МВР

Серија физички напади пријавени во Скопје

Во текот на 24 мај во СВР Скопје биле пријавени повеќе физички напади и нарушувања на јавниот ред и мир на различни локации во главниот град.Како што информираат од Министерството за внатрешни работи, во 21:08 часот 22-годишна девојка пријавила дека околу 21 часот на подрачјето на Аеродром била физички нападната од машко лице, кое ѝ одзело личен накит и се обидело да ѝ го земе паричникот.Во друг случај, 53-годишен скопјанец пријавил дека на 22 мај, на паркинг пред маркет во Карпош, тој и уште едно лице биле физички нападнати по расправија околу наплата на паркинг од вработен за наплата и уште едно лице, кое употребило и тврд предмет.Во населбата Бардовци, 47-годишен скопјанец пријавил дека неговиот деветгодишен син бил физички нападнат од двајца малолетници, а потоа добил и закани од роднина на едниот малолетник. Истовремено, 53-годишна жена пријавила дека нејзиниот 11-годишен син, по претходна расправија, бил физички нападнат од истиот 47-годишник, кој го внел детето во возило и таму го нападнал.Дополнително, 26-годишен жител на Стајковци пријавил дека бил физички нападнат во селото од 20-годишник од Инџиково, кој со тврд предмет нападнал и 18-годишно лице. Подоцна, во болницата „Свети Наум Охридски“ бил нарушен јавниот ред и мир со физичка пресметка меѓу повеќе лица поврзани со истиот случај.Во уште еден инцидент, 46-годишен жител на Трубарево пријавил дека на подрачјето на Гази Баба бил нападнат со стаклен предмет.Од МВР велат дека се преземаат мерки за расчистување на сите случаи, а по нивно документирање ќе следуваат соодветни поднесоци.

Скопје | пред 6 дена

Двајца малолетници тешко повредени во несреќи со електрични тротинети

Двајца малолетници се здобиле со тешки телесни повреди во одделни несреќи со електрични тротинети што се случиле во Неготино и Кичево.Како што информираат од Министерството за внатрешни работи, на 24 мај околу 14 часот во ОВР Неготино било пријавено дека на крстосницата од улиците „Климентова“ и „Дојранска“ во Неготино 16-годишник од Неготино, управувајќи електричен тротинет, паднал на коловозот.Во несреќата тој се здобил со тешки телесни повреди, констатирани во Општата болница во Кавадарци. За случајот бил известен јавен обвинител, а увид извршила екипа од ОВР Неготино.Во вториот случај, пријавен истиот ден во 12:25 часот во ОВР Кичево, на локалниот пат кон „Нова населба“ во село Зајас се случила сообраќајна несреќа помеѓу патничко возило „Рено“ со кичевски регистарски ознаки, управувано од Ф.Џ. (32) од село Горно Строгомиште и електричен тротинет, управуван од 15-годишник од Зајас.Во судирот малолетникот се здобил со тешки телесни повреди, констатирани во Медицинскиот центар во Кичево.За настанот бил известен јавен обвинител, а увид извршила увидна екипа од ОВР Кичево.

Македонија | пред 6 дена

Тешко повреден мотоциклист во сообраќајка кај Велес

35-годишен мотоциклист од Велес се здобил со тешки телесни повреди во сообраќајна несреќа што се случила на регионалниот пат Езеро Младост – Велес.Како што информираат од Министерството за внатрешни работи, несреќата била пријавена на 24 мај околу 16:45 часот, во близина на крстосницата на улиците „Академик Пенчо Давчев“ и „Димитар Андонов Папрадишки“.Во несреќата учествувале мотоцикл „БМВ“ со велешки регистарски ознаки, управуван од Т.К. (35) од Велес, и патничко возило „Цитроен“, исто така со велешки таблички, управувано од Б.Д. (45) од Велес.Со тешки телесни повреди се здобил мотоциклистот, додека со телесни повреди се здобиле возачот на автомобилот и сопатниците – 47-годишната Т.Д. и 16-годишен малолетник.Повредите биле констатирани во Општата болница во Велес. За случајот бил известен јавен обвинител, а увид извршила екипа од СВР Велес.

