ОСКАРИ

Македонскиот филм „Силјан“ застана чекор пред оскаровската трка

Документарниот филм „Приказната за Силјан“ на режисерката Тамара Котевска не се најде меѓу 15-те филмови кои продолжуваат во финалната трка за Оскар, иако важеше за сериозен кандидат според филмските кругови и претходните предвидувања. Американската академија за филмска уметност и наука ја објави листата на потесен избор, со што официјално беше затворена оваа фаза од изборниот процес за 98. доделување на Оскарите.Финалните номинации ќе бидат објавени на 22 јануари 2026 година, а годинава конкуренцијата во категоријата документарен филм беше исклучително силна, со вкупно 201 квалификувано остварување. Во потесниот избор влегоа само 15 документарци, меѓу кои не се најде македонскиот филм.„Среќна сум поради тоа што една македонска приказна одекна во светот и поради поддршката што ја добиваме јас и филмот од целата нација. ‘Силјан’ станува значаен и гласен, а тоа е најдлабоката поента на едно филмско дело“, изјави Тамара Котевска по објавувањето на резултатите.„Приказната за Силјан“ беше квалификувана во две категории – најдобар странски филм и најдобар документарен филм, при што во конкуренцијата за најдобар странски филм учествуваа 86 земји. Филмот претходно го откупи „Нешнал географик“ и зад себе има богата фестивалска кариера, со бројни награди и номинации на реномирани меѓународни фестивали.Македонската кампања за Оскарите во категоријата најдобар странски филм беше поддржана од Агенцијата за филм на Република Северна Македонија, а филмот и натаму продолжува да се прикажува во кино салите, живеејќи го својот интернационален пат и по завршувањето на оскаровската селекција.Иако не стигна до финалниот круг, „Приказната за Силјан“ останува едно од најзначајните македонски филмски остварувања во последните години, кое успеа да ја постави Македонија високо на мапата на светската документаристика.

Магазин | пред 3 седмици

„Силјан“ триумфираше во Лос Анџелес: голема победа за Тамара Котевска, уште поголеми се шансите да биде номиниран за оскар!

⚡#Скопје1 • Македонскиот документарен филм „Силјан“ на режисерката Тамара Котевска триумфираше на 41. доделување на наградите на Меѓународната асоцијација за документарни филмови (International Documentary Association – ИДА) во Лос Анџелес, освојувајќи ја престижната награда за најдобар долгометражен документарец. Овој успех значително ги зголемува шансите филмот да се најде меѓу официјалните номинации за Оскар.Кинематограферот Жан Дакар, кој е и ко-продуцент на проектот заедно со Котевска и Ана Хашми, ја доби наградата за најдобра камера – уште едно големо признание што го потврдува визуелниот и авторскиот квалитет на филмот. „Силјан“ беше номиниран и во категоријата најдобра режија.Котевска, која во 2019 година со „Медена земја“ освои ИДА-награда за камера, истакна дека триумфот во Лос Анџелес е емоционален и посебно значаен.„Да се вратиш по шест години и да ја освоиш главната награда за најдобар документарец е неописливо. Ова е мојот омилен документарен настан и мојот најважен филм досега. Честитки до целиот тим, особено до Жан Дакар. Оваа награда ја посветувам на сите независни документарни режисери што минуваат низ незамисливи пречки за да оживеат еден филм. Продолжете да се борите – ние правиме промена во светот“, напиша Котевска.„Силјан“ ги надмина ривалите „Апокалипса во тропските предели“, „Животот потоа“, „Семиња“ и „Песни на бавно горечката земја“. Историјата на ИДА покажува дека филмови наградени во оваа категорија често продолжуваат со успех и на Оскарите.Добитниците на главните документарни награди ги избираат членовите на ИДА, додека другите категории ги оценуваат професионалци од светската документарна заедница.Доделувањето на ИДА-наградите доаѓа непосредно пред почетокот на гласањето за потесните листи за Оскар, што трае од 8 до 12 декември. На 16 декември ќе бидат објавени потесните избори во десет категории, меѓу кои и документарецот и странскиот филм. Во долгометражната документарна конкуренција оваа година влегоа рекордни 201 филм.Номинациите за 96. Оскари ќе бидат објавени на 22 јануари 2026, а свечената церемонија е закажана за 15 март.Покрај кандидатурата за Оскар за најдобар странски филм од страна на Македонија, „Силјан“ е и кандидат за најдобар документарец. Национал Џиографик Документари Филмс го откупи филмот во септември, а на 28 ноември беше одржана американската кинопремиера во IFC Center во Њујорк.Минатата недела „Силјан“ доби и номинација за престижната награда Independent Spirit, која традиционално најавува дел од идните оскаровски фаворити.Со овој успех, Тамара Котевска повторно го поставува македонскиот документарен филм на светската мапа, по историските две оскаровски номинации за „Медена земја“ во 2020 година.

