожарна единица Кавадарци и Итна медицинска помош Кавадарци, по што повредениот бил пренесен во Општа болница Кавадарци, каде му биле констатирани тешки телесни повреди.За случајот бил известен јавен обвинител, а увид извршила увидна екипа од ОВР Кавадарци.

Македонија | пред 5 дена

„Голф“ удрил во мотоцикл, па во „цитроен“ на раскрсница во Куманово, повредени четири лица

На раскрсницата меѓу булеварот Трета македонска ударна бригада и улицата ЈНА во Куманово вчера попладне се случила сообраќајна несреќа во која тешко е повреден мотоциклист.Како што информира Министерство за внатрешни работи, несреќата била пријавена на 25 мај околу 18:45 часот во СВР Куманово.Во несреќата учествувале патничко возило „фолксваген голф“ со кумановски регистарски ознаки, управувано од 24-годишната Л.Ш. од селото Романовце, мотоцикл „кавасаки“ управуван од Љ.Р.(27) од селото Черкези, по што возилото „голф“ удрило и во запрен „цитроен“ управуван од А.Р.(43) од Куманово.Со тешки телесни повреди се здобил мотоциклистот, додека со телесни повреди се здобиле возачката Л.Ш. и нејзините сопатници М.Ш.(51) и еден малолетник, сите од Куманово.Повредите биле констатирани во Општа болница Куманово.Увид на местото извршила увидна екипа од СВР Куманово.

Македонија | пред 5 дена

Мотоциклист со тешки повреди по судир на четири возила во Скопје

На улицата Ќемал Сејфула во Скопје вчера претпладне се случила сообраќајна несреќа во која тешко е повреден 24-годишен мотоциклист.Како што соопшти Министерство за внатрешни работи, несреќата била пријавена на 25 мај во 11:55 часот во СВР Скопје.Во несреќата учествувале патничко возило „киа“ управувано од 45-годишната В.Х.М., мотоцикл „хонда“ управуван од С.С.(24), патничко возило „мерцедес“ управувано од Н.Х.(53) и уште едно возило „мерцедес“, кое било запрено од С.А.(65), сите од Скопје.Мотоциклистот се здобил со тешки телесни повреди, констатирани во Комплекс клиники „Мајка Тереза“.Увид на местото извршила увидна екипа од СВР Скопје.

Македонија | пред 5 дена

Загина мопедист во сообраќајна несреќа на патот Штип–Делчево

На магистралниот пат Штип–Делчево, во близина на местото викано „Компосара“, синоќа се случила тешка сообраќајна несреќа во која животот го загубил 42-годишен мопедист од Кочани.Како што соопшти Министерство за внатрешни работи, несреќата била пријавена на 25 мај во 21:23 часот во ОВР Кочани.Во несреќата учествувале товарно возило „пежо“ со винички регистарски ознаки, управувано од А.С.(48) од Виница и мопед без регистарски ознаки, управуван од А.Ѓ.(42) од Кочани.Од здобиените повреди, мопедистот починал додека бил пренесуван кон болницата во Кочани, каде лекар констатирал смрт.Увид на местото извршиле јавен обвинител и увидна екипа од ОВР Кочани.

Македонија | пред 5 дена

Три лица приведени за семејно насилство во последното деноноќие

Министерство за внатрешни работи информираше дека во последното деноноќие три лица биле лишени од слобода поради случаи на семејно насилство во Битола, Куманово и Кичево.Во Битола, на 25 мај во 04:30 часот, полициски службеници од СВР Битола го привеле Т.С. (51), откако во семејниот дом физички ја нападнал својата 54-годишна сопруга, при што користел и метални и дрвени предмети. Од страна на Основниот суд во Битола му е одредена мерка притвор.Истиот ден во 20:50 часот, полициски службеници од СВР Куманово го лишиле од слобода Н.Ј. (28) од кумановско село, поради тоа што физички ја нападнал својата мајка. По документирање на случајот ќе биде поднесена соодветна пријава.Во Кичево, пак, во 15:40 часот бил приведен А.А. (48), по претходна пријава дека на 24 мај во семејниот дом физички ја нападнал својата 40-годишна вонбрачна партнерка од кичевско.Од МВР велат дека по целосно расчистување на сите случаи ќе следуваат соодветни пријави против осомничените.

Македонија | пред 5 дена

Малолетник возел мопед без возачка дозвола

Полициски службеници од СВР Тетово синоќа лишиле од слобода 16-годишен малолетник од тетовското село Ларце, кој бил затекнат како управува мопед без положен возачки испит.Како што информира полицијата, на 25 мај 2026 година околу 20:30 часот на булеварот „Маршал Тито“ во Тетово, малолетникот управувал мопед „тианинг“ со тетовски регистарски ознаки.Со тоа, според полицијата, сторил кривично дело по член 297-а од Кривичниот законик.Малолетникот, во присуство на родител, бил спроведен во полициска станица, а мопедот бил одземен.По целосното документирање на случајот ќе следува соодветен поднесок.

Македонија | пред 5 дена

Тетовец возел без возачка дозвола, полицијата му го одзеде возилото

Полициски службеници од ПС Тетово синоќа лишиле од слобода 25-годишник од тетовското село Порој, откако бил затекнат како управува возило без возачка дозвола.Како што информира СВР Тетово, на 25 мај 2026 година околу 20 часот во населбата Дреновец-Порој било запрено патничко возило „фолксваген голф“ со тетовски регистарски ознаки, управувано од М.М.(25) од Порој.При контролата било утврдено дека возачот не поседува возачка дозвола.Поради сомнение за сторено кривично дело по член 297-а од Кривичниот законик, тој бил лишен од слобода, а возилото му било одземено.По целосното документирање на случајот, против него ќе следува соодветен поднесок.