Македонија | пред 6 дена

Со возило удриле во мотор на доставувач, па физички го нападнале

Полициски службеници од СВР Скопје во текот на ноќта на 25 мај привеле четворица турски државјани поради напад врз доставувач во центарот на Скопје.Како што информираат од Министерството за внатрешни работи, во 01:30 часот биле лишени од слобода О.А. (21), А.Ф.Е. (21), Т.А.Б. (22) и А.И.О. (24), сите од Турција.Тие се приведени по пријава дека на 24 мај, околу 19:55 часот, на подрачјето на Центар, по претходна расправија во сообраќајот, со возило „Ауди“ прво удриле во моторот на Ф.М. (20) од Скопје, кој извршувал работни задачи како доставувач, а потоа физички го нападнале.Од МВР велат дека по целосно документирање на случајот ќе следува соодветен поднесок.

Македонија | пред 6 дена

Приведен скопјанец во Центар, кај него пронајдена марихуана

Полициски службеници од СВР Скопје на 24 мај го лишиле од слобода Г.Д. (25) од Скопје на подрачјето на Центар, откако кај него била пронајдена и одземена марихуана.Како што информираат од Министерството за внатрешни работи, по целосно документирање на случајот, против него ќе биде поднесен соодветен поднесок.

Македонија | пред 6 дена

Приведен жител на Желино, затекнат надвор од домот и покрај мерката куќен притвор

Полициски службеници од Мобилната единица за компензаторни мерки при Одделот за гранични работи и миграции, на 24 мај на магистралниот пат кон тетовското село Сиричино, привеле лице кое ја прекршило мерката куќен притвор.Како што информираат од Министерството за внатрешни работи, при контрола било запрено патничко возило „Фолксваген голф“ со германски регистарски ознаки, управувано од М.З. (46) од село Желино.При проверката било утврдено дека лицето постапило спротивно на мерката куќен притвор, односно било затекнато надвор од домот и адресата каде што ја издржувало мерката.Дополнително, полицијата констатирала дека возачот не поседувал европски документи за управување со странското возило, а возилото се наоѓало на територијата на државата подолго од шест месеци.Лицето било лишено од слобода, додека возилото е одземено поради сомнение за сторен царински прекршок.

Македонија | пред 6 дена

(Видео) „Сеатот“во Аеродром не возел во спротивна насока, од ударот се завртел на коловозот -

Сообраќајната незгода меѓу автобус и автомобил „сеат“ на булеварот „Јане Сандански“ во скопски Аеродром поминала без повредени лица и без полициска интервенција, информираат од МВР за „Скопје1“.Според информациите од полицијата, учесниците во незгодата потпишале европски записник за материјална штета, поради што не бил извршен увид од полициски службеници.Од МВР велат дека не се точнипрвичните сомнежи дека автомобилот „сеат“ возел во спротивна насока.На местото на незгодата било забележано оштетување на двете возила, но без последици по патниците и возачите.

Скопје | пред 6 дена

Во автобус од Германија кон Македонија пронајдени непријавени речиси 35.000 евра, приведени се возачот и патник

Полициски службеници од Мобилната единица за компензаторни мерки при Одделот за гранични работи и миграција денеска во тетовско сопреле автобус „мерцедес“ сопственост на туристичка агенција, кој сообраќал на релација Германија-Македонија.Според информациите од МВР, автобусот бил управуван од 37-годишниот Р.Ф. од тетовското село Доброште.При прегледот на автобусот, во приколката биле пронајдени повеќе канти за кои, како што соопшти полицијата, не постоела соодветна документација и дозволи за транспорт.Дополнително, при контрола кај еден од патниците – 20-годишниот Ф.И. од Теарце – биле пронајдени пет пликоа со различни апоени во вкупна вредност од 34.965 евра.Од МВР велат дека парите биле внесени преку Граничниот премин Табановце без да бидат пријавени, а патникот не поседувал документација за сопственост и потекло на средствата.Возачот и патникот се лишени од слобода поради сомнение за сторено кривично дело „криумчарење“ по член 278 од Кривичниот законик, како и прекршување на Законот за девизно работење.По целосно документирање на случајот ќе бидат поднесени соодветни пријави, информира МВР.

Македонија | пред 1 седмица

(Видео) МВР, шумската полиција и „Национални шуми“ во акција против кражба на дрва во Арачиново

Заменик-директорот на ЈП „Национални шуми“, Кире Михаилов, информираше дека во тек е голема координирана акција во Арачиново за одземање крадени огревни дрва.Според неговата објава, во акцијата учествуваат Министерството за внатрешни работи, Шумската полиција – Скопје и Подружницата за шумско стопанство „Бабуна“ – Велес.„Имаме голема акција на МВР, Шумската полиција – Скопје и Подружница за шумско стопанство ‘Бабуна’ – Велес, во која се одземаат крадени огревни дрва од Арачиново“, напиша Михаилов.Засега нема дополнителни информации за количината на одземените дрва, ниту дали има приведени лица.