Магазин | пред 1 месец

Дензел Вашингтон со изненадувачко признание: „Не гледам филмови“

Холивудската ѕвезда Дензел Вашингтон, еден од најценетите актери на својата генерација, неодамна ги изненади своите обожаватели со неочекувано признание. Иако има речиси половина век успешна кариера зад себе, тој откри дека воопшто не гледа филмови.Вашингтон ја започна својата филмска кариера во 1981 година со остварувањето „Црниот син“, а потоа следуваа бројни легендарни улоги во хитови како „Слава“, „Малколм Икс“, „Филаделфија“, „Гримизна плима“, „Собирачот на коски“, „Сеќавање на Титаните“, „Ден за обука“, „Американски гангстер“, „Праведникот“, па сè до „Гладијатор 2“.Сепак, и покрај богатата филмографија, тој за списанието GQ изјави: „Не гледам филмови, човече. Навистина не гледам. Не одам во кино. Не гледам филмови… доста ми е филмови. Да“.На прашањето колку филмови има снимено досега, Вашингтон се насмевнал и одговорил: „Превише. Мислам околу 50“.Со ова признание, оскаровецот уште еднаш покажа дека и покрај славата и огромниот успех, останува автентичен и искрен, дури и кога неговите зборови изненадуваат милиони фанови ширум светот.

Магазин | пред 4 месеци

Нема фотографија

Били Ајлиш, најмладата личност која освоила два Оскари

Американската пејачка Били Ајлиш (22) стана најмладата личност која освоила два Оскари, откако на синоќешната церемонија ја доби наградата за најдобра авторска песна во филмот „Барби“.Ајлиш на тој начин го собори рекордот на Луиз Рајнер, која во 1936 година на 26-годишна возраст го освои Оскар за најдобра женска улога, а потоа истата награда ја освои во 1937 година.Рекордот на Рајнер го собори и музичарот Финес (26), кој заедно со неговата сестра Били Ајлиш освоија два Оскари и со тоа станаа втората најмлада личност која двапати ја добила оваа престижна награда, пренесува АП.Били Ајлиш и Финес оваа година освоија Оскар за песната „What Was I Made For?“, а првиот Оскар го добија во 2020 година за песната „No Time to Die“ од филмот за Џејмс Бонд.