Македонија | пред 5 дена

Маж од Битола ја нападнал сопругата со метални и дрвени предмети

Полициски службеници од СВР Битола рано утринава го лишиле од слобода Т.С.(51) од Битола поради семејно насилство.Како што информира полицијата, на 25 мај 2026 година околу 04:30 часот, во семејниот дом во Битола, тој физички ја нападнал својата 54-годишна сопруга, при што користел и метални и дрвени предмети.По преземените мерки, од страна на судија при Основен суд Битола на осомничениот му е одредена мерка притвор.

Македонија | пред 5 дена

Масовна тепачка во Прилеп: Осум лица приведени, напад и во Итна помош

СВР Битола информира дека синоќа во Прилеп биле приведени осум лица по физички напад врз татко и син, кој продолжил и во Итната медицинска помош.Според полицијата, на 25 мај околу 22:15 часот на улицата „Трајко Тарцан“ во Прилеп, полициски службеници од ОВР Прилеп ги лишиле од слобода Џ.У.(31), Џ.У.(52), Е.У.(35), А.У.(58), Е.У.(36) и еден 17-годишен малолетник, сите од селото Пресил, крушевско, како и С.К.(52) и Х.К.(18) од селото Саждево, крушевско.Според пријавата, околу 19:30 часот С.К. и неговиот син Х.К., движејќи се со автомобил „пасат“ кон селото Саждево, биле пресретнати од автомобил „бмв“ управуван од Е.У., кој е зет на пријавителот, по што физички ги нападнал.Подоцна, таткото и синот побарале лекарска помош во Итната медицинска помош во Прилеп, каде, според полицијата, повторно биле нападнати од Џ.У., Џ.У., Е.У., А.У., Е.У. и малолетникот, при што биле употребени метални и дрвени предмети.Од МВР велат дека се преземаат мерки за целосно расчистување на случајот.

Македонија | пред 5 дена

Турски државјани со „ауди“ удриле доставувач, па физички го нападнале

Министерство за внатрешни работи соопшти дека се поднесени кривични пријави и е одреден притвор за четворица државјани на Турција поради напад врз доставувач во Скопје.Како што информираат од МВР, на 25 мај околу 01:30 часот, полициски службеници од СВР Скопје ги лишиле од слобода О.А.(21), А.Ф.Е.(21), Т.А.Б.(22) и А.И.О.(24), сите од Турција.Тие се осомничени дека претходниот ден околу 19:55 часот, на подрачјето на Центар, по расправија во сообраќајот, со возило „ауди“ удриле во моторот на Ф.М.(20) од Скопје, кој во моментот извршувал работни задачи како доставувач, по што физички го нападнале.Од Единицата за насилен криминал при СВР Скопје, во координација со Основно јавно обвинителство Скопје, против осомничените е поднесена кривична пријава, а судија на претходна постапка им одредил мерка притвор.

Македонија | пред 5 дена

МВР ја откажува набавката на униформи поради лош квалитет

Министерството за внатрешни работи ќе ја прекине соработката со српската компанија „Памитекс тим“, која била задолжена за набавка на еднобојни униформи за специјалните полициски единици, најавил министерот Панче Тошковски во интервју за „360 степени“.Одлуката следува по извршена суперанализа во странство, која покажала дека доставените примероци не го исполнуваат квалитетот пропишан во тендерската документација. Покрај раскинувањето на рамковната спогодба, МВР ќе ја активира и банкарската гаранција на компанијата.За разлика од оваа набавка, маскирните униформи за специјалните единици биле успешно реализирани преку битолската компанија „Ле Бранд“. Иако имало пролонгирања на роковите, од Министерството посочуваат дека тие биле согласно со законските процедури, а полициските службеници веќе ги користат униформите и се задоволни од нивниот квалитет.Министерот признал и дека набавката на униформи за редовниот полициски состав е во застој. Тендерот, кој опфаќа околу три четвртини од вкупниот полициски кадар, бил поништен по вторпат поради несоодветен квалитет кај еден понудувач и превисока цена кај друг.Од МВР најавуваат дека во иднина ќе инсистираат на поголема конкуренција и транспарентност во јавните набавки, со фокус на обезбедување поквалитетна опрема, реални пазарни цени и нови набавки на службени возила за теренска работа.Министерот упатил повик до домашните и странските компании да учествуваат на идните тендери, со цел да се обезбеди поголема конкуренција и најдобра вредност за јавните средства.

Македонија | пред 5 дена

(Фото и видео) За осум часа санкционирани 116 мотоциклисти во Скопје, одземени три мотоцикли

Во засилена акциска контрола, спроведена денеска на територијата на Скопје, полициски службеници санкционирале 116 возачи на мотоцикли, информираат од МВР.Контролата била реализирана во периодот од 10 до 18 часот од страна на полициски службеници од Одделението за безбедност на патниот сообраќај при СВР Скопје и Одделот за превенција.Од санкционираните, 64 мотоциклисти биле казнети поради некористење заштитна кацига, 13 за управување мотоцикл без положен возачки испит, а евидентирани биле и три нерегистрирани мотоцикли, како и други прекршоци.Од МВР соопштија дека биле одземени и три мотоцикли поради сомнение за сторено кривично дело „безобѕирно управување моторно возило“ по член 297-а од Кривичниот законик.Од полицијата најавуваат дека акциските контроли ќе продолжат и во наредните денови, а апелираат до сите учесници во сообраќајот, особено мотоциклистите, да ги почитуваат сообраќајните правила и прописи со цел зголемување на безбедноста во сообраќајот.

Скопје | пред 5 дена