Скопје | пред 1 седмица

Уапсени 14 возачи: осум биле без возачка

Во текот на изминатото деноноќие на целата територија на државата, полициските службеници лишија од слобода 14 возачи за безобѕирно управување возило. Од нив осум управувале возило без возачка дозвола, тројца под дејство на алкохол, еден со активна забрана за управување, еден со брзина поголема од дозволената и едно лице без дозвола и под дејство на алкохол. Во Скопје тројца управувале возило без возачка дозвола, две лица во Битола и по едно во Велес, Тетово, Кавадарци.Едно лице во Скопје управувало возило со активна мерка забрана за управување со возило. Едно лице во гостиварско управувало возило со брзина поголема од дозволената, а под дејство на алкохол по едно лице во Тетово, Охрид и Куманово. Во Берово едно лице управувало возило без возачка дозвола и под дејство на алкохол. По целосно документирање на случаите ќе бидат поднесени соодветни кривични пријави.Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Македонија | пред 1 седмица

Пет лица приведени по пријави за семејно насилство во последното деноноќие

На 23.05.2026 во 19:45 часот во Пробиштип, полициски службеници од ОВР Пробиштип го лишија од слобода И.А.(46 од Пробиштип, постапувајќи по претходна пријава дека околу 18:00 часот физички го нападнал неговиот брат С.А., при што употребил и дрвен предмет.На 23.05.2026 во 23:35 часот ул.„11 Септември“ во Кичево, полициски службеници го лишија од слобода Ќ.А.(43) од кичевско, постапувајќи по претходна пријава од неговата 22-годишна поранешна партнерка дека околу 21:42 часот во Кичево физички ја нападнал.На 23.05.2026 во 23:00 часот во СВР Скопје, 33-годишна жена пријави дека во 18:30 часот во семејниот дом на подрачјето на Центар во Скопје, по претходна расправија, била физички нападната од нејзиниот 35-годишен сопруг, при што му возвратила. Подоцна, на 24.05.2026 во 01:00 часот, 35-годишниот маж пријави дека 23.05.2026 во семејниот дом, по претходна расправија, бил физички нападнат од неговата 33-годишна сопруга.На 23.05.2026 во 19:44 часот во СВР Скопје, 35-годишна жена пријави дека на 17.05.2026 околу 20:00 часот во стан на подрачјето на Ѓорче Петров во Скопје со тврд предмет била нападната од нејзиниот партнер С.М..На 23.05.2026 во 21:00 часот во СВР Тетово, 51-годишник од тетовско село пријавил дека на 20.05.2026 во дворот од семејната куќа, неговиот брат С.Ј. физички го нападнал соствениот син и му се заканувал нему затоа што се обидел да го одбрани детето.На 23.05.2026 во 11:45 часот полициски службеници од СВР Битола го лишиле од слобода Д.Џ.(40) од Битола. Имено, според пријавеното, на 23.05.2026 во 07:40 часот во СВР Битола 17- годишна битолчанка пријавила дека од страна на нејзиниот дечко била физички нападната при што се здобила со тешки телесни повреди.На 23.05.2026 година во 21.15 часот полициски службеници од ОВР Крива Паланка го лишиле од слобода В.Б. од Крива Паланка затоа што физички го нападнал неговиот 65 годишен татко.На 23.5.2026 во 15:40 часот, полициски службеници од ОВР Неготино го лишиле од слобода В.Л.(42) од Неготино, постапувајќи по претходна пријава од неговата 19-годишна ќерка дека во семејниот дом физички ја нападнал и ѝ се заканувал. Според пријавеното, таа и нејзиниот малолетен брат секојдневно трпеле физичко и психичко насилство од него. Тој бил задржан во полициска станица, известен бил јавен обвинител, Центарот за социјални работи Неготино и издадено му е Решение од Основен суд Неготино со изречени мерки за отстранување од домот и забрана за приближување до домот на жртвата во времетаење од 15 дена.Се преземаат мерки за расчистување на случаите и по нивно целосно документирање против сторителите ќе бидат поднесени соодветни пријави.

Македонија | пред 1 седмица

Го фатиле со марихуана, па додека го апселе нападнал полицаец

На 24.05.2026 во 02:50 часот кај Фонтана во Градски парк во Скопје, полициски службеници од СВР Скопје го лишија од слобода Ф.Ф.(25) од Тетово. при преглед во возилото „бмв“ со тетовски регистарски ознаки, кое го управувал, пронајдена е и одземена марихуана.Додека, при преземање мерки за негово лишување тој физички нападнал полициски службеник кој преземал службени дејствија, по што е лишен од слобода и приведен во полициска станица.По целосно документирање на случајот, против него ќе биде поднесена соодветна пријава.