Магазин | пред 1 година

(Видео) Триумф на „Опенхајмер“ со седум Оскари, меѓу кои и за најдобар филм

На црвениот тепих прошетаа бројни познати личности, од Кирстен Данст, Стивен Спилберг, Рајан Гослинг, Роџер Федерер, Андреа Бочели, Силијан Марфи, Двејн Рок Џонсон и други. Имаше и протести и барања веднаш да се воспостави примирје во Газа. Церемонијата започна, водителот Џими Кимел се заблагодари што повторно е домаќин на Оскарите.Оваа година, на на 96. Оскари триумфираше „Опенхајмер“. Тој доби седум златни статуетки - во категориите: најдобар филм, најдобра режија, најдобра машка улога, најдобра машка споредна улога, кинематографија, најдобра оригинална музика и монтажа.„Опенхајмер“ е најдобриот филм, прочита Ал Пачино.Како течеше вечерта:Фокусот беше на екипите на филмовите „Барби“ и „Опенхајмер“. Маргот Роби и Рајан Гослинг седеа во близина. Своите места ги зазедоа Силијан Марфи и Роберт Дауни Џуниор. Бредли Купер, кој е номиниран за главна машка улога, на доделувањето на Оскарите дошол со својата мајка.Прва беше доделена наградата за најдобра споредна женска улога. Во конкуренција беа Џоди Фостер, Емили Блант, Америка Ферера, Даниел Брукс, Двејн Рендолф. Двејн Џој Рендолф годинава го освои првиот Оскар за најдобра споредна женска улога за улогата во филмот „Holdovers“ („Академија Бартон“). Актерката заплака и им се заблагодари на сите за наградата."Се молам на Бога ова да се повтори. Ви благодарам на сите", рече емотивната Двејн.Ања Тејлор Џој и Крис Хемсворт го доделија следниот Оскар, за краток анимиран филм. Филмот „Војната е завршена“, кој исто така го сними синот на Џон Ленон - Шон Ленон, доби признание. „Момчето и чапјата“ доби Оскар за долгометражен анимиран филм. Признание за Тоши Сузуки и легендарниот Хајао Мијазаки.Филмот „Анатомија на падот“ доби Оскар за најдобро оригинално сценарио. Награда за Артур Харари и Џастин Трит.Следната награда се доделува за најдобро адаптирано сценарио. Оскарот за оваа категорија оди за „Американска фикција“. Корд Џеферсон ја зеде наградата. Следуваше музичка пауза. Били Ајлиш и Финес О'Конел ја изведоа песната номинирана за Оскар „What I Was Made For“. Музичките ѕвезди добија овации по нивниот настап.Кетрин О'Хара и Мајкл Китон ја доделија наградата за најдобра споредна машка улога. Пред тоа, Оскар за најдобра сценографија доби филмот „Кутрите суштества“. Истата продукција ја доби наградата за шминка и фризура, како и за најдобар костим.Инаку, за време на доделувањето на Оскарот за најдобар костим, актерот Џон Сина се прошета гол на сцената.Филмот „Зона на интерес“ на Џонатан Глејзер доби Оскар за најдобар меѓународен филм. Во силна конкуренција, Оскар за најдобра машка споредна улога му припадна на Роберт Дауни Џуниор за неговата улога во филмот „Опенхајмер“. Холивудската суперѕвезда им се заблагодари на сите.Арнолд Шварценегер и Дени ДеВито добија Оскар за најдобри визуелни ефекти. Филмот „Годзила“ доби признание.Нов Оскар за „Опенхајмер“. По Роберт Дауни Џуниор, ова дело ја доби наградата за најдобра монтажа. Оскарот за најдобар краток документарен филм го доби продукцијата „Master Workshop“.Филмот „Дваесет дена во Мариопол“ доби Оскар за најдобар документарен филм. Авторот на ова дело наградата и ја посвети на Украина.Филмот „Опенхајмер“ доби Оскар за најдобра фотографија. Поточно, холандскиот кинематографер Хојте Ван Хојтема.Најдобар краток филм е „Прекрасната приказна за Хенри Шугар“ на Вес Андерсон.По изведбата на Беки Џи, Оскар за најдобар звук и беше доделен на актерската екипа на филмот „Зона на интерес“.Рајан Гослинг, кој ја отпеа песната од филмот „Барби“ „Јас сум само Кен“, настапи на Оскарите. На сцената му се придружи легендарниот рокер, гитаристот на Guns N' Roses, Слеш.Следуваа Оскарите за најдобра оригинална песна и најдобра оригинална музика. На „Опенхајмер“ му беше доделена наградата за најдобра оригинална музика. Поточно, на композиторот Лудвиг Јорансон. Били Ајлиш и Финес О'Конел добија Оскар за најдобра оригинална песна. Станува збор за песна која го краси филмот „Барби“.Академијата им оддаде почит на актерите и филмските работници, како и на Алексеј Навални, кој нѐ напушти. Во нивна чест песната „Time To Say Goodbye“ ја изведоа Андреа Бочели и неговиот син Матео.Моментот кој многумина го чекаа. Оскар за најдобра машка улога отиде во рацете на Силијан Марфи за улогата во филмот „Опенхајмер“.Актерот не го криеше својот ентузијазам и им се заблагодари на сите.https://twitter.com/Variety/status/1767008286312706259?ref_src=twsrc%5Etfw%7Ctwcamp%5Etweetembed%7Ctwterm%5E1767008286312706259%7Ctwgr%5E8c2998b8cfd1df5df2a6947e223a1133c4e5d174%7Ctwcon%5Es1_&ref_url=https%3A%2F%2Fwww.telegraf.rs%2Fpop-i-kultura%2Ffilm-tv%2F3852075-dodela-oskara-2024-ko-osvaja-veliko-priznanje„Јас сум горд Ирец што стојам овде вечерва“, рече Марфи, кој е номиниран за прв пат.Наградата ја посвети на сите оние кои се обидуваат да воспостават мир во светот.Оскар за најдобра машка споредна улога му припадна на Роберт Дауни Џуниор, за улогата во филмот „Опенхајмер“.Следуваше целосен триумф за „Опенхајмер“. Новиот Оскар му припадна на Кристофер Нолан, кој беше прогласен за најдобар режисер.Познатиот режисер се заблагодари на целиот тим на „Опенхајмер“.„Им благодарам на сите што веруваа во мене во текот на мојата кариера“, рече Нолан.Ема Стоун е најдобрата женска актерка, за улогата во филмот „Poor Things“. Тоа е нејзин втор Оскар во кариерата, бидејќи првиот го освои за улогата во филмот „La La Land“.Видно возбудената Ема им се заблагодари на сите, особено на екипата на филмот „Кутри суштества“.

