oppo

Нема фотографија

Уште еден производител на телефони го отфрла полначот од пакувањето

По Apple, па Samsung, друг производител на мобилни телефони го елиминираше полначот од пакувањето.Oppo ја брендираше својата технологија за брзо полнење наречена SuperVOOC која постигнува одлични резултати. Сепак, ништо не трае вечно, а како што пренесува GSMArena, компанијата Oppo лошата вест и ја пренела на публиката при претставувањето на серијата телефони Reno8 на европскиот пазар.Според заменик-директорот за операции на Oppo, Били Жанг, од следната година можеме да очекуваме полначите да отсуствуваат од пакувањето на неколку уреди.Жанг изјави: „Следната година ќе го отстраниме полначот од пакувањето на неколку производи, но имаме план бидејќи знаеме дека на нашите клиенти не им е лесно да добијат SuperVOOC полнач. Планираме да ги прошириме нашите операции, но истите тие полначи ќе ги направиме достапни во продавниците за да можете да ги купите и да продолжите да ги користите дури и кога ќе го промените телефонот“.Причината?Повеќе производители на мобилни телефони одлучија да го елиминираат полначот од пакувањето. Првиот беше, се разбира, Apple, следен од Samsung, па логично беше да се очекува и другите производители на мобилни телефони да ги следат трендовите. Да не заборавиме, сето тоа под образложение на екологија и фрлање полначи и разни полулогични објаснувања. И не смее да се заборави фактот дека цените на уредите не се намалуваат, туку се зголемуваат.Ситуацијата со телефоните Oppo е малку поконкретна поради самата технологија за полнење SuperVOOC, која достигнува големи брзини и беше една од функционалностите што го одвојуваа овој производител од конкуренцијата.

Магазин | пред 3 години

Европа би можела да добие нови телефони на преклоп од Oppo

Кога ќе се спомнат телефоните на преклоп или моделите со флексибилен екран, првата компанија на која повеќето мислат е Samsung. Сепак, минатата година Oppo го потресе пазарот со својот модел Find N, но тој беше достапен само во Кина.Сега се чини дека Oppo подготвува неколку нови модели, кои ќе бидат наследници на оригиналниот телефон Find N, со кој компанијата ќе им конкурира на Samsung и неодамна објавените модели Galaxy Z Fold4 и Z Flip4.Според неодамнешниот извештај, Oppo се подготвува да претстави два телефони на преклоп оваа есен, што ќе ја подели линијата Find N на две одделни линии (како серијата Galaxy Z).Еден од телефоните би можел да биде Oppo Find N Fold и би бил директен наследник на минатогодишниот модел Find N. Другиот би можел да биде Find N Flip и би бил преклопен уред сличен на Galaxy Z Flip4.Според извештаите, двата телефони се регистрирани во агенцијата EUIPO, што значи дека постојат големи шанси овој пат да ги видиме надвор од Кина.Засега нема многу информации за споменатите телефони. Се очекува тие да бидат објавени со чип Snapdragon 8+ Gen 1. Повеќе детали се очекуваат кога Oppo ќе го објави официјалниот датум на издавање на телефонот.

Магазин | пред 3 години