Скопје | пред 1 седмица

Изгубил контрола над мотоциклот и се забил во ѕид: 22-годишник заврши со тешки повреди

На 23.05.2026 во 16:28 часот во ОВР Радовиш е пријавено дека на ул.„8 Септември“ на место викано „Стара автобуска“ во Радовиш, 22-годишниот Т.Ј. од Радовиш, управувајќи мотоцикл „кавасаки“ со радовишки регистарски ознаки, изгубил контрола и удрил во ѕид.Во несреќата со тешки телесни повреди се здобил возачот, констатирани во Клиничка болница Штип. Извршен е увид од увидна екипа на ОВР Радовиш.

Македонија | пред 1 седмица

Ја отворил вратата од автомобилот и удрил во 70-годишен велосипедист

На 23.05.2026 околу 16:30 часот во СВР Куманово е пријавено дека на бул.„Трета македонска ударна бригада“ во Куманово, М.А.(31) од с.Никуштак, општина Липково, го запрел возилото „фолксваген голф“ со словенечки национални ознаки и при отворање на возачката врата удрил во електричен велосипед, управуван од М.Љ.(70) од Куманово.Во несреќата со тешки телесни повреди се здобил велосипедистот, констатирани во Општа болница Куманово. Извршен е увид од увидна екипа на СВР Куманово.

Македонија | пред 1 седмица

Запалена свеќа предизвикала пожар во стан во Скопје

На 24.05.2026 во 05:54 часот во СВР Скопје е пријавено дека настанал пожар во стан на ул.„Разлошка“ на подрачјето на Гази Баба во кој како потстанар живеела Х.С.(22) од Скопје.Пожарот настанал од запалена свеќа и притоа со повреди на раката се здобила  Х.С., констатирани во Ургентен центар при комплексот клиники „Мајка Тереза“.Од екипа на Бригадата за противпожарна заштита Скопје пожарот е изгаснат, а увид изврши екипа на СВР Скопје.

Скопје | пред 1 седмица

Кривична за беровчанец кој два пати ја бркал жена му од дома

Надворешната канцеларија за криминалистички работи Берово поднесе кривична пријава против Д.К.(48) од беровско село поради постоење основи на сомнение за сторено кривичното дело „неизвршување на судска одлука“.На 14.05.2026, пријавениот во два наврати постапил спротивно на решение од Основен суд Берово на тој начин што ја бркал сопругата од нивниот семеен дом.

Македонија | пред 1 седмица

Провалиле во продавница во Скопје и предизвикале пожар, двајца полицајци пренесени на клиника по гаснењето

На 24.05.2026 околу 04:05 часот во СВР Скопје е пријавено дека три лица со употреба на сила влегле во продажен објект на ул.„Тале Христов“ во Скопје, при што предизвикале пожар и заминале од местото.Пожарот е изгаснат од полициски службеници со противпожарен апарат, апри гаснење на пожарот дваја полициски службеници вдишале чад и биле пренесени во Клиниката за токсикологија при Комплексот клиники „Мајка Тереза“.Извршен е увид  и се преземаат мерки за расчистување на случајот.

Скопје | пред 1 седмица

Приведен 15-годишник на градски стадион, кај него пронајдена пиротехника

На 23.05.2026 во 17:10 часот во Националната арена „Тодор Проески“ во Скопје, полициски службеници од СВР Скопје приведоа 15-годишник од Скопје затоа што при преглед кај него биле пронајдени и одземени пиротехнички средства.По целосно документирање на случајот ќе следува соодветен поднесок.

Скопје | пред 1 седмица

Група мажи натепале двајца жители на Бојане, па им го иштетиле и возилото

На 23.05.2026 во 16:00 часот во СВР Скопје, Ј.Б.(47) од с.Бојане пријави дека на 22.05.2026 околу 21:00 часот во с.Буковиќ, тој и неговиот братучед А.Б.(29) од с.Бојане, по претходно недоразбирање, биле физички нападнати од Д.Ј., Е.Ј., С.Ј. од с.Паничари и уште неколку други лица, при што едно од лицата со тврд предмет му го оштетило возилото.Се преземаат мерки за целосно расчистување на случајот.