Магазин | пред 1 година

(Фото) Оскари: Актерот и борач Џон Сина се појави гол на големата сцена на театарот Долби

Актерот и борач Џон Сина се појави гол на големата сцена на театарот Долби и го објави добитникот на Оскар за најдобар костим. Наградата му припадна на филмот „Кутрите суштества“, кој претходно го доби Оскар за најдобра шминка и фризура, како и за сценографија.Водителот Џими Кимел, пред пристигнувањето на Сина, се присети на моментот во 1974 година кога, додека водителот Дејвид Нивен на сцената ја претставуваше Елизабет Тејлор, човек по име Оберт Опал, американски фотограф и сопственик на уметничка галерија, истрча преку сцената. Тогаш се појави Сина, кој малку по малку излезе целосно гол на сцената само покривајќи ги гениталиите. Појавата на Сина без облека брзо привлече внимание, а на социјалните мрежи веќе се зборува дека ова е најдобриот настан од овогодинешните Оскари.

Магазин | пред 1 година

Ова селфи го сруши интернетот пред 10 години, а денес многумина го нарекуваат „клето“ - еве зошто

Поминаа 10 години откако водителката Елен Деџенерис го сруши поранешниот Твитер, сега познат како Х, откако објави селфи со познати холивудски ѕвезди. Сега велат дека таа фотографија е „клето“.На 86-тото доделување на Оскарите, водителката и комичарка Елен Деџенерис собра неколку познати личности за време на церемонијата и го овековечи моментот.Фотографијата на Бредли Купер, Џенифер Лоренс, Мерил Стрип, Бред Пит, Анџелина Џоли, Џулија Робертс, Лупита Нионго, нејзиниот брат Јуниор, Ченинг Тејтум, Кевин Спејси и едвај видлив Џаред Лето брзо стана вирална. Беше споделен повеќе од два милиони пати за само два часа. И иако овој момент замина во историјата, многумина сега се шегуваат дека мобилниот телефон со кој е направена фотографијата бил опседнат.Во текот на 10-те години, повеќето од ѕвездите на фотографијата доживеале лични или професионални проблеми. Водителката на популарната емисија Шоуто на Елен Деџенерис се соочи со сериозни обвинувања во 2020 година. Деџенерис тогаш одлучи во 2022 година дека ќе го прекине снимањето на сопственото ток-шоу, кое беше во етерот цели 19 години, а оттогаш таа речиси не се појавува на ТВ.Поранешната холивудска двојка исто така не ја следеше среќата. Бред Пит и Анџелина Џоли се разведоа во 2019 година, но тука не беше крајот на проблемите. Од почетокот на 2022 година, тие се во суд за винарија во Франција, а започнаа и битка за старателство над децата, во средината на која Џоли го обвини Пит дека вербално и физички ги малтретирал неа и некои од нивните деца за време на летот од Франција во САД во 2016 година.Актерската дива Мерил Стрип минатата година објави дека од 2017 година не живее со својот сопруг Дон Гамер, со кој помина повеќе од 40 години. Кариерата на Кевин Спејси е прилично стагнантна од 2017 година, кога беше обвинет за сексуален напад. Актерот неколку пати беше обвинет за сексуален напад, но досега беше ослободен од сите обвиненија.Џенифер Лоренс беше мета на хакери кои ги објавија нејзините разголени фотографии. Бредли Купер раскина со својата партнерка Ирина Шајк, а неговиот последен филм Маестро наиде на поделени мислења, пишува Index.hr.Филмските критичари истакнуваат дека Џулија Робертс нема снимено некој особено добар филм во деценијата зад нас, а уште повеќе, тие ги сметаат за значителни неуспеси. Единствените чии кариери останаа недопрени во тие 10 години се Ченинг Тејтум, Лупита Нионго и Џаред Лето.