Македонија | пред 1 седмица

(Фото) Се развозувал со кокаин и оружје, а носел и полициска опрема - уапсено лице од беровско

Полициски службеници од СВР Струмица ноќеска во 02:00 часот во Струмица го лишиле од слобода Н.Џ. од беровското село Двориште, информира Министерството за внатрешни работи.Според соопштението, во близина на угостителски објект во Струмица бил извршен преглед на лицето и на патничко возило „фолксваген голф“ со беровски регистарски таблички, во кое тој бил затекнат.При контролата, кај него била пронајдена бела прашкаста материја, за која, како што навеле од МВР, во службен разговор изјавил дека е кокаин.При прегледот на возилото, во багажниот простор биле пронајдени оружје, муниција и други делови од полициска опрема, за кои постои сомнение дека биле неовластено поседувани.Лицето е задржано во Полициската станица Струмица, а за случајот бил известен јавен обвинител од Основното јавно обвинителство Струмица.По целосно документирање на случајот ќе биде поднесена соодветна пријава, соопшти МВР.

Македонија | пред 1 седмица

Уапсен велешанец кој нападнал полицаец и се шетал на слобода

На 22.05.2026 во 12:30 часот, полициски службеници од СВР Велес го привеле С.К.(48) од с.Горно Оризари, велешко.Тој бил баран врз основа на наредба од Основен Суд Велес за издржување на казна затвор од десет месеци за сторено кривично дело „напад врз службено лице при вршење работи на безбедноста“ по член 383 од Кривичниот законик.Тој бил спроведен во Казнено-поправната установа Затвор Идризово за издржување на казната.

Македонија | пред 1 седмица

Пукал со пиштол и се снимал, полицијата го пронајде и го уапси

На 22.05.2026 во 16:20 часот во Радовиш, полициски службеници од СВР Струмица-ОВР Радовиш го лишија од слобода Џ.Д.(29) од Радовиш.Претходно, на социјална мрежа бил објавен видео запис во кој се гледа како машко лице пука со пиштол и по преземани мерки било констатирано дека на видеото е С.А.(32) од Радовиш.Врз основа на судска наредба, извршен е претрес во домот на С.А., при што во соба на неговиот брат Џ.Д. се пронајдени и одземени пушка, гасен пиштол, куршуми за гасен пиштол, куршуми со калибар 7.65 мм и меч со футрола.За настанот е известен јавен обвинител од Основното јавно обвинителство Струмица и по документирање на настанот ќе биде поднесена соодветна пријава.

Македонија | пред 1 седмица

Инцидент во светиниколско: Приведени две лица, трето нападнало полицаец

На 22.05.2026 околу 00:30 часот во с.Горобинци, светиниколско, полициски службеници од ОВР Свети Николе ги приведоа О.Н.(57) и Б.Ц.(58), двајцата од с.Горобинци, затоа што го нарушиле јавниот ред и мир со меѓусебна физичка пресметка.При преземање мерки за нивно приведување, Ж.М.(48) од истото село физички нападнал полициски службеник, по што тој е лишен од слобода и задржан во полициска станица.По целосно документирање на случајот, против лицата ќе бидат поднесени соодветни пријави.

Македонија | пред 1 седмица

Малолетник со тротинет удрил во 5-годишно дете кое заврши со тешки повреди

На 22.05.2026 околу 11:00 часот во ОВР Берово е пријавено дека во с.Црник, пехчевско, 12-годишен малолетник од с.Црник управувајќи електричен тротинет, удрил во петгодишно дете од истото село.Во несреќата со тешки телесни повреди се здобил петгодишникот, констатирани во Итната медицинска помош Пехчево.Увид на местото изврши увидна екипа на ОВР Берово.

Македонија | пред 1 седмица

Уапсени 18 возачи: 12 биле без возачка дозвола, а имало и малолетници

Во текот на изминатото деноноќие на целата територија на државата, полициските службеници лишија од слобода 18 возачи за безобѕирно управување возило, 12 возеле без дозвола, од кои пет малолетници, четворица под дејство на алкохол и двајца возеле без дозвола и под дејство на алкохол.Во Скопје две малолетни лица управувале возило без возачка дозвола, шестмина во Кичево (тројца малолетници), двајца во Велес и по еден во Струга и Прилеп. По едно лице во Делчево, Свети Николе, Велес и Прилеп управувале возило под дејство на алкохол и по едно лице во Радовиш и Гостивар управувале возило без возачка дозвола и под дејство на алкохол. По целосно документирање на случаите ќе бидат поднесени соодветни кривични пријави.Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Македонија | пред 1 седмица