Магазин | пред 1 година

(ВИДЕО) Гледачите ја погледнаа забавената снимка од шамарот, тврдејќи дека јасно се гледа дека тој глуми

Обожавателите на Оскарите, на кои сега веќе познатата шлаканица им е толку интересна што ја гледаа забавената снимка, се убедени дека целата работа е наместена, односно дека Вил Смит и Крис Рок се договориле актерот да му удри шамар на комичарот.Смит (53) ги шокираше насобраните во салата и гледачите пред малите екрани кога тргна кон бината и му удри шлаканица на Рок (57), откако се пошегува на сметка на избричената глава на Џејд Пинкет Смит.По гледањето на забавената снимка, многумина тврдат дека е значајно што Рок стои како да очекува шлаканица.„Крис Рок се гримаса бидејќи знае што доаѓа. Раката на Смит едвај го допре“, тврди еден гледач, убеден дека целата работа е лажирана.„Актерите, особено оние како Смит, знаат да одглумат удар или шамар. Ова е наместено“, тврди друг.„Рок и Смит ја работат работата со децении. Замислете, има луѓе кои мислат дека ова е реално“, додаде третиот."Ова беше целосно лажно. Смит не можеше така да му удри шлаканица на Рок на телевизија. Тој е преголем господин. Ако ги погледнете снимките со забавена снимка, ќе видите дека Крис бил подготвен да удри шамар пред тоа да се случи. Тие веројатно се добро платено за ова“, смета четвртиот."Целата работа ми изгледа наместена. Крис Рок се наведна и го чекаше шамарот. Смит се насмеа на враќање кон седиштето. Шамарот не изгледаше природно", истакнува петтиот.

Магазин | пред 3 години

(ВИДЕО) Крис Рок среде оскари доби шлаканица од Вил Смит

Она што на почеток изгледаше како дел од сценариото, набрзо беше јасно дека е вистински скандал меѓу актерите Крис Рок и Вил Смит.За Вил Смит беше навреда кога колегата Крис Рок му рече дека неговата сопруга Џада Пинкет може да ја игра „Г.И.Џејн“ во вториот дел зошто немаше коса, па стана и му удри шлаканица на сцената.Вил Смит продолжи со пцовки кон колегата велејќи да престане да го изговара името на неговата сопруга.Невкусната шега на Крик Рок беше навредлива за Вил Смит и за Џада која уште лани отворено зборуваше дека има агресивна форма на алопеција што довело да ја изгуби косата за еден ден, а потоа воопшто да не и поорасне и дека за тоа нема лек.За време на рекламите, актерите Дензел Вашингтон и Тајлер Пери го смируваа Вил Смит и сопругата Џада која беше видно потресена и плачеше, а по неа се расплака и нејзиниот сопруг.Вил Смит потоа го освои Оскарот за најдобар актер во главна машка улога за улогата на Ричард Вилијамс, таткото на тенисерските легенди Серена и Венус Вилијамс во филмот „Кралот Ричард.“. Беше видно потресен и одржа емотивен говор.

Магазин | пред 3 години